Josue 18:1 - Biblia Mixe de Quetzaltepec

¹ Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënäty të tjajä'äpëjkta'atë,

Biblia Dc en Mixe de Quetzaltepec

¹ Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënety të tjajä'äpëjkta'atë,

Josue 18:1 ပူးပေါင်းရင်းမြစ်များ

Josue 19:51

Tëkokyë ya'atë it naaxwiinyëtë mëti'ipë yam të yajnimëtyä'äkyën, yë'ë ojts tyajwa'kxtë yë teety Eleazar, Josué ets mëjja'aytyëjkëty, aak ojts t'ijxpëtsëëmta'atë tä ënäty nitu'ukjaty tyuka'ajëtën, jam Wintsën wyintum ma ja wit tëjk yajnitëkën ma ja näpyaatë y'ityën mëët yë Wintsën. Ya'atë jam ojts tyunyë jyätyë ma ja it naaxwiinyëtë txëëwatyën Siló. Jëtu'un'äämpy ja Israel ja'ayëty tëkokyë ja y'it nyaaxwiinyëtë tpëjktaaytyë.

1 Samuel 1:3

Jëmëjt jëmëjt yë Elcana ijty jam nyijkxy Siló ets ja Tios nëjkx t'ëwtaty ets tmo'oy ja wyintsë'kën. Jam Siló ijty tyuntë nimäjtsk ja myaank ja Elí mëti'ipë teety'ajtëpën: Tu'uk txëëwaty Ofní ets tu'uk Finees.

Jeremias 26:6

ënätës ya'atë tsajptëjk jëtu'un ntuna'any tä jam Siló jyäjty kyëpejtyën ets nëjkx ijxpäjtën wyi'imy ko të yajpoky ma wiinkëtypë naax kajpnën mëti'ipë naaxwiinyëtë yajpatëpën.

Josue 22:9

Jëtu'un'äämpy ja Gad, ja Rubén ets nikujkwä'kxy ja Manasés ja jyä'äy ojts tpuwa'ktutnëtë ja myëku'ukëty Israel ja'ayëty jam Siló, ma ja Canaán itjotmën ets ojts wyimpijnëtë ma txëëwatyën Galaad, ma ënäty ja Moisés ja nyaax kyam të myo'ojëtën mëti'ipë ojts yë Wintsën tim nyi'ënä'ämën.

Salmos 78:66

ets ojts ëxëëk tyajjaty tyajkëpety ja myëtsip, ets tyajkeky tyajpujty; jëtu'un'äämpy ojts xëmëkyëjxm tyajwë'ëmnë tsëtyu'unmëët.

1 Reyes 14:2

Ënät ja Jeroboam t'ënëmaay ja tyo'oxytyëjk: Mijts yë'ë ënät mtunëp, wiink wit mpëjkta'akëp, këtiipë yaj'ixëty ko mijts nto'oxytyëjk'ajtyp ets jam mnëjkxëty Siló. Jam tu'uk tsyëënë ja'ay Ahías xyëëwajtyp, Wintsën myëtuumpy, yë'ëjës ojts xytyuk'ëwaanë koos ëjts n'itëty yajkutujkpë ma ja naax kajpnën.

1 Reyes 2:27

Jëtu'un'äämpy ojts ja Salomón tyajjëwa'knë ja teety Abiatar ma ënäty tyeety'ätyën, jëtu'un ojts y'atëy ja ayuk mëti'ipë ënäty ja Wintsën të tnikäjpxyën mëëtpë ja Eli wi'ix nëjkx ja y'u'unk y'ok jyäty kyëpetyën.

1 Samuel 1:24

E ko ojts ja tyi'tsk tuk'ëxmajtsnë mutsknëm ënäty oy, ënät ojts tmënëjkxnë ma ja Wintsën ja jyëën tyëjkën jam Siló. Ojts näjyëtu'un mëët tmënëjkxy tëkëëk yë tsajpkaa'u'unk, i'px tëkëëk tsim yë tsajpmokway ets tu'kxuty yë tsatsym nyëë.

Jueces 18:31

Ma yë'ëjëtyën jam ojts ja Micaías ja kyepy tsyetsy jeky y'ity, mapaat ja Wintsën ja jyëën tyëjk yajpatyën jam Siló.

1 Reyes 14:4

Jëtu'un ojts tjantytyuny ja Jeroboam ja tyo'oxytyëjk. Ojts nyänyi''ixëty ets ojts nyijkxy jam Siló, ko jyä'äjty ma Ahías ja tyëjkën. Ahías ka'ap ënäty oy y'ëk'ijxnë, jä'ä ko mëj ja'aynyë,

Jueces 21:19

E jamts Siló, winjëmëjt jam yë ja'ay xyëëwtuntë, ma tmëjjawëtën yë Wintsën Tios yë xyëëw, ya'atë kajpn jam yajpaaty anëkëjxmtsow ma Betel, a'oytsyow ma tu'ujën mëti'ipë tso'onpën Betel ets jyä'ty Siquem ets apa'tkë'ëmtsow ma ja it naaxwiinyëtë wyi'imyën mëti'ipë xyëëwajtypyën Leboná.

