Josue 18:6 - Biblia Mixe de Quetzaltepec

⁶ E ko ënäty jëtu'un të tkijpxta'atë, täätsës yaa xytyuknimintëty ja aaw ayuk, etsës ja Wintsën ntuk'ëwaanëty ets yajpëjkwa'kxëty Tios wintum.

Biblia Dc en Mixe de Quetzaltepec

⁶ E ko ënety jëtu'un të tkijpxta'atë, täätsës yaa xytyuknimintëty ja aaw ayuk, etsës ja Wintsën ntuk'ëwaanëty ets yajpëjkwa'kxëty Dios wintum.

Josue 18:6 ပူးပေါင်းရင်းမြစ်များ

Josue 14:2

Ojts ja it naaxwiinyëtë tyajwa'kxtë ijxpëtsëmy, ja taxtujk ja kujkmëpë ja naax kajpn, jëtu'un tä ënäty Wintsën të tuk'ëne'emyën ja Moisés.

Josue 18:10

Ënät ojts ja Josué tyajwä'kxy ja naaxwiinyëtë jam Siló ma ja Israel ja'ayëtyën, t'ijxpëtsëmtë mëët ja xyëëw pyo'o Tios wintum jënu'un tu'kpëky ja ja'ay pyäätyën.

Hechos 13:19

Tääts ojts tyajkutëkoy wëxtujkpëky ja naax kajpn mëti'ipë ijtën Canaán ets ja nteety'ajt n'ap'ajtëmë yajmooytyë ja naax.

Proverbios 18:18

Yë oypyë nipaye'eyën yajkëjx yë tsip, ko tyaj'oyë ja tsip tu'knax ma ja'ay kyanämyëkëxyën.

Proverbios 16:33

Yë naaxwiinyëtë ja'ay yaj'ijxpëtsëëmëp wi'ix yë xyëëw jyuukyajtën myinyën, yë Wintsën yë'ë nyija'ap wi'ix të tuknipëjktaakë.

Salmos 105:11

ko y'ënäny: Tyam nmo'ojëty yë it naaxwiinyëtë mëti'ipë jamën Canaán, jëtu'un tä yë näkyumayën mëti'ipë mpatëpën.

Josue 18:8

Ënät ja ja'ayëty ojts nyänyipëjktaakëtë mëti'ipë ja it naaxwiinyëtë y'ijxwa'kxantëpën ets ja Josué y'ënëmaayëtë: Nëjkx tukjëtitëtë tääpë it naaxwiinyëtë ets xykyijpxwa'kxta'atëty. Ko ënäty të xykyijpxta'atë tääts yaa mwinpijtkojnëtëty ets n'ijxmëty yaa Siló, Tios wintuuy, jënu'un ënäty pën tyuka'ayën.

Números 34:13

Ënät ja Moisés ojts ja aaw ayuk tyajwë'ëmy ma ja Israel ja'ayëtyën ets y'ënäny: Ya'atë ja naax kam mëti'ipë nëjkx miits xyajwa'kxtën ijxpëtsëmy. Ya'atë ja naax kam mëti'ipë yë Wintsën të tni'ënä'ämën ets yajmo'otëty ja nitaxtujk ja kujkmëpë ja aptëjk ja y'u'unk y'okëty mëti'ipë ka'ap ja nyaax kyam tpaatënëmën.

Números 33:54

E jä'ä nëjkx xyajwa'kxtë ijxpëtsëmy. Jëtu'un xynyijawëtëty jënu'unjaty tyuka'ajëtën ja ja'ayëty tu'kunaax tu'kukajpnëpë ma ja tu'kja'ayjyätypyën. Pën nimay ja ja'ayëty tyu'kunaax'at tyu'kukajpn'atë, mëj yë nyaax xymyo'otëty. E pën niwäänëty, wäänë yë nyaax xymyo'otëty. Tu'kkajpnjaty ja nyaax pyaatëtëty, jëtu'un tä ënäty tyuka'ajëtën.

Josue 18:7

Yë Leví ja'ayëty ka'ap nëjkx yë nyaax yajmo'otë, jä'ä ko yë'ëjëty yë'ë nëjkx teety'ajtk tuntë ma wyintsën Tyiosëtyën. Yë Gad ets Rubén yë jyä'äyëty ets näjyëtu'un kujkwä'kxy ja Manasés ja jyä'äy tëë yë nyaax tpëjknëtë jam awinmtsow ma Jordán mëjnëëjën, mëti'ipë Moisés mooyëtën, ja Wintsën ja tyuunpë.