Josue 20:9 - Biblia Mixe de Quetzaltepec

⁹ Ya'atë kajpn mëti'ipë tsoktaknën paaty ojts twin'ixtë yë Israel ja'ayëty ets jam oypyënëty kyäktso'oktëty, wä'än yë'ë'atë jaaypyaat jaaypyo'kxyëty mëti'ipë kutsëna'ayëtëpën. Ja ja'ay mëti'ipë ka'ap ja myëku'uk tsoky tyaj'ookyën jam nëjkx kyäktso'oky, këtiipë ja o'kpë ja myëku'uk näjyëtu'un tyuuntëkoyën ets ënätyë tyaj'ooka'anëty ja mëti'ipë ënäty të yaja'ay'ookyën ets ka'anëm yajxon yajnipaye'ey.

Biblia Dc en Mixe de Quetzaltepec

⁹ Ya'atë kajpn mëti'ipë tsoktaknën paaty ojts twin'ixtë yë Israel ja'ayëty ets jam oypyënëty kyäktso'oktëty, wä'än yë'ë'atë jaaypyaat jaaypyo'kxyëty mëti'ipë kutsëna'ayëtëpën. Ja ja'ay mëti'ipë ka'ap ja myëku'uk tsoky tyaj'ookyën jam nëjkx kyäktso'oky, këtiipë ja o'kpë ja myëku'uk näjyëtu'un tyuuntëkoyën ets ënätyë tyaj'ooka'anëty ja mëti'ipë ënety të yaja'ay'ookyën ets ka'anëm yajxon yajnipaye'ey.

Josue 20:9 ပူးပေါင်းရင်းမြစ်များ

Números 35:15

Ya'atë tëtujkpë kajpn, jä'ä nëjkx wyä'äny tsoktakn. Jam nëjkx kyäktso'oktë yë Israel ja'ayëty ets oy yë'ëjëty yë jaaypyo'kxyjyä'äyëty. Jam kyäktso'oktëty yë ja'ayëty mëti'ipë ënäty yë myëku'uk ka'ap tsyokyëty të tyaj'ookyën.

Josue 20:6

Ja ja'ay mëti'ipë ënäty käktsokpën kopkpëky ko tnikajpxëty pën janty tëy jëtu'un mëti'ipë ënäty të tyuny të jyätyën ets nëjkxëp ja ja'ay myuktë ets tmëtoow'itëty. Jam nëjkx wyi'imy koonëm ja teety y'ookëty mëti'ipë ënäty jä'ä xëëw tuunpën. Täänëm nëjkxy wyimpity jatëkok ma ja nyaax kyajpnën.

Josue 20:4

Pën ënäty käktso'okaanp jam jëyëjp jya'tëty ma ja kajpn yajnitëkën ets tnikajpxëty ma ja mëjja'aytyëjkëtyën tiikyëjxm ko kyäktso'oka'any. Täänëm tyajtëkëtëty ma ja kajpnën ets tmo'otëty tu'uk ja naax kam ma y'itëtyën.

Números 35:13

Ja naax kajpn mëti'ipë ënäty yajktëpën, tëtujk nëjkx wyä'äny tsoktakn.

Josue 20:8

Ets näjyëtu'un jamtsow nëë'awinaxy ma ja Jordán mëjnëë jyënäkyën, ma ja nijoyën jampë wyi'imyën të'ëts'itjotm, a'oytsyow wyi'imy ma ja Jericó kajpnën. Yë'ë ojts twin'ixtë Béser mëti'ipë nyitënääpyën ja Rubén ja jyä'äy; e jam ma ja Galaad itjotmën yë'ë ojts twin'ixtë ja Ramot mëti'ipë ja Gad ja jyä'äy nyitënaaytyëpën, e ma ja Basán itjotmën yë'ë ojts twin'ixtë ja Golán mëti'ipë nyitënaaytyëpën ja Manasés ja jyä'äy.