Josue 11:15 - Biblia Mixe de Quetzaltepec

¹⁵ Yë Wintsën ojts yë ënä'ämën tmo'oy yë Moisés, e yë Moisés ojts ya'atë ënä'ämën tyajknaxy ets tmooy yë Josué, Josué yë'ë ojts tkuuytyuunta'ay.

Biblia Dc en Mixe de Quetzaltepec

¹⁵ Yë Wintsën ojts yë ënä'ämën tmo'oy yë Moisés, e yë Moisés ojts ya'atë ënä'ämën tyajknaxy ets tmooy yë Josué, Josué yë'ë ojts tkuuytyuunta'ay.

Josue 11:15 ပူးပေါင်းရင်းမြစ်များ

Josue 1:7

Mëti'ipë mijts npëjktsoopyën, yë'ë ko jotkujk xëmë mnäjyawëtëty ets amëk jotmëk mtimy'itëty ets mjuuky'atëty tä ja ënä'ämën tëyajtën y'ënä'änyën mëti'ipë yë ntuunpës Moisés të nmo'oyën. Kopkpëky ko xyajwinkëxë'ëkëty ma mjuukyajtënën tä myinyën këxja'ay ets oy winë mwinpëtsë'ëm mjëjpëtsë'ëmxëtëty.

Hechos 20:20

E xëmë miits të ntuk'ëwaanëtë winjëën wintëjk ets ma ja mayjyä'äyën mëti'ipë mtuk'oy'attëpën, ko të nyaj'ijxpëktë.

Deuteronomio 7:2

Ko yë mWintsënëty ënäty të tkë'ëyajkta'ay ya'atë ja naax kajpn ma miitsëtyën ets ko ënäty tëë xyajkutëkooytya'atë, wa'ats nëjkx oytyiijëty xyajkutëkooytya'atë ets nitii aaw nitii ayuk nëjkx mëët xykyamëët'atë; nëjkxëp xyajkutëkooytya'atë, ninu'un xykyapa'ëyowtëty.

2 Crónicas 30:12

Wintsën kë'ëm yajkutujk ets ja ja'ay may tja'akyukëtëty ja aaw ayuk mëti'ipë ja yajkutujkpë ets ja kutuunktëjk nyi'ënä'ämëtën, mëti'ipë ja Wintsën ënäty të tyuknipëkëtën.

Deuteronomio 31:7

Ënät ja Moisés tmëjwooy ja Josué ets t'ënëmaay, ma ënäty jam të nyiye'eypyätën ja Israel ja'ayëty: amëk jotmëk timyajpaat, mijts jëtu'un tyam mpatëp ets xywyoownëjkxëty ya'atë naax kajpn jam ma ja it naaxwiinyëtën mëti'ipë ojts ja Wintsën tukwinwanën ja m'ap m'okëty. E mijts jëtu'un tyam mpatëp ets tääpë yë naax kajpn xynyiwa'kta'ajëty.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Deuteronomio 4:5

Ëjts tëëjës yam nikäjpxy ja ënä'ämën tëyajtën, mëti'ipë yë Wintsën nTiosës të xytyuk'ëne'emyën ets yë'ë xykyuuytyuntëty ma ja naax kajpnën mëti'ipë mniwa'akantëpën.

Hechos 20:27

jä'ä ko tëë xëmë ntuk'ëwaanëtë mëti'ipë ja Tios tsyojkpyën, ka'apës tii të nkuyu'utsy.

Deuteronomio 4:2

Mëti'ipë yam ntuk'ënëëmëjantëpën, këtii kë'ëm xyajni'ikëtëty ëkë kë'ëm xyajwäänëtëty. Jëtu'un xypyatuntëty ya'atë Wintsën yë tyiyajtën tä yam ntuk'ëwaanëja'antën.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Tios wyintuuy.

Josue 11:12

Näyjyëtu'un ja wiinkëtypë ja kajpn mëti'ipë ënäty mëët ja käjpxytyu'unën të tmëët'atyën ojts tyajkutëkooytyä'äy ets tyaj'o'ktaay ja nyiyajkutujkpë ets mëët tëkokyë ja ja'ayëty jampë tsyëënëtën, jëtu'un tä ënäty ja Moisés të tyuk'ëne'emyën ja Wintsën.

Lucas 11:42

Miits fariseë ja'ayëty mon tuk myajpaatë, ko tu'pëky xyjyajëpëktë ma ja majk pëkpyën ets ja Tios xyjyatukwintsë'ëkëtë; tä ja menta, rudë ets wiinkëtypë aay ujts mëti'ipë tojkx tsooy'ajtpën; je'eyëp ko ka'ap xymyëjpëjkta'aktë ja mëtëypyë ja nipaye'eyën ets ja Tios ja tsyojkën jya'awën.

Mateo 23:23

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mjatukniwë'ëmtëp ja Tios ja jyä'ä ko tii xyajwintëwtë, ijxtëm: ja menta, anis ets cominë; je'eyëp ko ka'ap xymyëjpëjkta'aktë ja ënä'ämën tëyajtën mëti'ipë kopkpëkyën yajpatunëty, ijxtëm: ja nipaye'eyën mëtëypyë, ja pa'ëyo'ow najts'ëyo'owën ets oypyë juukyajtën. Ya'atëtën ijty ni'ik oy ja kopkpëky, oknëm ma ja Tios ja y'ayajk y'ako'onën yajmo'oyën.

Josue 11:14

Ojts tkupujxta'atë ja ja'ayëty jampë tsyëënëtën, nitu'uk tkayajwë'ëmtë. Yë'ë ojts tjä'ä'ajta'atë ja jëyujk tsajpkaa ets winëjaty jampë yajpaatyën kajpnjotm.

Josue 11:16

Josué ojts tniwa'kta'ay tampë ja it naaxwiinyëtë, mëti'ipë kopkjotmën ma ja Négueb itjotmën, Gosen y'itjotm, ma ja Jordán nëëpa'ajën, tukë'ëyë joyjyot ma ja Israel ja'ayëty yajpaatën.

Números 33:50

Jam joyjyotm ma ja Moab tnitänën, winkon ma ja Jordán mëjnëëjën, jam ojts yë Wintsën tmëkäjpxy yë Moisés ets t'ënëmaay:

Números 33:52

Nëjkxëp xy'ëxwojpta'atë yë ja'ayëty jampë tsyëënëtën, tukwojpëtyääyëtë yë nyaaxpotsyëty tsyaapotsyëty. Wa'ats xyajkutëkooytya'atëty ja y'it nyaaxwiinyëtë ma yë'ë wiink tios t'ëwtatën.

Deuteronomio 31:3

E miitsëty yë'ë yam ntukmëtowantëp ko këtii mmaytyëty mtajtëty, yë Wintsën yë'ë xëmë yajpaataanp ma miitsëtyën ets yë'ë nëjkx kë'ëm tyajkutëkooytyä'äy ja naax kajpn maajaty ënäty mnaxtën ets nëjkx xynyiwa'aktë ja it naaxwiinyëtë. Yë Josué yë'ë nëjkx mtu'uwinye'eyëtë ets yë'ë nëjkx mnikopk'atëtë, jëtu'un tä yë Wintsën të tnikäjpxyën.

Deuteronomio 31:5

Ko ënäty ja Wintsën jëtu'un të tjantytyuny ets ënäty të mkë'ëmo'ojëtë ja naax kajpn, jëtu'un nëjkx winë xytyuntë tä ënäty yë'ë të tni'ënä'ämën.