Josue 11:4 - Biblia Mixe de Quetzaltepec

⁴ Tëkokyë ya'atë yajkutujkpëtëjk ojts tsyo'onta'atë mëët tu'kë'ëyë tsyiptuunpëtëjkëty ets may'äämpy yë kepy wintëkäämpë tmëtso'ontë mëti'ipë myëtsiptuuntëpën ets këwaayëty ojts tmëtso'onta'atë. Yajxon nimay kyëxë'knëtë tä nëë'ajinën, ka'ap t'ëkjëkyäjpnë yajmëtyowtëty.

Biblia Dc en Mixe de Quetzaltepec

⁴ Tëkokyë ya'atë yajkutujkpëtëjk ojts tsyo'onta'atë mëët tu'kë'ëyë tsyiptuunpëtëjkëty ets may'äämpy yë kepy wintëkäämpë tmëtso'ontë mëti'ipë myëtsiptuuntëpën ets këwaayëty ojts tmëtso'onta'atë. Yajxon nimay kyëxë'knëtë tä nëë'ajinën, ka'ap t'ëkjëkyäjpnë yajmëtyowtëty.

Josue 11:4 ပူးပေါင်းရင်းမြစ်များ

Jueces 7:12

E ja Madián ja'ayëty, Amalec ja'ayëty ets tëkokyë jënu'un ënäty jam tsyoontën xëëwpëtsëmtsyow ets të nyäpyëkëtë, tu'ukyë ënäty jam joyjyotm të nyäpyëjkta'akëtë tä yë poomxots tyajwintukyën muum yë kam tu'u ko kyëtyeyä'äny. Yajxon ënäty myäy'ajnë ja jëyujk jëku'ux, jëtu'un tä nëë'ajinën.

1 Samuel 13:5

Yë filistejë ja'ayëty näjyëtu'un ojts nyäyajmujkta'ajëtë ets mëët tsyiptuna'antë ja Israel ja'ayëty. Ja ënäty tmëët'atë i'px majk mil yë pujxnwintëkäämpë mëti'ipë myëtsiptuuntëpën, nitëtujk mil mëti'ipë jëyujk këjxy nëjkxtëpën ets ja mëti'ipë tekyye'epy nëjkxtëpën jëtu'un nyimay'ajnëtë nëë'ajinën. Tä nyëjkxta'atë jam Micmás ets jam awinmtsow Bet-avén, jam y'ijtakn tyaj'ixtaktë.

Génesis 32:12

Mijts jëtu'un të m'ëna'any koos oy mëk xyajwinpita'any ets ko may ja n'u'unk n'ëna'kës xymyo'oja'any. Jëtu'un xyajnimayëja'any tä nëë'ajinën, ka'apë tjëkyepy yajmëtyowëtyën.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

1 Reyes 4:20

Judá ets Israel, aak mëj aak këjääjëty ënäty tmëët'atë ja nyaax kyajpnëty, ka'ap tjëkyepy nmëtsyo'owmëty; jëtu'un ja jyä'äyëty nyimay'ajtë tä nëë ajinën. Ma tääpë kajpnëtyën jë'kxy pëky ka'ap ënäty y'ëmaaytyä'äky, aak akujk jotkujk ja ja'ay yajpaatë.

2 Samuel 17:11

E mijts mëti'ipë ntukwinjawëjäämpyën, mëti'ipë jeexyë mëpaat xytyunyën, nikë yajmujkta'a tëkokyë yë ja'ay mëti'ipë jam tsënaaytyëpën Dan ets jampaat Beerseba, ko yë'ëjëty nyämyukëtëty yajxon ënäty nimay nyäpyatënëtë jëtu'un tä yë nëë ajinën ets mijts kë'ëm ya'atë tsip mtimwyinwowëp.

Josue 11:5

Ya'atë ja'ayëty tu'ukyë ojts nyäpyëkëtë ets tsyo'ontë. Jam jyajtë ma tu'uk yë Merón mëjnëë jyënäkyën ets ja Israel ja'ayëty mëët tsyiptuna'antë.

Salmos 20:8

Yë'ëjëty, wäänë muum tyä'äntsi'ita'antë tääts y'ojtskëta'aka'antë, e ëëtsajtëm ta'tspëky ntänëja'anëmë.