Josue 13:29 - Biblia Mixe de Quetzaltepec

²⁹ Ojts nikujkwä'kxy ja Manasés ja jyä'äy yajmo'otë ja nyaaxëty, yë Moisés ojts kë'ëm tyimmo'ojëtë, jëtu'un yajmooytyë tä ënäty nyimay'atën tu'kukajpn.

Biblia Dc en Mixe de Quetzaltepec

²⁹ Ojts nikujkwä'kxy ja Manasés ja jyä'äy yajmo'otë ja nyaaxëty, yë Moisés ojts kë'ëm tyimmo'ojëtë, jëtu'un yajmooytyë tä ënety nyimay'atën tu'kukajpn.

Josue 13:29 ပူးပေါင်းရင်းမြစ်များ

Josue 13:28

Ya'atë jëtu'un ja naax kajpnëty mëët ja pya'a nyuxëty, mëti'ipë tuka'ajëtën yë Gad yë jyä'äy ets jëtu'un yajmooytyë tä ënäty nyimay'atën tu'kukajpn.

Josue 13:30

Yë'ë ojts tjä'ä'atë mëti'ipë ja Og ijty nyitënääpyën, jampë yajkutujkpë'atyën Basán, yë'ë jyä'ä'ajtë Basán'itjot tyimtso'ontä'äky jam Mahanaim, tëkë'px majk ja myutsk kajpn mëti'ipë jam näkyuwa'anëtëpën Jair.

Números 32:22

ets koonëm ënäty të tmëmëtä'äky ja naax kajpn, jää tëy, oy jää mwinpijtnëtëty jam Wintsën wintum ets näjyëtu'un ma ja Israel ja'ayëtyën. Tääpë naax miits nëjkx xyjyä'ä'atë ets Wintsën nëjkxëp t'a'ixë.

Números 32:40

Paatykyëjxm ojts yë Moisés tmo'oy yë Maquir yë y'u'unk y'ok tääpë it naaxwiinyëtë, jampë yajpaatyën ets ojts jam tsyënaaytyaknpëktë.

Deuteronomio 3:13

E ja kujkwä'kxy ja Galaad ja y'itjot ets tëkokyë ja Basán ja y'itjot, mëti'ipë ënäty ja Og kutujktakn të tnitänën ets ja Argob ja y'itjotm, ja y'itjotm mëti'ipë ënäty ja Refa ja'ayëty nyitënaaytyëpën, yë'ëjës ojts ntukë'ëtëkëtë yë Manasés yë jyä'äy kujkwä'kxy.

Josue 17:5

Jëtu'un'äämpy ojts ja Manasés majkpëky ja naax tjä'äpëky, ëpëky ja jampë Galaad ets Basán mëti'ipë a'oytsyow yajpatpën ma ja Jordán mëjnëëjën.

Josue 17:6

Jä'ä ko ja Manasés ja nyëëxëty jëtu'un ojts ja nyaaxëty yajmo'otë tä ja ye'etyëjktëjkëtyën. Ja it naaxwiinyëtë ma txëëwatyën Galaad, yë'ë ojts tmo'otë ja wiinkëtypë ja y'u'unk y'ok ja Manasés.

Josue 22:7

Yë Moisés tëë ënäty ëka'any tmo'oy ja nyaaxëty ja nikujkwä'kxypyë ja Manasés ja jyä'äy jam ma tu'uk ja it naaxwiinyëtë txëëwatyën Basán. E ja nikujkwä'kxy ja Manasés ja jyä'äy, jam ënäty ja nyaax të myo'ojëtë ja Josué a'oytsyow ma ja Jordán mëjnëëjën; e ja mëjëyëjpë yë'ë ja Josué ojts tkënu'kxy ets ojts tkäjxwinpijnë nyëjkxtëty ma ja jyëën tyëjkëtyën.

1 Crónicas 5:23

Kujkwä'kxy yë Manasés yë y'u'unk y'ok jam tsyënaaytyë ma ja itjotmën mëti'ipë jam yajpatpën ma ja Basán ja y'itjot tsyo'ontä'äkyën ets jyëjpkëxy jam Baal-hermón, ets jatëkok kyutëkë ma yajtijyën Senir ets kyëtä'äky jam ma txëëwatyën Hermón, tyaapë ja'ayëty nimay ijty oyëty.