Josue 11:6 - Biblia Mixe de Quetzaltepec

⁶ Yë Wintsën ojts t'ënëëmë yë Josué: Këtii mtsë'ëkëty, jä'ä ko jopy ooky ya'atë ja'ayëty kya'ata'aja'antë mijts mwintuuyëty. Yë kyëwaayëty nëjkxëp xytyektsyujkta'atë këtiipë y'ëkpëyë'knëtëty ets kyepywyintëkäämpëty mëti'ipë myëtsiptuuntëpën wa'ats xynyino'ktaayëty.

Biblia Dc en Mixe de Quetzaltepec

⁶ Yë Wintsën ojts t'ënëëmë yë Josué: Këtii mtsë'ëkëty, jä'ä ko jopy ooky ya'atë ja'ayëty kya'ata'aja'antë mijts mwintuuyëty. Yë kyëwaayëty nëjkxëp xytyektsyujkta'atë këtiipë y'ëkpëyë'knëtëty ets kyepywyintëkäämpëty mëti'ipë myëtsiptuuntëpën wa'ats xynyino'ktaayëty.

Josue 11:6 ပူးပေါင်းရင်းမြစ်များ

Josue 10:8

ets ja Wintsën y'ënëmaayë: Këtii ninu'un mtimtsyë'ëkëty, ëjts tëëjës yë nkë'ëyäky tääpë ja'ayëty ma mijtsën ets ni pën tkajëkyepy ënät ëxëëk m'ëk tuunënëtëty.

2 Samuel 8:4

David, jä'ä ojts jam tmatsy ja tsiptuunpëtëjk niwëxtujk mëko'px, mëti'ipë kwaay tyuk'u'unyääytyëpën ets i'px mil mëti'ipë jëtu'unyë teky'am jëtijtëpën; ëpëky tekytsyujktaay ja këwaaw këtiipë pyëyë'ëktëty mëti'ipë ja pujxnwintëkäämpë jyëtujtëpën; yi'iyë ojts tyajwë'ëmy nitu'kmëko'px ja kwaay mëti'ipë ja pujxnwintëkäämpë tyukpajëtutantëpën.

1 Samuel 11:9

Ënät t'ënëmaay ja mëti'ipë ënäty të tmëmintën ja aaw ayuk: Ënëëmëtë yë ja'ayëty mëti'ipë jam tsënaaytyëpën Jabés, ko jëpom kujkxyëëw ëëts nëjkx nyajtso'oktë. Ënät ojts jyänty nyëjkxtë ets tukmëmëtyaktë ja ja'ayëty jampë kyukajpn'atën Jabés, e ko jëtu'un tmëtoowtë mëk xyoontaktë.

Josue 11:9

Josué ojts tpatuny tä ënäty ja Wintsën të y'ëne'emyën, wa'ats tekytsyujktaay ja kwaay këtiipë y'ëkpëyë'knëtëty ets näjyëtu'un tnino'ktaay ja kepy wintëkäämpë mëti'ipë myëtsiptuuntëpën.

Oseas 14:3

Yë Asiria ja'ayëty ka'ap tjëkyepy xyajtsokmëty ets ka'ap tjëkyepy kwaaykyijxy nkäkmëty. Ka'ap mëpaat n'ëkmëkäjxënë wintsën mëti'ipë kë'ëm nyajkojëmën, jämyë ma mijtsën Wintsën, jämyë yë ku'ooky u'unk tpaatë yë näpya'ëyow nänyajts'ëyowë.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Isaías 30:16

je'eyë të m'ëna'antë: Nikë oy ntimkyäkmëty, kwaaykyijxy nkäkmëty. Oy, kä'äktë. Tëë m'ëna'antë: Yë'ë ntukäkmëp kepy wintëkäämpë mëti'ipë mëk pëyë'kpën. Je'eyëp ko ja mmëtsipëty mëk ni'ik pyëyë'ëktë poj'am nëjkx mnajtspaatëtë.

