Josue 2:12 - Biblia Mixe de Quetzaltepec

¹² Paaty yam n'ënëëmëtë ets xynyikajpxtëty yaa Tios wintuuy ko ka'ap ëxëëk xytyuna'antë ja njëëky nmëku'ukës, ko jëtu'un xy'oyjyawëja'antë tä yam miitsëty n'oyjyawëtën. Tuknija'awëtyëkës ko miitsëty jaanty yam m'ëna'antë,

Biblia Dc en Mixe de Quetzaltepec

¹² Paaty yam n'ënëëmëtë ets xynyikajpxtëty yaa Dios wintuuy ko ka'ap ëxëëk xytyuna'antë ja njëëky nmëku'ukës, ko jëtu'un xy'oyjyawëja'antë tä yam miitsëty n'oyjyawëtën. Tuknija'awëtyëkës ko miitsëty jaanty yam m'ëna'antë,

Josue 2:12 ပူးပေါင်းရင်းမြစ်များ

Josue 2:18

E ko ënäty ëëts nitëkëtë ya'atë naax kajpn yë'ë mkutëyëp ya'atë tsaptswit ma mtëjk nyi'ëwa'atsëtyën maas tyam të xyajkä'äktën. Nëjkxëp xyajtu'ukmujkta'ay ma mtëjkën yë mtaak, mteety, mjëëky mëku'uk ets tëkokyë jënu'un mëët mtu'kja'ayëtyën.

Santiago 2:13

Pën ja myëku'uk ka'ap tpa'ëyoy, näjyëtu'un ja Tios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënäty ja paye'eyën y'ity.

1 Timoteo 5:8

Pën ka'ap nyämyëmay nyämyëtajyë ets ka'ap ja jyiiky myëku'uk tmëmay tmëtajy, ka'ap jëtu'unpë ja ja'ay myëpëky ets o'ktëy ni'ik y'ëti'itsy këtiinëm ja mëti'ipë ka'ap myëpëktën.

Romanos 1:31

ka'ap jyä'äkyukëja'antë, ka'ap ja y'ayuk tpatuntë, ka'ap pën t'oyjyawëtë, ka'ap nyimyä'kxtë, ka'ap ja pa'ëyo'owën tmëët'atë.

Marcos 14:44

Ja Judas tëë ënäty ja ijxpät tyäky, jëtu'un ënäty të y'ënä'äny: Pënës ntsu'kxyp, yë'ë ënäty, yë'ëts mmatstëp ets xyajnëjkxtëty, mëk xymyatstëty.

Jeremias 12:16

Mëtëy ja ijty ko yë'ë ojts tukni''ixëtë ja nnaax nkajpnës wi'ix tii tnikajpxtëtyën mëët xyëëwkyëjxm yë Baal, e tyam jyëkyejpy tsyënaaytyaknpëktëty nkajpnjotyës, pën kyupëjktëp ja mëpëjkën ijxtëmës nkajpn myëpëkyën ets pën ënantëp ko tii tnikajpxtëty: Mëët yë'ëkyëjxm yë Wintsën yë jyuukyajtën.

Ester 8:6

Jä'ä koos, ¿wi'ixës jëtu'un jotkujk njuuky'atëty pën nija'apës koos ja njëëky nmëku'uk ets ja nmëkunaax nmëkukajpn y'o'kta'aja'antë?

2 Crónicas 36:13

Ënät ojts tmëtsiptsoony ja yajkutujkpë Nabucodonosor, mëti'ipë ënäty të tyuknikäjpxyën mëët ja Wintsën xyëëwkyëjxm ko tu'ukyë nyäyaj'ita'anëtë ets tu'ukyë ja winma'any tmëët'ata'any ko ka'ap tnijootwinpita'any ja Wintsën, mëti'ipë ja Israel ja'ayëty Tyios'ajtëpën.

1 Samuel 30:15

¿Oyës jam xywoownëjkxëty ma tääpë mä'tspë yajpaatanë? Jëtu'un ja David tyajtëëy. E ja Egiptë ja'ay tyaa ja y'ëtsooy: Tyam nwoownëjkxëty je'eyëp ko ënät pën ka'apës xykyë'ëyäky maas yë nwintsënën ets näjyëtu'un pën ka'ap mijts xyaj'ookyës.

