Josue 15:11 - Biblia Mixe de Quetzaltepec

¹¹ ets jam Ecrón yä'äp'ituuy anëkëjxytsyowpë wyi'imyën, y'ëwtity Sicrón ets tuknaxy ja Baalá kopk, tukpëtsëmy ja Jabneel y'itjot ets jyëjpkëxy ma ja Mejyën naax'akujkpë.

Biblia Dc en Mixe de Quetzaltepec

¹¹ ets jam Ecrón yä'äp'ituuy anëkëjxytsyowpë wyi'imyën, y'ëwtity Sicrón ets tuknaxy ja Baalá kopk, tukpëtsëmy ja Jabneel y'itjot ets jyëjpkëxy ma ja Mejyën naax'akujkpë.

Josue 15:11 ပူးပေါင်းရင်းမြစ်များ

2 Reyes 1:16

ko jam jyä'äjty, tä t'ënëmaay ja yajkutujkpë: Jëtu'un yë Wintsën y'ënä'äny: Mëët ko ja mkukäjpxy të xytyuknikexy ja Baal-zebub, ja awinax mëti'ipë jamën Ecrón, jëtu'un tä jeexyë ka'ap jyämëtyën yë Wintsën ma Israel kajpnën mëti'ipë jeexyë winë myajtëëpyën, tyam ka'ap ënät m'ëk tsok m'ëk akëtaknëty, m'ookaanp yë'ë.

2 Reyes 1:6

Tä y'ëtsoowtë: Ja'ayës tu'uk të mpaatë jam tu'ujotm ets të xytyu'u'ëtuktës ets të xy'ënëëmëtës koos nwinpitëty ma ja yajkutujkpën mëti'ipës të xykyäxtën ets n'ënëëmëtëtyës: Jëtu'un yë Wintsën y'ënä'äny: ¿Ti ka'ap yë Wintsën jää ma Israel kajpnënë, tii ko jam winë xyajtëwtë ma Baal-zebub, jampë yajpaatyën Ecrón? Mëët mëti'ipë të xytyunyën, ka'apëk ënät mtso'okëty, m'ookëpëk ënät.

2 Crónicas 26:6

Uzías ojts kanaak ok mëët tsyiptuny yë filistejë ja'ayëty, ojts may tjity ja potsy, mëti'ipë ja filistejë ja'ayëty ijty tyukuwantëpën ja kyajpnëty, ma ja kajpnën mëti'ipë yajtijpën Gad, Jabnia ets Asdod. Ojts tyajkojy kanaak kajpn jam ma ja itjot tnitänëtën yë filistejë ja'ayëty, ma txëëwatyën Asdod.

Números 34:6

E ja tsëpa'an mëti'ipë naxëpën anajnytsyow, jam nëjkx nyäxy ma ja mëjnëëpa'ajën mëti'ipë xyëëwajtypyën Naax'akujkpë mejy.

Josue 15:10

Jamts tsyoony Baalá ets nyijkx jamtsow anajnytsyow, jyä'ty jam ma Seir kopkjotmën ets nyäxy Quesalón, jam pë'am anëkëjxmtsow ma ja Jearim kopkën ets jam kyujënake'eky Bet-semes, nyäxy Dimná,

Josue 15:12

Jëtu'un jyëjpkëxy ja tsëpa'an jamtsowpë yajpaatyën awinmtsow, ja Mejy Naax'akukpë, jä'ä ijty tsëpa'an'ajtp. Ya'atë tsëpa'an ma ja it naaxwiinyëtën mëti'ipë ojts ja Judá ja jyä'äy tyuka'ajëtën ets jëtu'un ojts nyätyuknikäkëtya'ajëtë tä ënäty nyimay'atën.

Josue 15:45

Ja kajpn mëti'ipë xyëëwajtypyën Ecrón, ëpëky ja mutsk kajpn mëti'ipë nyitënääpyën.

Josue 15:9

y'ëwtijtë'ëky jam ma kopkupi'tsykën ets jyä'ty ma ja Neftóah nëëkopkën, jam tsyoony ets nyijkxy ma ja kajpn yajpaatën mëti'ipë jamëtyën ma ja Efrón kopkjotmën, nyäxy jam Baalá mëti'ipë näjyëtu'un yajtijpën Quiriat-jearim.

Jueces 1:18

E yë'ë tëy ja kajpnëty mëti'ipë txëëwajtëpën Gaza, Ascalón ets Ecrón ka'ap ojts myäyëtë tnitëkëtëty ets näjyëtu'un ja mëti'ipë jam winkon yajpatëpën.

1 Samuel 17:52

Ënät ja tsiptuunpëtëjkëty mëti'ipë Israel ja'ayëtyën ets mëti'ipë Judá tso'ontëpën tyëjkëtyë yaxpë jojkpë ets tni'ënä'ämëtë ja tsip, tpatso'ontaaytyë ja myëtsip, tpaja'ajtë jampaat ma ja Gad ja y'itjot yajtuktëkën ets ma yajnitëkën ja kajpn mëti'ipë yajtijpën Ecrón. Tu'ktu'u aakyë'ë filistejë ja'ayëty yaj'ijxnëtë kujy jëpipy jëtu'un Saaraim ets yjä'ty Gad ets Ecrón.

1 Samuel 5:10

Ko jëtu'un t'ijxtë, ënät jatëkok tmëtso'ontë ets ojts tmënëjkxtë jam Ecrón, ko jam tmëja'ajtë, ja ja'ayëty mëti'ipë jam tsënaaytyëpën ënät y'ënaantaktë: Tëë ënät tmëmintë ja Tios ja kyaaxë mëti'ipë yë Israel ja'ayëty y'ëwtajtëpën yaa ets xytyukyaj'o'kta'aja'anëmë.

1 Samuel 5:8

Paaty ojts tëkokyë twoowmujkta'atë yë mëjja'aytyëjk ets kopktëjkëty jampë yajpaatën ma filistejë kajpnën ets tyajtëëwtë: ¿Tii mëpaat ntu'unëmë mëët yë Tios yë kyaaxë mëti'ipë yë Israel ja'ayëty y'ëwtajtëpën.? Tä y'ëtsoowtë: Mënëjkxtë jam Gad. Tääts ja filistejë ja'ayëty ojts jam tyajnëjkxtë.

1 Samuel 7:14

Ja kajpn mëti'ipë ënäty të yajpëjkëtën ja Israel ja'ayëty ojts jatëkok tjä'äpëktë, jä'ä yajtijtë Ecrón ets Mizpá. Jëtu'un'äämpy jatëkok ja Israel ja'ayëty tpatë ja y'it nyaaxëty mëti'ipë ënäty ja filistejë ja'ayëty të tyukniwojptu'utëtën ets jotkujk ojts yajpaatë mëët ja Amor ja'ayëty.