Josue 21:1 - Biblia Mixe de Quetzaltepec

^1-2 Ënät ja mëjja'aytyëjkëty mëti'ipë Leví ja'ayëtyën ojts nyëjkxtë jam ma Siló kajpnën, ma ja Canaán itën, ets mëët myëtya'aka'antë ja teety Eleazar, Josué ets ja mëjja'aytyëjkëty mëti'ipë mëj'äämpy ijtëpën ma ja Israel kajpnën. Tä t'ënëmaaytyë: Tëëyëp ojts yë Wintsën t'ënëëmë yë Moisés ko ëëtsëty nyajmo'otëty yë nkajpnëtyës maas ntsëënëtëyën ets näjyëtu'un mëët ja nyinaax maas ja njëyujk ntsajpkaa tyänëtëtyën.

Biblia Dc en Mixe de Quetzaltepec

^1-2 Ënet ja mëjja'aytyëjkëty mëti'ipë Leví ja'ayëtyën ojts nyëjkxtë jam ma Siló kajpnën, ma ja Canaán itën, ets mëët myëtya'aka'antë ja teety Eleazar, Josué ets ja mëjja'aytyëjkëty mëti'ipë mëj'äämpy ijtëpën ma ja Israel kajpnën. Tä t'ënëmaaytyë: Tëëyëp ojts yë Wintsën t'ënëëmë yë Moisés ko ëëtsëty nyajmo'otëty yë nkajpnëtyës maas ntsëënëtëyën ets näjyëtu'un mëët ja nyinaax maas ja njëyujk ntsajpkaa tyänëtëtyën.

Josue 21:1 ပူးပေါင်းရင်းမြစ်များ

Josue 14:1

Ya'atë ja it naaxwiinyëtë mëti'ipë yajmooytyën ja Israel ja'ayëty tä tu'uk ja kuma'ayënën mëti'ipë ojts tyajwa'kxtën ja teety Eleazar, Josué, yë myaank yë Nun ets ja mëjja'aytyëjkëty mëti'ipë nyikopk'ajtëpën ja Israel ja'ayëty.

Josue 19:51

Tëkokyë ya'atë it naaxwiinyëtë mëti'ipë yam të yajnimëtyä'äkyën, yë'ë ojts tyajwa'kxtë yë teety Eleazar, Josué ets mëjja'aytyëjkëty, aak ojts t'ijxpëtsëëmta'atë tä ënäty nitu'ukjaty tyuka'ajëtën, jam Wintsën wyintum ma ja wit tëjk yajnitëkën ma ja näpyaatë y'ityën mëët yë Wintsën. Ya'atë jam ojts tyunyë jyätyë ma ja it naaxwiinyëtë txëëwatyën Siló. Jëtu'un'äämpy ja Israel ja'ayëty tëkokyë ja y'it nyaaxwiinyëtë tpëjktaaytyë.

Josue 17:4

Ënät ojts tääpë to'oxy'ëna'këty tninëjkxtë ja teety Eleazar, Josué, mëjja'aytyëjkëty ets t'ënëmaaytyë: Yë Wintsën ojts t'ënëëmë yë Moisés etsës näjyëtu'un xymyo'otëty yë naaxëtyës, tä ja nmëku'uktëjkëtyës ja nyaax të tpëktën. Ënät ja Josué ojts tjantymyo'oy ja nyaaxëty ya'atë to'oxy'ëna'këty jëtu'un tä ënäty të yajmo'otën ja myëku'uktëjkëty.

Éxodo 6:25

Tu'uk yë y'u'unk yë Aarón mëti'ipë xyëëwajtypyën Eleazar, yë'ë ojts mëët pyiky yë nyëëx yë Futiel ets yë'ë ojts tyajminy tyajja'ty naaxwiiny ja mëti'ipë yajtijyën Finees. Ya'atë jëtu'un ojts tnikopk'atë yë Leví ja'ayëty, jëtu'un ja xyëëwëty këxja'ay myintë tä tyu'kja'ay'ajtën.

Éxodo 6:14

Ya'atë jëtu'un ojts tnikopk'atë yë jyiiky myëku'ukëty jënu'un tu'ktaak tu'kteety tyu'kmëku'uk'atën. Yë'ë Rubén y'u'unk'ajt y'ëna'k'ajt yë Israel yë myëtu'uk u'unk, mëti'ipë xyëëwajtën Hanoc, Falú, Hesrón ets Carmí, ya'atë jëtu'un jyä'äy'ajt.

Génesis 49:7

Mpojkpyës yam ets poky y'itëty yë tsyip y'äkëty ëxëëkpë tëkatsypë. Ëjts n'awojpwa'kxta'ajëp maajaty yë Israel kajpn yajpaatyën.

Números 35:1

Ënät yë Wintsën ojts tmëkäjpxy yë Moisés, jam joyjyotm ma tnitänën yë Moab, winkon ma ja Jordán mëjnëëjën, yë'ë mëët nyäwyinku'ixëty yë Jericó kajpn ets t'ënëmaay:

Números 35:8

Ko ja Israel ja'ayëty nëjkx tmo'otë ja nyaaxëty ja Leví ja'ayëty, mëti'ipë nëjkx tkajpn'atën, tu'ukjaty ja ja'ay nëjkx ja nyaax tpuyaktë, tä ënäty të tyuka'ayën. Pën ja nyaax mëjën, kanaak nëjkx ja kajpn tyäky. Pën ja nyaax wäänën, wäänë nëjkx ja nyaax tyäky.