Josue 10:40 - Biblia Mixe de Quetzaltepec

⁴⁰ Jëtu'un'äämpy yë Josué ojts tniwa'kta'ay tampë ja it naaxwiinyëtë. Ojts tyaj'o'kta'ay ja yajkutujkpëtëjk jampë yajpaatën ma ja kopkjotmën, ma ja Négueb tnitänën, jam joyjyotm ma ja winjënakën. Yajkutëkooytyääy winë ets ojts tyaj'o'kta'ay ja ja'ay jampë tsyëënëtën. Ni pën ojts juuky tkayajwë'ëmy, jëtu'un tuuny tä ënäty ja Wintsën mëti'ipë Tyios'ajtypyën yë Israel ja'ayëty të tyuk'ëne'emyën.

Biblia Dc en Mixe de Quetzaltepec

⁴⁰ Jëtu'un'äämpy yë Josué ojts tniwa'kta'ay tampë ja it naaxwiinyëtë. Ojts tyaj'o'kta'ay ja yajkutujkpëtëjk jampë yajpaatën ma ja kopkjotmën, ma ja Négueb tnitänën, jam joyjyotm ma ja winjënakën. Yajkutëkooytyääy winë ets ojts tyaj'o'kta'ay ja ja'ay jampë tsyëënëtën. Ni pën ojts juuky tkayajwë'ëmy, jëtu'un tuuny tä ënety ja Wintsën mëti'ipë Tyios'ajtypyën yë Israel ja'ayëty të tyuk'ëne'emyën.

Josue 10:40 ပူးပေါင်းရင်းမြစ်များ

Salmos 9:17

Yë ëxëëkja'aytyëjk ets ja ja'ayëty mëti'ipë ka'ap yë Tios t'ëwtatën, mëti'ipë tu'ukyë yë Tios të tja'atyëkooynyëtën, jam kyëxa'antë ma o'kën yajkutukyën.

1 Reyes 15:29

Je'eyë tyëjkëy yajkutujkpë, tääts tyaj'o'ktaay tëkokyë ja Jeroboam ja myëku'uktëjk. Jëtu'un y'atëëy tä ënäty ja Wintsën të tuknikäjpxyën ja Ahías mëti'ipë jam kukajpn'ajtpën Siló, Baasá wa'ats tyajkutëkooytyääy ja Jeroboam ja jyiiky myëku'uk, nitu'uk ojts kyawë'ëmy juuky.

Josue 10:37

Ko tnitëjkëtyë, yajxon tim yajkutëkooytyë ja kajpn ets ja nyiyajkutujkpë tkupujxtë mëët ja tyiypyujxnëty ets tëkokyë ja ja'ayëty ets ja jëyujk tsajpkaajëty mëti'ipë ënäty jam yajpatëpën ets ma ja kajpnëtyën mëti'ipë mëët nyämyëwinkon'atëtën; näjyëtu'un o'ktëy tuuntë tä ojts tuntën ja Eglón kajpn.

Josue 10:35

Jä'ä xëëw nimay yë ja'ay tyaj'o'ktë, mëti'ipë ënäty jam tsënaaytyëpën; ojts tyajkutëkooytya'atë tëkokyë winë jampë yajpaatën kajpnjotm, timjëtu'un tä y'ëtëtstën jam Laquis.

Josue 9:24

Ënät t'ëtsoowtë ja Josué: Ëëtsëty paatykyëjxmës jëtu'un të n'ëtë'ëtstë, jä'ä ko miits ënäty ntsë'këtyëp, koos xy'ëkyaj'o'ktaaynyëtëty, jä'ä ko tëëjës nijawëtë ko yë Moisés ojts yë Tios y'ënë'ëmxëty, ko tëkokyë ya'atë it naaxwiinyëtë tniwa'kta'ajëty ets tyajkutëkoyëty tu'kë'ëyë jënu'un yaa ja'ay tsyëënëtën.

Josue 8:27

Ja jëyujk tsajpkaa ets tëkokyë winë yë'ë ojts ja Israel ja'ayëty tjä'ä'ajta'atë, jä'ä ko jëtu'un ënäty ja Wintsën të tuk'ëne'emy ja Josué.

Josue 8:2

Yë Aí kajpn mëët ja nyiyajkutujkpë mëti'ipë jam ënä'ämpën, jëtu'un nëjkx xyajjaty xyajkëpety tä xytyuunyën yë Jericó. Je'eyëp ko ja mëti'ipë ënäty mtukyajni'o'ktutëpën ja mëtsipëty, jyëkyäpëp miits xyjyä'ä'atëty. Tuknipëjktaakë ets tääpë kajpn ajotkumonë jëxkë'ptsow xynyitëkëty.

