Josue 20:3 - Biblia Mixe de Quetzaltepec

³ Jam kyäktso'oktëty yë ja'ay mëti'ipë ja myëku'uk ka'ap tsyokyëty tyaj'ookyën, jëtu'un tkukä'äkëty ja ja'ay ja myëku'uk mëti'ipë ënäty të y'ookyën.

Biblia Dc en Mixe de Quetzaltepec

³ Jam kyäktso'oktëty yë ja'ay mëti'ipë ja myëku'uk ka'ap tsyokyëty tyaj'ookyën, jëtu'un tkukä'äkëty ja ja'ay ja myëku'uk mëti'ipë ënety të y'ookyën.

Josue 20:3 ပူးပေါင်းရင်းမြစ်များ

Levitico 4:2

Ënëëmë yë Israel ja'ayëty, ko pën pyokytyunëty ajotkumonë ets tkäjpxykyutëjëty ja ënä'ämën tëyajtën mëti'ipë ënäty ja Tios të tni'ënä'ämën yajpatunëty, ya'atë nëjkx tuntë:

Números 35:12

Jamts nëjkx kyäktso'oky ja ja'ay ma ënäty yaj'ookanyën ja ja'ay ja myëku'uk mëti'ipë ënäty të y'ookyën. Koonëm nëjkx wya'këxë'ëky ma kutuunktëjkëtyën ets jä'ä nyipaye'eyëtëty.

Josue 20:2

Ënëëmë yë Israel ja'ayëty wä'än twin'ixtë yë kajpn mëti'ipë tsoktakn wa'anëpën, jëtu'un tääjës ojts ntuk'ëne'emyën yë Moisés

Josue 20:4

Pën ënäty käktso'okaanp jam jëyëjp jya'tëty ma ja kajpn yajnitëkën ets tnikajpxëty ma ja mëjja'aytyëjkëtyën tiikyëjxm ko kyäktso'oka'any. Täänëm tyajtëkëtëty ma ja kajpnën ets tmo'otëty tu'uk ja naax kam ma y'itëtyën.

Números 35:19

Ko ja ja'ay ja myëku'uk mëti'ipë ënäty të y'ookyën, yë'ë patëp tyaj'o'kwinpitëty ja myëtsip, ëkë ja mëti'ipë ënäty ja myëku'uk të yaj'o'kxëtyën ko muum tpaatëty.

Números 35:22

E pën ajotkumonë yë myëku'uk nyajtstijëp, ka'ap tsyokyëty tuny ets ka'ap yë'ëkyëjxmëty ko tmëtsip'aty, ëkë pën tyukjëpijpy yë myëku'uk oy tii mëët ets ka'ap tsyokyëty tuny,

2 Samuel 14:11

E ja to'oxytyëjk ni'ikyë y'ënaan'ëtë'ëtsy: Tyamës yë Wintsën yë xyëëw nkajpxpatë ets mijts nmënu'kxtä'äky ma yaa m'ëne'emyën myajkutukyën ets xymyëpëjktsowëty yë Wintsën ets jyä'äkyukëty ja nmëku'uktëjkës, këtiipë ja ëxëëk winma'any tpaatëty tyaj'ookantëpëty ja wiinkpë ja nmaankës, mëti'ipë je'eyë tu'uk jaakwë'ëmpën. Tä ja ënä'ämpë tnikajpxëy: Tyam yajxon n'ënëëmë mëët ja Wintsën ja xyëëw ko yë mmaank nitii kyajata'anyë jëtu'un tä jeexyë kyuwaay nitu'uk kyaka'ayën.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Tios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Tios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.