Proverbios 20:7

Jotkujk yë ja'ay yë y'u'unk y'ëna'k yajpaatë mëti'ipë të jyuuky'ätyën tëy tëtä'äky.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 46:9

tëë tyajkëxy tyajnaxy yë tsip käjpxy naaxwiinyëtë apëtsëmy, tëë tëjtakta'ay yë ti'pxn, tëë piw nuuk tyajjajta'ay yë ku'umën. Të tyajnitooytyä'äy yë kepy wintëkäämpë mëti'ipë ja'ay myëtsiptuuntëpën.

2 Crónicas 20:16

Jopynyëm xynyinëjkxtëty ets mëët mtsiptuntëty. Tyam tamnëm ja kyu'ta'antë Sis, e miitsëty jäätsow xy'aye'eytyuktëty ma wokpa'ajën mëti'ipë jam yajpatpën ma ja të'ëts'itjot txëëwatyën Jeruel.

Josue 3:5

Tä yë Josué y'ënëmaayëtë: Näyajwa'atsëtë Tios wintuuy ets tjëkyäpëty wi'ix xy'ixtëtyën yë Wintsën yë myëj'ajtën mëti'ipë jëpom yaj'ixanëpën.

Deuteronomio 7:16

E miitsëty tii tëy mtuntëp, myajkutëkooytya'atëp ja naax kajpn mëti'ipë ënäty ja Tios kyë'ëyäjkpyën ma miitsëtyën, ninu'un xykyapa'ëyowtëty ets këtii yë wyintsën xy'ëwtajtëtëty, jä'ä ko yë'ë nëkoo je'eyë nëjkx myajtu'utëkoyëtë.

Josue 11:5

Ya'atë ja'ayëty tu'ukyë ojts nyäpyëkëtë ets tsyo'ontë. Jam jyajtë ma tu'uk yë Merón mëjnëë jyënäkyën ets ja Israel ja'ayëty mëët tsyiptuna'antë.

Josue 11:7

Ënät ja Josué tuknipëjktakëy mëët tëkokyë ja jyä'äy mëti'ipë tsip'ixyëtyën ets tukja'ajtë ja myëtsip ajotkumonë jam ma ja Merom nëë akëyën.

Jueces 7:9

Koots ojts ja Wintsën tmëkäjpxy ja Gedeón ets t'ënëmaay: Gedeón ëkpëtë'ëk, nänyipëjktaakët ënätyë ets nëjkx xytyukja'ty yë Madián ja'ayëty jam ma yajpaatën jam joyjyotm, jä'ä ko tëëjës nkë'ëyäky ma mijtsën.

Ezequiel 39:9

Yë Israel ja'ayëty nëjkxëp tnino'kta'atë mëti'ipë myëtsiptuuntëpën, nëjkxëp tnino'kta'atë yë y'akëëytyuk, tyi'pxnëty, kyu'umënëty, jyëpijpnëty ets wyojpnëty, tam'ataanp ja ja'axy may mëti'ipë nyo'oktëpën wëxtujk jëmëjt.

Nahúm 2:13

Jëtu'un yë Wintsën y'ënä'äny mëti'ipë maaytyääyëpën winë: Tyaajës nyajpaaty ets mijts ëxëëk ntuna'any: Nino'kta'ajäämpyës yam yë mpujxn wintëkäämpë etsës jëënjok je'eyë nyaj'awinpita'any; nya'ookäämpyës yë m'u'unk ets ntimy yajkutëkoyä'änyës ja to'onën mä'tsën ma mnaax mkajpnën ets ka'ap nëjkx nijëna'a y'ëkyajmëtoownë ja y'aaw y'ayukëty ja nkäjpxynyajxpëtëjkës.

2 Reyes 6:16

Tä ja Elisejë y'ënëmaayë: Këtii mtsë'ëkë, jä'ä ko jaaknimay yë'ë mëti'ipë mëët ëëtsajtëmën këtiinëm yë'ëjëty.

Salmos 46:10

Näkyë'ëyakëtë. Ijxkajptëkës koos ëjts nTiosëty. Ëjts mëj'äämpy ijtp ma mëjëtypë naax kajpnën, Mëj'äämpyës n'ity ma naaxwiinyëtë y'ëwtityën.