Josue 18:28 - Biblia Mixe de Quetzaltepec

²⁸ Selá, Élef, Jebús, yajtijp näjyëtu'un Jerusalén, Guibeá, ets Quiriat, jä'ä nyiwinë'atë majkmajkts mëët ja myutsk kajpnëty. Ya'atë jëtu'un ja it naaxwiinyëtë mëti'ipë ojts tyuka'ajëtën ja Benjamín ja jyä'äyëty.

Biblia Dc en Mixe de Quetzaltepec

²⁸ Selá, Élef, Jebús, yajtijp näjyëtu'un Jerusalén, Guibeá, ets Quiriat, jä'ä nyiwinë'atë majkmajkts mëët ja myutsk kajpnëty. Ya'atë jëtu'un ja it naaxwiinyëtë mëti'ipë ojts tyuka'ajëtën ja Benjamín ja jyä'äyëty.

Josue 18:28 ပူးပေါင်းရင်းမြစ်များ

2 Samuel 21:14

jam tyajnaaxtëjkëtyë yë Saúl ets Jonatán yë wyääy pyajk ma Quis jam kyo'knën, Saúl yë tyeety, jam Selá, ma Benjamín yë nyaax kyajpnjotmën. Jëtu'un tuuntë winë tä ënäty ja yajkutujkpë të tni'ënä'ämën. Ko jëtu'un y'ëktuun y'ëkjajtë tä ja Wintsën tyajtuuy tyajpojy ma ja naax kajpnën.

Josue 15:8

Ya'atë tsëpa'an jam ijty nyäxy ma Ben-hinom joyjyotmën, e jam ëpa'tkë'ëmtsow jam nyäxy ma txëëwatyën Jebús, jä'ä ja kajpn mëti'ipë yajtijpën Jerusalén ets pyäjtë'ëky jam kopkëjxm mëti'ipë wintuuytsyow yajpatpën ma ja Hinom joyjyotën ets jam anëkëjxy'äämpy nyäxy ma ja Refaim joyjotmën,

Oseas 10:9

Jëtu'un yë Wintsën y'ënä'äny: Yë Israel ninu'un pyoky tka'ëxmatsy, tyajtso'ontäky jam Guibeá. Ni'ikyë pyokytyuun'ëtë'ëtsy. Paatykyëjxm yë tsip pyaata'anëtë yë ëxëëkja'aytyëjk jampë yajpaatën Guibeá.

Isaías 10:29

tëë nyëënaxy, jam të myaawë'ëmy Gueba; tsë'këtëp yë Ramá ja'ayëty, ja Saúl ja jyä'äy tëë kyäkta'atë.

2 Samuel 5:8

Tëë ënäty yë David y'ënä'äny ko tnitëkëja'antë ja Jebús ja'ayëty, jamtsow nëjkx nyaxtë ma ja nëëtu'ujën ets tyaj'o'kta'atëty tëkokyë ja wiintstëjk ets ja tekymya'atëjk mëti'ipë ëxëëk y'ijxypyën. Jamts ja ayuk tsyoony mëti'ipë ënaanpën: Yë wiintstëjk ets tekymya'atëjk ka'ap jam tyëkëtëty ma ja tsajptëjkën.

1 Samuel 10:26

Ja Saúl ojts näjyëtu'un nyëjkxnë jam ma tyëjkën jam Guibeá, e yë Tios ojts tuktëkë nimäjtsk nitëkëëk yë ja'ayëty mëti'ipë jyämyëët'ajtën.

Josue 18:16

ets jam jyënajkë'ëky kopk'ëjxm mëti'ipë mëët nyäwyinku'ixëtyën ja Ben-hinom joyjyot, anëkëjxytsyow wyi'imy ma ja Refaim joyjyotmën. Jamts jatëkok jyënajkë'ëky ets jyëjptä'äky ma ja Hinom jyoyjyotmën; nyäxy jam ëpa'tkë'ëmtsow yä'äpwinm ma txëëwatyën Jebús ets tyimnëjkxy, jyä'ty ma tu'uk ja nëëwookyën jam En-roguel.

