Josue 11:1 - Biblia Mixe de Quetzaltepec

¹ Ko yë Jabín, Hasor yajkutujkpën tnija'awëy mëti'ipë ënäty të tyuny të jyätyën, ënät ojts tu'uk ja käjpxytyu'unën tyaj'apaatë mëët ja Jobab mëti'ipë jam ënä'ämpën Madón ets mëët ja yajkutujkpëty mëti'ipë jam ënä'ämtëpën Simrón ets Acsaf,

Biblia Dc en Mixe de Quetzaltepec

¹ Ko yë Jabín, Hasor yajkutujkpën tnija'awëy mëti'ipë ënety të tyuny të jyätyën, ënät ojts tu'uk ja käjpxytyu'unën tyaj'apaatë mëët ja Jobab mëti'ipë jam ënä'ämpën Madón ets mëët ja yajkutujkpëty mëti'ipë jam ënä'ämtëpën Simrón ets Acsaf,

Josue 11:1 ပူးပေါင်းရင်းမြစ်များ

Josue 11:10

Ko wyimpijnë jam ojts nyijkxy Hasor, ma ënäty ja yajkutujkpëtëjk ja käjpxytyu'unën të tuntën. Ko jam jyä'äjty tä ojts tyaj'ooky ja yajkutujkpë jampë y'ëne'emyën,

Jueces 4:2

Paaty ojts yë Tios tyukjoot'anpëkëtë ets y'ëxmajtsëtë. Ënät yë Jabín myiiny ets yë'ë yajnëjkxëtë, jam ënäty y'ëne'emy Canaán ets jam ja kyutujktakn Hazor. Ja tsyiptuunpë wintsën jä'ä ijty txëëwëty Sísara, jam tsyënaay Haróset-goim

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënäty t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Jueces 4:17

E yë Jabín, mëti'ipë jam ënä'ämpën Hazor, ka'ap ënäty mëët yë tsip tmëët'aty yë Héber ja Quenat ja'ay, paaty yë Sísara jam jyä'äjty tekyye'epy ma ënäty kye'ekyën ets jam jyajtäky ma ja Jael ja tyëjkën ja Héber ja tyo'oxytyëjk,

Josue 19:36

Adamá, Ramá, Hasor,

Josue 12:19

Madón, Hasor,

Josue 10:43

Ko jëtu'un kyijxy nyäjxy, ënät ja Josué ojts wyimpijnë jatëkok jam Guilgal mëët tëkokyë ja Israel ja'ayëty.

Jueces 5:19

Ënät ja yajkutujkpëtëjk jam myiintë Taanac, ma ja nëëjot txëëwatyën Meguido; yë yajkutujkpëtëjk mëti'ipë Canaán ja'ayëtyën ojts myintë tsiptuunpë, e ka'ap ojts tpaatë yë poop pujxn ets wit meeny.

1 Reyes 4:11

Ben-Abinadab, jam ojts t'atänë ma ja itjot txëëwatyën Dor; jä'ä tyo'oxytyëjk'ajtyp ja Tafat, yë nyëëx yë Salomón;

1 Reyes 9:15

Salomón ots ja tuunk tyaj'ixtä'äky mëti'ipë atsipën. Jä'ä ko kopkpëky ënäty tsyokyë ets yajkojëty ja tsajptëjk mëti'ipë ja Wintsën jyä'ä'atäämpyën, ja akujktëjk ets ma yaj'akojë'kyën ja tsajptëjk ets maa ja naax kajpn yajnapojtsyën. Ëpëky ma ja kajpn ojts yajkojtëpën mëti'ipë xyëëwajtëpën Hazor, Meguido ets Guézer. E tsyaats yajnikajpxa'any wi'ix ojts y'ixë'atyën.

Josue 9:2

Ënät ojts tu'ukyë nyämyatsëtë aak yë'ëjëty ets tkäjpxy'atë ko tsyiptuna'antë mëët ja Josué ets tëkokyë ja Israel ja'ayëty.

Josue 12:20

Simrón-merón, Acsaf,

2 Samuel 10:15

Ko ja sirië ja'ayëty t'ijxtë ko ka'ap ja Israel ja'ayëty të yajmëta'akëtë, ënät ojts jatëkok tyu'ukmuktë.

2 Reyes 15:29

Ma ënäty ja Peka yajkutukyën jam Israel, ënäty jyä'äjty jam yë Tiglat-piléser, jampë yajkutukyën Asiria ets ojts tjä'äpëky Iión, Abel-bet-maacá, Janoa, Cedes, Hazor, Galaad, Galilea ets tëkokyë jënu'un ja Neftalí ja y'itjotmën ets ja ja'ayëty mëti'ipë ënäty jam tsënaaytyëpën aakjam ojts tsumy matsy nyëjkxta'atë Asiria.