Josue 18:3 - Biblia Mixe de Quetzaltepec

³ Ënät ja Josué t'ënëmaay ja Israel ja'ayëty: ¿Miitsëty tiijën m'ëwxijtëp ko ka'ap yë mnaaxëty xynyiwa'aktë mëti'ipë të mo'ojëtën yë Wintsën, mëti'ipë yë m'ap m'ok Tyios'ajtëpën?

Biblia Dc en Mixe de Quetzaltepec

³ Ënet ja Josué t'ënëmaay ja Israel ja'ayëty: ¿Miitsëty tiijën m'ëwxijtëp ko ka'ap yë mnaaxëty xynyiwa'aktë mëti'ipë të mo'ojëtën yë Wintsën, mëti'ipë yë m'ap m'ok Tyios'ajtëpën?

Josue 18:3 ပူးပေါင်းရင်းမြစ်များ

Proverbios 13:4

Yë nuux mëti'ipë jyatsojkën'ajtypyën ka'ap tpaaty. Mëti'ipë ja'ay tuunp ye'epyën, yajxon nyäyajjotkujktä'äkyë.

Jueces 18:9

Tëës ojts jam njantyjyëtitë ma tääpë it naaxwiinyëtën maas ojts xykyäxtën. Tääpë it naaxwiinyëtë janty'oy yë'ë. Paaty nipëjktaakëtë ets mnëjkxtëty, niwa'aktë tääpë it naaxwiinyëtë. Këtii ni'ikyë mnaaxwäätstë nëjkxtë jëtu'un.

Mateo 20:6

Tim tsu'ujënëp ënätynyë ko nyëjkxkojnëpë maayjotm ets tpaty ja ja'ayëty mëti'ipë ka'ap tii ja tyuunkëtyën ets tyajtëëy: ¿Tii ko miits yaa mtänëtë xëënaxy ets nitii xykyatuntë?

Proverbios 15:19

Ja'ay mëti'ipë nuuxën äpnyjyot tu'u t'ixy; e yë ja'ay mëti'ipë oy winë tyuunpyën, mëjwiin ëwaatsë tu'u t'ixy.

Proverbios 10:4

Ko wäänë tii yajnitunë, wäänë tii yajpaaty; e ko mëj këjää tii yajnitunë, mëj këjää tii yajpaaty.

Sofonías 3:16

Jä'ä xëëw nëjkx yë Jerusalén kajpn yaj'ënëëmë: Këtii mtsë'ëkë mijts Sión kajpn ets këtii xykyupëkëty ets mkë'ë m'aaw y'ënu'kxëty.

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Tios Teety yë kutujkën të myo'oyë.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Josue 18:2

tamnëm ënäty niwëxtujk ja Israel kajpn ka'apë nyaax yajmo'otënëm.

Josue 18:4

Win'ixtë nitëkëëk yë ye'etyëjkëty ma tu'ukjaty yë Israel ja'ayëtyën, mëti'ipës nkäxtëpën ets nëjkx tukjëtitëtë yë it naaxwiinyëtë ets yë'ë xytyukmëmëtya'aktëtyës wi'ix mëpaat wyä'kxyën.

Josue 1:6

Jotkujk ets jotmëk mtimnyäyjyawëtëty, jä'ä ko mijts nëjkx xyajwä'kxy ja it naaxwiinyëtë ma ya'atë naax kajpnën, yë'ëjës ntukwinwa'anëy ja m'ap m'okëty koos n'ënëmaaytyë ko ja kyuma'ayën nmo'oja'antës.

Josue 13:1

Josué mëjja'ay ënätynyë ko ja Wintsën y'ënëmaayë: Mijts Josué tëë mmëjja'ayënë ets tää yë it naaxwiinyëtë mëti'ipë jaakwë'ëmpën ka'apë xynyiwa'aktënëm.