Josue 12:1 - Biblia Mixe de Quetzaltepec

¹ Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.

Biblia Dc en Mixe de Quetzaltepec

¹ Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.

Josue 12:1 ပူးပေါင်းရင်းမြစ်များ

Jueces 11:18

E ëëtsëty jam të'ëts'itjotm, ojts na'ëwtitës ja nyaax kyajpnëty ja Edom ets Moab ja'ayëty ets nja'ajtës jamtsow a'oytsyow ma Moab y'itjotmën; jamtsës ojts tu'kjëmëjt ntsënaaytyaknpëktë jamtsow awinm ma Arnón mëjnëëjën. E kajts ojts ntuknaxtës jä'ä ko jam ënäty tsyo'ontä'äky ja Moab ja'ayëty ja nyaaxjotmëty.

Josue 1:15

koonëm tpaatëty ja y'it nyaaxwiinyëtë ma jotkujk tsyëënëtëty jyuuky'atëtyën, tä miitsëty ja m'it mnaaxwiinyëtë të xypyaatën; ko ënäty yë'ëjëty ja nyaax të tjä'äpëktë tääts nëjkx miits mwinpijnëtë ets ya'atë it naaxwiinyëtë tu'ukyë xyjyä'äpëjknëtëty mëti'ipë ja Moisés, ja Tios ja tyuunpë, të mo'ojëtën.

Números 21:24

E ja Israel ja'ayëty ojts näjyëtu'un pyëtë'ëktë ets nyäkyuwanëtë. Ka'ap tyajmëtaktë ja yajkutujkpë Sihón, ëxëëk tuuntë; jëtu'un'äämpy ojts tniwa'aktë ja nyaax kyam, mëti'ipë jampaat najxpën ma ja mëjnëëjën mëti'ipë xyëëwajtypyën Arnón ets jyä'ty jam Jaboc. Jam ma ja Amón ja'ay mëët nyäpyäätyë ja nyaaxjotëty. Tääpë naax kam napotsy ënäty tmëët'atë.

Números 21:13

E ko jam tsyo'ontë jam jyajtë ma Arnón mëjnëëjën. Ya'atë mëjnëë jam tyimnaxy ma ja të'ëts itën mëti'ipë yë Amor ja'ayëty nyitënaaytyëpën ets yë'ë tsëpa'an'ajtp ma mëët nyäpyaatëtën yë Moab.

Isaías 16:2

Yë Moab ja'ayëty jëtu'un yaj'ixtë kyä'äktë ko jam Arnón nyaxtë tä joonën mëti'ipë nyitso'ontutypyën yë pyä'än ko tii jëyujk y'ëtsë'ëkëty.

Salmos 133:3

Jëtu'un tä maanik jam kyä'äyën ma ja Hermón kopkën, jyënäky jëtu'un ma Sión kopkën ets jam ja Wintsën ja juukyajtën winë xëëw winë jëmëjtpë tyajkëtä'äky.

Josue 22:4

E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

Josue 11:17

Ojts tniwä'äky ja naaxwiinyëtë jampë yajpaatyën Halac, ma mëët nyäpyäätyë yë Seir, jampaat Baal-gad, ma ja joyjotmën mëti'ipë Líbano nyitënääpyën ets tyim'ixkëtä'äky jam ma Hermón kopkën. Josué wa'ats tmajtstaay ets tyaj'o'ktaay ja jampë ja yajkutujkpëtëjk,

Josue 11:3

Ojts näjyëtu'un tuntë ja käjpxytyu'unën mëët ja Canaán ja'ayëty mëti'ipë ënäty yajpatëpën jamtsow a'oytsyow ets anajnytsyow, näjyëtu'un mëët yë Amor ja'ayëty, Hit ja'ayëty, Ferez ja'ayëty, Jebús ja'ayëty jampë tsyëënëtën ets Heve ja'ayëty mëti'ipë jam tsënaaytyëpën ma ja mëjkopk txëëwatyën Hermón Mizpá nyaaxjot.

Deuteronomio 4:48

Ja nyaaxjotëty jampaat ënäty tsyo'ontä'äky ma Aroer itjotmën, nyäxy jam ma Arnón mëjnëëjën ets tyimja'ty ma Sirión kopkën, yajtijp näjyëtu'un Hermón.

