Josue 18:10 - Biblia Mixe de Quetzaltepec

¹⁰ Ënät ojts ja Josué tyajwä'kxy ja naaxwiinyëtë jam Siló ma ja Israel ja'ayëtyën, t'ijxpëtsëmtë mëët ja xyëëw pyo'o Tios wintum jënu'un tu'kpëky ja ja'ay pyäätyën.

Biblia Dc en Mixe de Quetzaltepec

¹⁰ Ënet ojts ja Josué tyajwä'kxy ja naaxwiinyëtë jam Siló ma ja Israel ja'ayëtyën, t'ijxpëtsëmtë mëët ja xyëëw pyo'o Dios wintum jënu'un tu'kpëky ja ja'ay pyäätyën.

Josue 18:10 ပူးပေါင်းရင်းမြစ်များ

Colosenses 1:12

nëjkxëp ja Tios xykyukajpxëtë, mëti'ipë të mtukjatëtën ets xy'ëxajëtëty ja kuma'ayën mëti'ipë myo'ojäämpyën ja nyaax kyajpn të'kxëntuuypyë y'itën.

Hechos 13:19

Tääts ojts tyajkutëkoy wëxtujkpëky ja naax kajpn mëti'ipë ijtën Canaán ets ja nteety'ajt n'ap'ajtëmë yajmooytyë ja naax.

Josue 18:6

E ko ënäty jëtu'un të tkijpxta'atë, täätsës yaa xytyuknimintëty ja aaw ayuk, etsës ja Wintsën ntuk'ëwaanëty ets yajpëjkwa'kxëty Tios wintum.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Tios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Tios ja kyajpnën jä'äkyëjxm koos xymyëpëktë.

Juan 17:2

Jä'ä ko mijts të xymyo'oy ja kutujkën ma tëkokyë naaxwiinyëtë ja'ayëtyën, ets tmo'oja'any ja juukyajtën tëkokyë mëti'ipë të xymye'eyën.

Mateo 27:35

Ko ënäty të tyajkruutspätë, tääts ja tsiptuunpëtëjkëty ojts suertëjoty t'ijxpëtsëmtë ja Jesús ja wyit, pënjaty tuka'ajëp.

Ezequiel 48:29

Ya'atë jëtu'un ja naax kajpn mëti'ipë nëjkx tkuma'ayën'atë ja Israel ja'ayëty ets jëtu'un'äämpy nëjkx xyajwa'kxtë. Ëjts Wintsën, ëjts yam jëtu'un yë ënä'ämën nyäjkpy.

Ezequiel 47:22

Yë'ë nëjkx xykyuma'ayën'atë ets yë'ë nëjkx näjyëtu'un tkuma'ayën'atë jaaypyaat jaaypyo'kxy mëti'ipë y'u'unk myääy myëët'ajtëpën ma miitsëtyën. Yë jaaypyaat jaaypyo'kxy jëtu'un xyjyawëtëty tä jeexyë y'Israel ja'ay'atën. Ko ënäty xypyëjkwa'kxtë yë naax kam nëjkxëp näjyëtu'un yë jaaypyaat jaaypyo'kxy xymyo'otë yë jyä'äjëty mëti'ipë tsënaaytyëpën ma miitsëtyën.

Proverbios 18:18

Yë oypyë nipaye'eyën yajkëjx yë tsip, ko tyaj'oyë ja tsip tu'knax ma ja'ay kyanämyëkëxyën.

Salmos 61:5

Mijts, Tios, mëti'ipës nTios'ajtypyën tëë xymyëtoow'ity mëti'ipës yam nwaantäkpyën, tëë xymyo'oyës ja kuma'ayën mëti'ipë jyä'ä'ajtëpën ja ja'ay mëti'ipë myëjja'awëtëpën ja mxëëw.

Salmos 47:4

Tëë kë'ëm twin'ixy mëti'ipë nëjkx nkuma'ayën'ajtëmën, yë'ë mëti'ipë mëpaat yë Jacob yajtukja'amyetsyën, mëti'ipë ojts tsoky tjawën.