Josue 9:15

Josué ojts jëtu'unpë ja aaw ayuk tkupëky ets tuuny ja käjpxytyu'unën mëët yë'ëjëty, ënät nyäy'ënanëtë ko ka'ap maa tsip käjpxy tmëët'ata'antë ets jëtu'un ojts tnima'kxtë ja jyuuky'ajtënëty. Näyjyëtu'un ja Israel mëjja'aytyëjkëty ojts t'a'ixëtë.

Josue 2:13

yajtsoktëkës mëët ja ntaak nteetyës njëëky nmëku'ukëtyës ets tëkokyë jënu'un winë tmëët'atën. Këtiis xyaj'ook xyajtëkoytyëty.

Éxodo 12:13

Yë ne'pny yë'ë nëjkx yë mjëën mtëjkëty xytyukkoytyë, yë'ëtsës n'ixëp etsës jëtu'un nijawëty ko ënäty miitsëty jap myajpaatë. Paaty koos ënäty naxy ma ja Egiptë ja'ayëty ja jyëën tyëjkëtyën, maas ënäty nyaj'ooka'anyën tëkokyë ja kä'äxkopktëjk. Ma miitsëtyën nitu'uk pën kya'ookëty, jä'ä ko ja ne'pny jä'äs n'ixëp etsës jëkäm naye'eyëty ja mjëën mtëjkëty.

Génesis 24:9

Ënät ja tuunpë ojts ja kyë'ë tpëjktä'äky ma ja wyintsën Abraham ja pyuuypya'tkën ets ojts tnikäjpxy mëët yë Tios xyëëwkëjxm ko tuna'any jëtu'un tä ënäty ja wyintsën Abraham të y'ënë'ëmxëtyën.

Génesis 24:3

Ets nikajpx mëët yë Tios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

Génesis 21:23

Paaty tyam nikäjpxyës, mëët Tios xyëëwkëjxm, ma yaa nyajpatëmën. Ko ka'ap wi'ix xytyuna'antës, ëjts mëëtës ja njëën ntëjk ja n'u'unk n'ëna'k, etsës ja n'u'unk n'ok. Nikajpx mëët Tios xyëëwkyëjxm ko oyës xyjyawëja'any, jëtu'un tä mijts oy të njawën, ets näjyëtu'un mëët tu'kë'ëyë mëti'ipë tsënaay juuky'ajtëpën ma ya'atë naax kajpnën ma tyam mtsëënën.

Génesis 40:14

Ko jëtu'un tyunëtëty jyatëtëty xyjyä'ämyätsëpës, mtunëp yë mëyajtën, xymyëkajpxëty yë yajkutujkpë mëët ëjtskyëjxm ets xyajpëtsëmëtyës pujxn tëkoty. Pa'ëyo'ow najts'ëyo'owëkës.

Josue 2:19

Jä'ä tëy, ko pën ënäty kë'ëm pyëtsimy ma mtëjkën, kë'ëm ënäty nyätyunyë ets ka'apës npoky'atëty. E ko pën nëkoo ëxaty mtunëtëty ma mtëjkën ets wi'ix mjatëty mkëpätëty mëët ja mëti'ipë jap yajpatëpën, ëjts nëjkx mpoky'atës ets nku'ëtsowtës.

Josue 6:22

Ënät ja Josué t'ënëmaay ja nimäjtskpë ja ja'ayëty mëti'ipë ënäty ja kajpn ëka'any të t'ixtën: Nëjkxtë yajpëtsëmtë ja to'oxytyëjk mëti'ipë jyot nyini'kx tyo'kpyën, mëti'ipë ojts myu'utsëtën, mëët tëkokyë jënu'un jap mëët yajpaatën, jëtu'un tä ojts mëët xykyäjpxy'atën.

Jueces 1:24

Ja ja'ayëty mëti'ipë ojts nyëjkxtën ijxpë tuunpë ojts tu'uk ja'ay tmatstë mëti'ipë ënäty jam tso'onpën kajpntum ets t'ënëmaaytyë: Pën xytyukni''ijxëtëp ëëts wi'ix ntëkëtëtyës jam kajpnjotm mijts ka'ap wi'ix myajtunëty.