Josue 15:63

Yë Judá y'u'unk y'ok ka'ap ojts myäyëtë tyajpëtsëmtëty yë Jebús ja'ayëty jam Jerusalén mëti'ipë ënäty jam tsënaaytyëpën, paatykyëjxm yë Jebús ja'ayëty je'eyëm tyampaat mëët y'ijtmuktë yë Judá y'u'unk y'okëty jam Jerusalén.

Números 33:54

E jä'ä nëjkx xyajwa'kxtë ijxpëtsëmy. Jëtu'un xynyijawëtëty jënu'unjaty tyuka'ajëtën ja ja'ayëty tu'kunaax tu'kukajpnëpë ma ja tu'kja'ayjyätypyën. Pën nimay ja ja'ayëty tyu'kunaax'at tyu'kukajpn'atë, mëj yë nyaax xymyo'otëty. E pën niwäänëty, wäänë yë nyaax xymyo'otëty. Tu'kkajpnjaty ja nyaax pyaatëtëty, jëtu'un tä ënäty tyuka'ajëtën.

Números 26:54

Ja ja'ayëty mëti'ipë nimayëtyën mëj nëjkx ja nyaax nyikääkëtë, e ja ja'ayëty mëti'ipë niwäänëtyën mutsk nëjkx ja naax nyikääkëtë. Tu'këëyi'ikyëty ja ja'ay nëjkxëp yë nyaax yajmo'otë jëtu'un tä jap myintën ja xyëëwëty ma ja jaaymyujkën të y'ityën.

Números 26:38

Yë ja'ayëty mëti'ipë y'u'unk'ajt y'ok'ajtë yë Benjamín yë'ë jyä'äy yë Belá, Asbel, Ahiram,

Josue 18:27

Réquem, Irpeel, Taralá,

Josue 19:1

Ja mëmäjtskpë ja it naaxwiinyëtë mëti'ipë ojts yaj'ijxpëtsëmyën, yë'ë ojts tyuka'ajëtë ja Simeón ja jyä'äyëty. Ya'atë naax jam ënäty yajpaaty ma ja Judá ja'ay nyaaxjotëtyën.

2 Samuel 5:6

Ënät ja David ojts jam tsyo'onë mëët ja jyä'äy ets nyëjkxnëtë Jerusalén ets tsyiptuna'antë mëët ja Jebús ja'ayëty, mëti'ipë ënäty jam tsënaaytyëpën. Yë Jebús ja'ayëty jä'ä ojts y'ëna'antë ko yë David tsip ets jam tyëkëty ma ja kajpnën, paaty t'ënëmaaaytyë: Mijts ka'ap mayëtëty ets yaa mtëkëty, yë wiintsëntëjkëty ets teky mya'attëjkëty yë'ë nëjkx ëxëëk mtunyë.

2 Samuel 23:29

Heled, yë myaank yë Baaná, nän jam tsyoony Netofá; Itai, yë myaank yë Ribai, jampë tsyoonyën Guibeá, jampë yajpatyën Benjamín nyaaxjotm;

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Jueces 1:21

E ja Benjamín ja y'u'unk y'ëna'k ka'ap ojts myäyëtë tyajpëtsëmta'atëty ja Jebús ja'ayëty jam Jerusalén. Paatykyëjxm tyampaat yë Jebús ja'ayëty ets Benjamín ja jyä'äy tu'ukyë tsyënaaymyuktë jam Jerusalén.

Jueces 19:10

Ja Leví ja'ay ka'ap ojts t'ëkkupëjknë wyë'ëmëty tu'ktsuu. Ënät ojts jam tsyo'onë mëët ja tyo'oxytyëjk, mëët ja tyuunpë ets nimäjtsk ja jyëyujk mëti'ipë tyuk'u'unyääytyëpën. Ko jyajtë Jebús mëti'ipë tyam yajtijnëpën Jerusalén,

1 Crónicas 8:28

Ya'atë jëtu'un ja'ayëty ojts tnikopk'atë ja y'u'unk y'ëna'këty ets ja jyëën tyëjkëty ninu'un tyu'kja'ay'atën ets naak nyajtsmi'in nyajtsja'tëtë, jampë tsyënaaytyën Jerusalén.