Hechos 7:45

Ja n'ap'ajtëmë yë'ë ojts yajtukumaytyë ya'atë wit tëjk; e ko ja Josué mëët ja jyä'äy myiintë ojts tmëmintë ya'atë wit tëjk ko tjä'äpëjktë ja naaxwiinyëtë mëti'ipë nyitsiptuuntën, mëti'ipë ja Tios y'ëxwojpën ma yë'ëjëtyën. Jam jeky y'ijty mapaat ja David yajkutujkyën.

Josue 18:2

tamnëm ënäty niwëxtujk ja Israel kajpn ka'apë nyaax yajmo'otënëm.

Josue 18:8

Ënät ja ja'ayëty ojts nyänyipëjktaakëtë mëti'ipë ja it naaxwiinyëtë y'ijxwa'kxantëpën ets ja Josué y'ënëmaayëtë: Nëjkx tukjëtitëtë tääpë it naaxwiinyëtë ets xykyijpxwa'kxta'atëty. Ko ënäty të xykyijpxta'atë tääts yaa mwinpijtkojnëtëty ets n'ijxmëty yaa Siló, Tios wintuuy, jënu'un ënäty pën tyuka'ayën.

Josue 22:12

Ko ja Israel ja'ayëty tnija'awëtë, ënät ojts jam tyu'ukmuktë ma ja Siló kajpnën ets tnitsoona'antë ja myëku'ukëty ets nëjkx mëët tsyiptuna'antë.

2 Samuel 7:6

Ëjts tëëjës n'ijxwë'ëmy koos yë'ë ntuktsëna'ayëp wit tëjk, jëtu'unyëmës yë'ë ntuktsëënë, tyimtso'ontäky ko jap Egiptë nju'tyës yë Israel ja'ayëty.

Nehemías 9:24

Ënät yë'ëjëty jam jyajtë ets tnitsiptuuntë tääpë naaxwiinyëtë tääts tjä'äpëjktë ma txëëwatyën Canaán; yajxon ojts naxym xytyimpëjktä'äky tääpë ja'ayëty. Wä'än ënät tyam tnikäjpxy yë Israel ja'ay mëti'ipë ënäty jam kunaax'ajt kukajpnajtëpën, näjyëtu'un ja y'ënä'ämpëty yajkutujkpëty.

Salmos 78:60

ojts t'ëxmatsy ja tsyajptëjk mëti'ipë jamën Siló, mëti'ipë ënäty tyëjk'ajtypyën ma ja naaxwiinyëtë ja'ayëtyën.

Jeremias 26:9

¿Ma jëtu'unpë winma'any xypyiky ko m'ëna'any ko ya'atë tsajptëjk mëti'ipë Wintsën tyëjk'ajtypyën jëtu'un jyata'any tä jyäjtyën jam Siló ets ko m'ëna'any ko ya'atë naax kajpn kyutëkoyä'äny ets tukwa'ats wyë'ëma'any ets ko ka'ap yaa pën tsyëënëja'any? Tä ja mayjyä'äy myujkpejty ets ojts tyajnatuktë ja Jeremías.

Jeremias 41:5

ënät jyajtë nimajkta'px yë ja'ay. Jam tsyoontë Siquem, Siló ets Samaria. Tëë je'eyë nyäy'awaayjyäjpta'ajëtë, këëts këëts ja wyit mëti'ipë myëmiintëpën ets tëë ja jyot nyini'kx tyajtsëtyujta'atë. Tam tmëmintë yë aaypyajk ujtspajk ets poom mëti'ipë tyukwintsë'ëkëjantëpën ja Wintsën.

Números 32:22

ets koonëm ënäty të tmëmëtä'äky ja naax kajpn, jää tëy, oy jää mwinpijtnëtëty jam Wintsën wintum ets näjyëtu'un ma ja Israel ja'ayëtyën. Tääpë naax miits nëjkx xyjyä'ä'atë ets Wintsën nëjkxëp t'a'ixë.

Josue 22:19

Pën miitsëty m'ënantëp ko ya'atë naaxwiinyëtë ka'ap y'oyëty ets Wintsën yaa yaj'ëwtatëty, mintë yaa ma ja Wintsën ja y'it nyaaxwiinyëtën, ma yajpaatyën ja wyittëjk ets xyjyä'äpëktë yë mnaaxëty ma ëëtsëtyën. Je'eyëp ko këtii nëkoo xykyäjpxy kumëtoownaxtë yë Wintsën ets ëëtsëty, ko wiinkpë wintsë'këntyakn xyajkojtë.

Jueces 21:12

Jam ma ja Jabés kajpnën, jä'ä ja to'oxy'ëna'k tpatë nimajktaxk mëko'px mëti'ipë ënäty ka'ap tmëëttsëënëtënëm ja ye'etyëjk ets tyajmiintë jam Siló, Canaán nyaaxjotm.