Josue 12:8 - Biblia Mixe de Quetzaltepec

⁸ Ojts tëkokyë tjä'ä'ajta'atë ja tunjot kopkjot, ja joyjyot, ma ja Jordán mëjnëëjën; näjyëtu'un ja it ets ja të'ëts'it jampë yajpaatyën Négueb. Ya'atë naaxwiinyëtë yë'ë ënäty të tjä'ä'atë yë Hit ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Biblia Dc en Mixe de Quetzaltepec

⁸ Ojts tëkokyë tjä'ä'ajta'atë ja tunjot kopkjot, ja joyjyot, ma ja Jordán mëjnëëjën; näjyëtu'un ja it ets ja të'ëts'it jampë yajpaatyën Négueb. Ya'atë naaxwiinyëtë yë'ë ënety të tjä'ä'atë yë Hit ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Josue 12:8 ပူးပေါင်းရင်းမြစ်များ

Josue 11:16

Josué ojts tniwa'kta'ay tampë ja it naaxwiinyëtë, mëti'ipë kopkjotmën ma ja Négueb itjotmën, Gosen y'itjotm, ma ja Jordán nëëpa'ajën, tukë'ëyë joyjyot ma ja Israel ja'ayëty yajpaatën.

Josue 10:40

Jëtu'un'äämpy yë Josué ojts tniwa'kta'ay tampë ja it naaxwiinyëtë. Ojts tyaj'o'kta'ay ja yajkutujkpëtëjk jampë yajpaatën ma ja kopkjotmën, ma ja Négueb tnitänën, jam joyjyotm ma ja winjënakën. Yajkutëkooytyääy winë ets ojts tyaj'o'kta'ay ja ja'ay jampë tsyëënëtën. Ni pën ojts juuky tkayajwë'ëmy, jëtu'un tuuny tä ënäty ja Wintsën mëti'ipë Tyios'ajtypyën yë Israel ja'ayëty të tyuk'ëne'emyën.

Josue 9:1

Yë yajkutujkpëtëjk mëti'ipë jam ënä'ämtëpën ma Hit ja'ayëtyën, Amor ja'ayëtyën, Canaán ja'ayëtyën, Ferez ja'ayëtyën, Heve ja'ayëtyën ets Jebús ja'ayëty ojts tnijawëtë wi'ix ënäty të jyäty të kyëpetyën jam Aí. Ya'atë yajkutujkpëtëjk jam ënäty tsyëënëtë anajnytsyow'äämpy ma ja Jordán mëjnëëjën ets tëkokyë ma ja kopkjotmën, ma ja joyjyotmën ets jampaat ma ja Mejyën Naax'akujkpyë pya'ajën ets tyimja'ty jam ma ja Líbano y'itjotmën.

Deuteronomio 9:1

Mëtoow'itë tyam miitsëty Israel ja'ayëty, tëë jëtu'un ja xëëw jëmëjt tpaaty ets xytyuknaxtëty ja mëjnëë mëti'ipë yajtijpën Jordán; niwa'kta'atë ja naax kajpn mëti'ipë mëjjëtyën këjääjëtyën këtiinëm miitsëty, mëti'ipë ja kyajpnëty këjxmëty ets mäjpxyëty nyapotsyëtyën.

Deuteronomio 7:1

Yë Wintsën mëti'ipë miits mTiosajtëpën yë'ë mputëkëjanëtëp ets jam mja'tëty ma ja it naaxwiinyëtën mëti'ipë mjä'ä'atantëpën, ënät nëjkx xyajkutëkoytyë ja wëxtujkpë ja naax kajpn jampë yajpaatën mëti'ipë mëj'äämpy ijtëpën ma jotmëkja'ay tsyëënëtën. Yë'ë yajtijtëp ja Hit ja'ayëty, gergeseos ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Éxodo 23:23

Yë nkukexyës yë'ë mwinye'eyanëp ets yë'ë nëjkx jam myajja'tyë ma ja y'itëtyën nyaaxëtyën ja Amor ja'ayëty, Hit ja'ayëty, Ferez ja'ayëty, Canaán ja'ayëty, Heve ja'ayëty ets Jebús ja'ayëty; mëti'ipës nyajkutëkooytya'ajantëpën mëët tu'kë'ëyë yë tyikts y'aatsëty.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Génesis 10:17

ets näjyëtu'un mëti'ipë xyëëwajtëpën Heve ja'ayëty, aracejë ja'ayëty ets sinejë ja'ayëty,

Génesis 12:9

Jëtu'un ja Abram tyu'uye'ey, xii yaa muum wäänjaty tsyënaaytyaknpëky ets jam jyä'äjty Négueb y'itjotmën.

Génesis 13:7

Jä'ä ko mëti'ipë ënäty jëyujkëwent'ajtpën tsajpkääky kyëwent'ajtëpën ma ja Abramën, xëmë nyäy'ojtëtë mëët ja mëti'ipë jëyujkëwent'ajtp tsajpkääky kyëwent'ajtëpën ma ja Lotën. E yë Canaán ja'ayëty ets Ferez ja'ayëty tam ënäty näjyëtu'unëty.

Josue 3:10

Ya'atë jëtu'un yajtuk'ixëp ko yë Tios juukpyë tyaa yajpaaty mëët miitsëty, ma ënäty mnaxtën, jëtu'un tyajkutëkoyä'äny yë Canaán ja'ayëty, Hit ja'ayëty, Heve ja'ayëty, Ferez ja'ayëty, gergeseos ja'ayëty, Amor ja'ayëty ets Jebús ja'ayëty.

Jueces 1:9

Ënät näjyëtu'un tninëjkxtë ja Canaán ja'ayëty jampë tsyëënëtën, näjyëtu'un ma txëëwatyë Négueb ets ma ja mëj joyën ojts tyajkutëkooytya'atë ja ja'ayëty jampë ënäty tsyëënëtën ets ja nyaax kyajpnëty tniwa'ktaaytyë.