Josue 2:2 - Biblia Mixe de Quetzaltepec

² E ojts ja ja'ay y'ixëtë ets tuk'ëwa'anëtë ja yajkutujkpë jampë yajpaatyën Jericó ets y'ënantë: Tëë yë Israel ja'ayëty nimäjtsk jya'të ya'atë xëëw ets t'ixa'an tuna'antë yë naax kajpn.

Biblia Dc en Mixe de Quetzaltepec

² E ojts ja ja'ay y'ixëtë ets tuk'ëwa'anëtë ja yajkutujkpë jampë yajpaatyën Jericó ets y'ënantë: Tëë yë Israel ja'ayëty nimäjtsk jya'të ya'atë xëëw ets t'ixa'an tuna'antë yë naax kajpn.

Josue 2:2 ပူးပေါင်းရင်းမြစ်များ

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Isaías 43:13

Jëtu'un tyimminy tyimku'ty, ëjts jëtu'un Tios'ajtp ets ni pën kyamayëtëty tjëjpmëwa'akëty ja nmëk'ajtënës. Ni pën kyamayëtëty ets tyajma'atëty mëti'ipës tëë ntuknipëjktaakën.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Josue 2:1

Jam ënäty yajpaatë Sitim ko ojts yë Josué tkexy nimäjtsk yë ja'ay jam Jericó ets nëjkx y'ixtë tyuntë ma ja naax kajpnën, jëtu'un t'ënëmaay: Nëjkxtë ixtë tuntë tääpë it naaxwiinyëtë ets xykyëwentëpëktëty wi'ix yajpaatyën yë Jericó kajpn. Ënät ojts nyëjkxtë ets jyajtë jam ma tu'uk ja to'oxytyëjk ja tyëjkën mëti'ipë ja jyot nyini'kx nyimeenypyijkpyën, jä'ä txëëwaty Rahab, jam ojts ja tsuu tyajnaxtë.

Josue 2:3

Ënät ja yajkutujkpë ojts nikäjpxykyäxë ja Rahab ets t'ënëmaay: Yajpëtsëm tääpë nimäjtskpë ja'ayëty mëti'ipë të mniminyën, jä'ä ko je'eyë nëkoo myintë ijxpë tuunpë ma naax kajpnën.

Jueces 18:2

Paatykyëjxm yë ja'ayëty mëti'ipë Dan jyä'äy'äjtypyën, jampë yajpaatën Sorá ets Estaol. Nimëkoxk tkäjxtë myëku'uk ets nëjkx t'ixtë tuntë ja it naaxwiinyëtë, tyaapë nimëkoxpë ijxpë tuunpëty jamtsow ojts nyëjkxtë ma kopkjotmën mëti'ipë yë Efraín ja jyä'äy nyitënääpyën ets jya'ajtaktë ma Micaías yë tyëjkën, jamts ojts ja kootsajtën tyajnaxtë.