Josue 19:51

Tëkokyë ya'atë it naaxwiinyëtë mëti'ipë yam të yajnimëtyä'äkyën, yë'ë ojts tyajwa'kxtë yë teety Eleazar, Josué ets mëjja'aytyëjkëty, aak ojts t'ijxpëtsëëmta'atë tä ënäty nitu'ukjaty tyuka'ajëtën, jam Wintsën wyintum ma ja wit tëjk yajnitëkën ma ja näpyaatë y'ityën mëët yë Wintsën. Ya'atë jam ojts tyunyë jyätyë ma ja it naaxwiinyëtë txëëwatyën Siló. Jëtu'un'äämpy ja Israel ja'ayëty tëkokyë ja y'it nyaaxwiinyëtë tpëjktaaytyë.

Josue 18:8

Ënät ja ja'ayëty ojts nyänyipëjktaakëtë mëti'ipë ja it naaxwiinyëtë y'ijxwa'kxantëpën ets ja Josué y'ënëmaayëtë: Nëjkx tukjëtitëtë tääpë it naaxwiinyëtë ets xykyijpxwa'kxta'atëty. Ko ënäty të xykyijpxta'atë tääts yaa mwinpijtkojnëtëty ets n'ijxmëty yaa Siló, Tios wintuuy, jënu'un ënäty pën tyuka'ayën.

Números 34:16

Ënät ja Tios ojts tmëkäjpxy yë Moisés ets t'ënëmaay:

Josue 18:9

Ënät tääpë ja'ayëty ojts tsyoontë ets tukjëtijtëtyääytyë ja it naaxwiinyëtë, wëxtujkpëky ojts tkijpxwa'kxtë ets aak nokyjoty tkëxjaaytyääytyë. Ko tkijpxtaaytyë tä ojts wyimpijtkojnëtë jam Siló ma ja Josué jamën.

Josue 18:11

Ko ojts yaj'ixtë mëti'ipë naax ënäty ja Benjamín ja jyä'äy të nyikääkëtën, ënät ojts yajnijawë ko yë'ë ojts tyuka'ajëtë ma ja Judá ets José tjä'ä'atën.

Jeremias 7:12

Nëjkxtë jam Siló, maas yë ntsajptëjkën mëti'ipës ëka'any nwin'ijxën ets jam ntsëënëja'anyës, ixtë wi'ixës ntuunyën mëët ko ja Israel ja'ayëty ojts xymyëtëkoytyës.

Miqueas 2:5

Paaty miitsëty ka'ap nëjkx jam myajpaatë ma Wintsën yë nyaax kyajpnën.

Josue 14:2

Ojts ja it naaxwiinyëtë tyajwa'kxtë ijxpëtsëmy, ja taxtujk ja kujkmëpë ja naax kajpn, jëtu'un tä ënäty Wintsën të tuk'ëne'emyën ja Moisés.

Josue 14:5

Jëtu'un ojts ja Israel ja'ayëty ja it naaxwiinyëtë tyajwa'kxtë jam Canaán naaxjotm jëtu'un tä ënäty ja Wintsën të tuk'ëne'emyën ja Moisés.

Josue 23:4

Tëës yë naax nyajwa'kxta'ay ma miitsëtyën ets aak ijxpëtsëmy të nyajwä'kxyës. Ka'ap ënät yi'iyëty të nyajwä'kxyës mëti'ipë të yajniwä'äkyën, näjyëtu'un të nyajwä'kxyës mëti'ipë ka'ap yajniwä'äkynyëmën. Tä ja mëti'ipë jam tso'ontakpën ma Jordán nëë jyënäkyën ets jyä'ty a'oytsyow ma ja Mejyën Naax'akujkpyë.

1 Crónicas 24:5

Ja tuunk mëti'ipë ojts nyikääkëtën këëkjä'ä, aak ijxpëtsëmy tnija'awëtyë, jam ma ënäty jëtu'un të yajma'kxtën tam ja ja'ayëty mëti'ipë ja ëmaaytyuunk të yajtuknipëktën ma ja Tios tmëtuntëtyën.

Nehemías 11:1

Ja kutuunktëjkëty ojts jam jya'të Jerusalén; ja naax kajpn ojts twin'ixtë ja ja'ay pënjaty nëjkxëpën jam Jerusalén, ets tu'ukjaty yajwinju'të ma tu'ukja'aypyën ets nëjkx jam tsyënaaytyaknpëky Jerusalén, ma ja kajpnën mëti'ipë kënu'kxyën ets wa'atsën, e ja nitaxtujkpëty jam ywë'ëmtëty kajpntum ma ja kajpn mutskëtypyën.