Josue 2:10 - Biblia Mixe de Quetzaltepec

¹⁰ Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Tios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënäty jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.

Biblia Dc en Mixe de Quetzaltepec

¹⁰ Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Dios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënety jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.

Josue 2:10 ပူးပေါင်းရင်းမြစ်များ

Deuteronomio 2:30

E ja yajkutujkpë Sihón ka'ap t'a'ijxëy etsës jam naxtëty ma ja nyaax itjotmën. Jä'ä ko ja Wintsën, mëti'ipë miits mTiosajtëpën yë'ë ënäty të tuknipëjktaakë ets ka'ap t'a'ixëty jam pën nyaxëty ets tjëkyäpëty wi'ix tkë'ëyakëtyën ma miitsëtyën, jëtu'un tä xy'ixtën tyampaat.

Números 23:22

Yë Tios mëti'ipë jap yajpëtsëëmëtën Egiptë, yë'ë tyimtukjotmëk'ajtëp ets timjyawëtë tä yë tsajpkaa in yë wyaj tjawën.

Josue 4:24

Jëtu'un nëjkx tëkokyë ja naax kajpn tnijawëtë naaxwiinyëtë apëtsëmy ko yë Wintsën mëj ets jaanty yë'ë. Miitsëty yë'ë xëmë m'ëwtatëp ets xymyëjjaw xy'oyjyawëtëty, tääpë Wintsën mëti'ipë miits mTiosajtëpën.

Números 20:14

Jam Cadés jam ënäty yajpaaty yë Moisés, ko tkejxy nimäjtsk nitëkëëk yë kukäjpxy jam ma yajkutujkpën, mëti'ipë jam ënä'ämpën Edom ets t'ënëëmëtëty: Yë mjëëky mëku'uk yë'ë ya'atë aaw ayuk mtuknikäjxëtëp ets m'ënë'ëmxëty: Ko mijts wa'ats xy'ixy xynyijawë, wi'ix ëëts ja ëyo'on jotmay nmënax nyajnaxtën.

Números 24:8

Ja Tios mëti'ipë ojts yajpëtsëmëtën jap Egiptë, yë'ëjëty jëtu'un tmëët'atë tääpë Tios tä tu'uk yë patsajpkaa inpë tjawën yë wyaj. Yë Israel ja'ayëty nëjkxëp tyajkutëkooytya'atë ja naax kajpn mëti'ipë tyam mëtsip'ajtëpën. Nëjkxëp tuktëjëtya'a tukwäjxëtya'atë ja wyääy pyajk, ets mëët ja tyi'pxnëty nëjkx tkuti'pxta'atë.

Josue 5:1

Tëkokyë yë yajkutujkpëtëjk mëti'ipë ënäty jam yajpatëpën xëëwkëtä'äkytsyow ma ja Jordán mëjnëëjën, ets ja yajkutujkpëtëjk Canaán ja'ayëty, jampë tsyëënëtën winkon ma ja naax mejy'itkujkpyën; ojts nijawëtë ko ënäty ja Tios ja Jordán mëjnëë të tyajtë'ëtsy ma ja Israel ja'ayëty nyajxtën, paaty ojts tsyë'ëkëtë ets ka'ap tnipëtë'ktë ja Israel ja'ayëty.

Salmos 74:15

Mijts ojts xyajkupëjy yë nëë wok ets mëjnëë, ojts näjyëtu'un yë nëë muum xyajtë'ëtsy ma ënäty ka'ap y'ëmaaytyä'äkyën.

Josue 9:10

ets näjyëtu'un wi'ix tuunyën ja yajkutujkpëtëjk mëti'ipë Amor ja'ayëtyën jampë yajpaatën nëë'awinaxy ma Jordán mëjnëë jyënäkyën. Jä'ä ja Sihón mëti'ipë jam kukajpn'ajtpën Hesbón ets ja Og jampë y'ëne'emyën Basán mëti'ipë tsënaayën jam Astarot.

Josue 24:12

Ja nimäjtskpë Amor ja'ay yajkutujkpë ojts y'ooktë, ka'ap myiitsëty xyaj'o'ktë mëët ja mtëypyujxnëty ets ja mti'pxnëty, ëjts ojts ja nmëk'ajtënës nyajkëtä'äkyës miits mwintuuyëty ets yë'ë kyäktaaytyë ka'anëm ënäty miits jam mja'tënëm.