Josue 15:8 - Biblia Mixe de Quetzaltepec

⁸ Ya'atë tsëpa'an jam ijty nyäxy ma Ben-hinom joyjyotmën, e jam ëpa'tkë'ëmtsow jam nyäxy ma txëëwatyën Jebús, jä'ä ja kajpn mëti'ipë yajtijpën Jerusalén ets pyäjtë'ëky jam kopkëjxm mëti'ipë wintuuytsyow yajpatpën ma ja Hinom joyjyotën ets jam anëkëjxy'äämpy nyäxy ma ja Refaim joyjotmën,

Biblia Dc en Mixe de Quetzaltepec

⁸ Ya'atë tsëpa'an jam ijty nyäxy ma Ben-hinom joyjyotmën, e jam ëpa'tkë'ëmtsow jam nyäxy ma txëëwatyën Jebús, jä'ä ja kajpn mëti'ipë yajtijpën Jerusalén ets pyäjtë'ëky jam kopkëjxm mëti'ipë wintuuytsyow yajpatpën ma ja Hinom joyjyotën ets jam anëkëjxy'äämpy nyäxy ma ja Refaim joyjotmën,

Josue 15:8 ပူးပေါင်းရင်းမြစ်များ

Josue 18:16

ets jam jyënajkë'ëky kopk'ëjxm mëti'ipë mëët nyäwyinku'ixëtyën ja Ben-hinom joyjyot, anëkëjxytsyow wyi'imy ma ja Refaim joyjyotmën. Jamts jatëkok jyënajkë'ëky ets jyëjptä'äky ma ja Hinom jyoyjyotmën; nyäxy jam ëpa'tkë'ëmtsow yä'äpwinm ma txëëwatyën Jebús ets tyimnëjkxy, jyä'ty ma tu'uk ja nëëwookyën jam En-roguel.

Josue 15:63

Yë Judá y'u'unk y'ok ka'ap ojts myäyëtë tyajpëtsëmtëty yë Jebús ja'ayëty jam Jerusalén mëti'ipë ënäty jam tsënaaytyëpën, paatykyëjxm yë Jebús ja'ayëty je'eyëm tyampaat mëët y'ijtmuktë yë Judá y'u'unk y'okëty jam Jerusalén.

Jueces 19:10

Ja Leví ja'ay ka'ap ojts t'ëkkupëjknë wyë'ëmëty tu'ktsuu. Ënät ojts jam tsyo'onë mëët ja tyo'oxytyëjk, mëët ja tyuunpë ets nimäjtsk ja jyëyujk mëti'ipë tyuk'u'unyääytyëpën. Ko jyajtë Jebús mëti'ipë tyam yajtijnëpën Jerusalén,

Josue 18:28

Selá, Élef, Jebús, yajtijp näjyëtu'un Jerusalén, Guibeá, ets Quiriat, jä'ä nyiwinë'atë majkmajkts mëët ja myutsk kajpnëty. Ya'atë jëtu'un ja it naaxwiinyëtë mëti'ipë ojts tyuka'ajëtën ja Benjamín ja jyä'äyëty.

2 Reyes 23:10

Josías ojts näjyëtu'un t'akajpxtuky ets ja ja'ay ka'ap ja y'u'unk y'ëna'k t'ëkyajtooy t'ëkyajxaamnëtëty ma ja potsyën, jampë yajpaatyën joyjotm ma txëëwatyën Ben-hinom ets ka'ap t'ëktukwintsë'kënëtëty ja Moloc.

Jueces 1:21

E ja Benjamín ja y'u'unk y'ëna'k ka'ap ojts myäyëtë tyajpëtsëmta'atëty ja Jebús ja'ayëty jam Jerusalén. Paatykyëjxm tyampaat yë Jebús ja'ayëty ets Benjamín ja jyä'äy tu'ukyë tsyënaaymyuktë jam Jerusalén.

Jeremias 19:14

Ënät jatëkok yë Jeremías ojts nyijkxy jam Tofet, ma ja Wintsën kyäjxën ets tnimëtya'aka'any ja Wintsën ja y'aaw y'ayuk. Tääts wya'ak'o'oyëy tsajptëjk'ëkë'ëm ets t'ënëmaay ja naax kajpn:

Jeremias 19:6

Pyätyp ja xëëw jëmëjt ma ya'atë it naaxwiinyëtë ka'ap t'ëkxëëwajnëty Tofet ets Ben-hinom Joyjyot, jä'ä nëjkx yajtijy O'kën Joyjyot. Ëjts Wintsën, ëjts ënaanp.

Jeremias 19:2

Tääts mnëjkxëty jam Ben-hinom joyjyotm, ma yajpaatyën tu'uk ja tëjkëtyakn ma t'ixko'owtën ja tu'ts apu'u yë tu'ts pojtspëty. Jamts xynyikajpxëty ja aaw ayuk mëti'ipë ntukmëtowäämpyën.

Isaías 17:5

Jëtu'un nëjkx jyäty tä tu'uk naaxtuunpë ja'ay tyajpëtë'ëkyën yë tsajpmok ets tpëjkmuky kë'ë'am ja ajkts, ma të myukyën yë tsajpmokpajk jam joyjyotm ma txëëwatyën Refaim;

2 Crónicas 28:3

ojts ja poom tyajjoky tyajwiixy jam ma ja joyjyot txëëwatyën Ben-hinom, ni'ikyë ja y'u'unk y'ëna'k ojts tnino'k tniixaamnë, tukwintsë'ëkë ja ëxëëkpë ku'oypyë, tuunë winë tä ja naax kajpnëtyën mëti'ipë ënäty ja Wintsën të t'ëxkexyën.

2 Samuel 5:22

Yë filistejë ja'ayëty kä'äpyëm tyimjotkujk'atë, ënät jatëkok ojts jam nyäpyëjktakojënëtëpë Refaim,

2 Samuel 5:18

Yë filistejë ja'ayëty, ojts tsyoontë ets jam nyäpyëjktakëtë ma tu'uk ja itjot txëëwatyën Refaim.

Jueces 1:8

Yë Judá ja jyä'äyëty ojts tnitëkëtë yë Jerusalén ets tniwa'ktë ko tyaj'o'ktaaytyë yë ja'ay mëti'ipë ënäty jam tsënaaytyëpën tä ojts ja kajpn tyajtoytyë.

1 Crónicas 11:4

Ënät ja David mëët tëkokyë ja Israel ja'ayëty nyëjkxtaaytyë jam Jerusalén, mëti'ipë yajtijpën Jebús. Ma tääpë itën yë'ë ijty jam tsënaaytyëp yë Jebús ja'ayëty,

Nehemías 11:30

Zanóah, Adulam, Laquis ets Azecá, mëët ja nyaax kyajpn kyamtëjk ets ja nyiyuutakn nyituuntakn. Jam ojts tsyënaaytyaknpëktë tyimtso'ony jam Beerseba ets tyimjajty jam Hinom.