Josue 19:24 - Biblia Mixe de Quetzaltepec

²⁴ Ja mëmëkoxkpë ja it naaxwiinyëtë mëti'ipë yaj'ijxpëtsëëmën, yë'ë ojts tyuka'ajëtë ja ja'ayëty jënu'un tyu'kjëëky'at tyu'kmëku'uk'atën mëti'ipë jyä'äy'äjtypyën ja Aser.

Biblia Dc en Mixe de Quetzaltepec

²⁴ Ja mëmëkoxkpë ja it naaxwiinyëtë mëti'ipë yaj'ijxpëtsëëmën, yë'ë ojts tyuka'ajëtë ja ja'ayëty jënu'un tyu'kjëëky'at tyu'kmëku'uk'atën mëti'ipë jyä'äy'äjtypyën ja Aser.

Josue 19:24 ပူးပေါင်းရင်းမြစ်များ

Josue 19:23

Ya'atë jëtu'un it naaxwiinyëtë mëti'ipë ojts yajmo'otën ja ja'ayëty jënu'un tyu'kjëëky'at tyu'kmëku'uk'atën, mëti'ipë yë Isacar jyä'äy'ajtën ets ja naaxwiinyëtë aakmëët ja myëjkajpnëty ets ja myutsk kajpnëty.

Josue 19:25

Ojts tjä'ä'atë ja naax kajpnëty mëti'ipë xyëëwajtëpën: Helcat, Halí, Beten, Acsaf,

Génesis 35:26

E mëti'ipë y'u'unk'ajtën mëët ja Zilpá ja Lea ja tyuunpë, jä'ä xyëëwajtë Gad ets Aser. Ya'atë jëtu'un y'u'unk'ajt yë Jacob mëti'ipë ojts jam Padán-aram myintë jya'tën.

Jueces 1:31

Yë jyä'äy yë Aser näy ka'ap ojts myäyëtë twojpëtsëmtëty ja Canaán ja'ayëty jampë yajpaatën Aco, Sidón, Ahlab, Aczib, Helbá, Afec ets Rehob; paaty ojts jam mëët wyë'ëmtë tsënääpyë.

Jueces 5:17

Yë Galaad ni'ikyë ojts jam wyä'äts'oyë ma wyittëjkën nëë'awinnaxy ma Jordán nëë jyënäkyën. Dan ojts jam ni'ikyë wyi'imy ma ënäty jam ja kepytyëjk nëëwimye'epyë yajpaatën, yë Aser ojts jam näjyëtu'un wyi'imy ma ja nëë'aawën, ma ja may kepytyëjk nëëwimye'epyë tsyoontën jya'tën.

1 Reyes 4:16

Baaná, myaank yë Husai, jam ojts t'atänë Aser ets jam Alot;