Deuteronomio 2:24

Ënät ja Tios y'ënäny: Tsoontë ets xytyuknaxtëty yë Arnón mëjnëë. Ëjts miits ntukë'ëtëkëjantëp yë Sihón mëti'ipë Amor ja'ayën, jampë yajkutukyën Hesbón, mëët tëkokyë yë nyaax kyajpn. Tëkëtë jam ma nyaax kyajpnëtyën ets tsiptuntë mëët yë'ëjëty.

Números 32:19

E jä'ä koos ja naaxëty yaatsow wyi'imy nëë awinmtsow, ma Jordán mëjnëëjën. Ëëts ka'apës nikajpxa'antë ets ni nka''amëtowa'antës ëpëky ja naax mëti'ipë ënäty nëë awinaxy wë'ëmpën.

Números 32:33

Jëtu'un'äämpy ja Rubén, ja Gad ets kujkwä'kxy ja Manasés ja y'u'unk y'ok ojts ja Moisés myo'ojëtë ja it naaxwiinyëtë jampë yajpaatyën ma y'ëne'emyën yë Sihón, Amor ja'ay mëti'ipë jyä'ä'ajtypyën yë Og, jampë yajkutukyën Basán, mëët tëkokyë ja naax kajpn mëti'ipë ënäty jyä'ä'ajtëpën.

Josue 13:8

Yë jyä'äyëty yë Gad, yë Rubén ets kujkwä'kxy yë Manasés yë jyä'äyëty ojts ja nyaax tpëktë ko ja Moisés ojts tyajwä'kxy jam awinmtsow ma Jordán mëjnëëjën.

Salmos 89:12

Mijts ojts xyajkojy yë anëkëjxytsyowpë y'ityën ets anajnytsyowpë yajpaatyën, yë Tabor kopk ets Hermón kopk, akujk jotkujk tkuuy'ëw tkuuyya'axtë yë mxëëw.

Salmos 136:21

Mëti'ipë kyijpxwa'kxën ja nyaax kyamëty ja yajkutujkpëtëjk, jä'ä ko yë tsyojkën jya'awën winë xëëw winë jëmëjt y'ijtëy.

Números 21:21

Ënät ja Israel ja'ayëty ojts tkäxtë ja myëku'ukëty ets nëjkx kyukäjpxy'atë jam ma Sihón yajkutujkpën, mëti'ipë ënä'ämpën ma Amor ja'ayëtyën ets t'ënëëmëtëty.

Números 32:32

Ëëts nëjkxantëpës tsiptuunpë jam Canaán ets nmëmëtowantëpës yë Wintsën. Yi'iyës tëy ntsojktëp etsës xymyo'otëty tääpë naax, mëti'ipë yaatsow yajpatpën ma Jordán mëjnëë nyäxyën.

Deuteronomio 2:32

Ja Sihón ojts näjyëtu'un jam tsyo'ompë ma ënäty yajpaatyën mëët ja myäytsyiptuunpë ets xynyimiintës jam maas ënäty nyajpaatën ets tsyiptuna'any mëët ëëtsëty jam Jahas.

Deuteronomio 3:1

Ënät ojts wiinkpë tu'u npëktës ets nëjkxtës jam Basán. E yë Og mëti'ipë jam yajkutujkpën, ojts xynyitsoontës mëët nimay yë tsyiptuunpëtëjk ets tsyiptuna'any mëët ëëtsëty jam Edrei.

Deuteronomio 4:44

Ya'atë yë Moisés ojts tukni''ixë yë Israel ja'ayëty.

Deuteronomio 4:46

Ma ënäty jam jyaak yajpaatënëm ëpa'tkë'ëmtsow ma ja Jordán nëëjën, jam joyjyotm winkon ma txëëwatyën Bet-peor ma nyaaxjotmën ja Sihón mëti'ipë yajkutujkpën ma Amor ja'ayëtyën. Yë Sihón jam ënäty tsyëënë ma Hesbón kajpnën, e yë Moisés ets Israel ja'ayëty yë'ë ojts yajkutëkoyëtë ko jap tsyo'ontë Egiptë.

1 Reyes 4:19

Guéber, myaank yë Urí, jam ojts t'atänë ma ja y'itjotmën yë Gad, mëti'ipë ijty nyitënääpyën yë Sihón, jampë ojts y'ëne'emyën ma ja Amor ja'ayëtyën ets jam näjyëtu'un Ok, mëti'ipë jam ënä'ämën Basán. Ojts näjyëtu'un tu'uk ëpëky y'ijtpë ja ja'ay mëti'ipë ni'ëmukë nyiwintsën'ajtën ya'atë ja'ayëty ma tëkokyë ja naax kajpnën.