Josue 6:17

Ja kajpn ets tëkokyë jënu'un winë yajpaatyën ma yë'ëjën nëjkxëp kyutëkooytyä'äy, jä'ä ko yë Wintsën tëë tni'ënä'ämë ets tëë kë'ëm ëpëky timpyëjktä'äky. Yi'iyë nëjkx wyi'imy yë Rahab mëti'ipë jyot nyini'kx tyo'kpyën, mëët yë jyiiky myëku'uk tyaak tyeety ets tëkokyë jënu'un jap yajpaatën ma tyëjkën, jä'ä ko ojts tyu'utsy ja mëti'ipë ojts jam ja kajpn t'ixtën tuntën, mëti'ipë yajkäjxtën.

Deuteronomio 7:24

Yë yajkutujkpëtëjk mëti'ipë ënäty jam ënä'ämtëpën, miits mkë'ë'am nëjkx kya'atë, nëjkxëp xyaj'o'kta'atë ets nijëna'a kya'ëkyaja'amyäjtsnëtëty yaa naaxwiiny naaxkëjxy. Ko ënäty miitsëty mtsiptuntë, ni pën nëjkx xykyayajmëta'aktë ets jëtu'un nëjkx niwinëty xyajkutëkooytya'atë.

Josue 18:21

Ja kajpn mëti'ipë ojts tyuka'ajëtën ja Benjamín ja jyä'äy, yë'ë ojts y'itë: tu'kpëky ja Jericó ets Bet-hoglá, Émec-quesis,

Josue 12:8

Ojts tëkokyë tjä'ä'ajta'atë ja tunjot kopkjot, ja joyjyot, ma ja Jordán mëjnëëjën; näjyëtu'un ja it ets ja të'ëts'it jampë yajpaatyën Négueb. Ya'atë naaxwiinyëtë yë'ë ënäty të tjä'ä'atë yë Hit ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Deuteronomio 1:7

Pëjkmujkta'atë winë ets nëjkxtë jam ma kyopkjotëtyën yë Amor ja'ayëty ets xynyiwa'ktaayëtëty yë y'it nyaaxwiinyëtë jënu'un mëët nyämyëwinkon'atëtën: Tä yë Arabá itjotmën, ja tunjotm kopkjotmën, joyjyotmën, jampaat ma ja itjotm yajtijyën Négueb ets ma ja naax akujkmejyjyotypë ja pya'a nyuxën, ma ja Canaán ja'ay tsyëënëtën ets ma txëëwatyën Líbano, tyimja'tëty jam ma ja Éufrates mëjnëëjën.

Éxodo 34:12

Nitii aaw nitii ayuk mëët tääpë ja'ayëty xykyamëët'atëty mëti'ipë jam tsënaaytyëpën ma mnëjkxtën, këtiipë ëxëëktum myajka'ajëtëty.

Josue 10:39

Ojts tkupuxtë ja yajkutujkpë mëti'ipë ënäty jam ënä'ämpën ets ja ja'ayëty mëti'ipë jam tsënaaytyëpën, yë'ëpaat ja kajpn tyajtëkooytyë mëti'ipë mëwinkon'ajtëpën. Ma Debir kajpnën ka'ap ojts ni pën juuky wyi'imy, wa'ats ja ja'ayëty y'o'ktaaytyë, jëtu'un tä jam jyä'äjty ma Hebrón kajpnën ets Libná mëët ja yajkutujkpëtëjk.

Josue 11:16

Josué ojts tniwa'kta'ay tampë ja it naaxwiinyëtë, mëti'ipë kopkjotmën ma ja Négueb itjotmën, Gosen y'itjotm, ma ja Jordán nëëpa'ajën, tukë'ëyë joyjyot ma ja Israel ja'ayëty yajpaatën.

Números 13:17

Ënät ojts yë Moisés tkexy ya'atë ja'ayëty jam ma ja it naaxwiinyëtë txëëwatyën Canaán ets t'ixtëty tuntëty, ënät t'ënëmaay: Jäätsow mnëjkxtëty ma txëëwatyën Négueb ets mpäjtë'ëktëty ma ja kopkjotmën.

Deuteronomio 2:34

Tëkokyë yë nyaax kyajpn ojts nyajkutëkooytya'atës, wa'ats nyaj'o'ktaaytyës, ye'etyëjk to'oxytyëjkëty, mëjja'ay mutskja'ay. Ni pën ojts juuky nkayajwë'ëmtës.

Nehemías 9:24

Ënät yë'ëjëty jam jyajtë ets tnitsiptuuntë tääpë naaxwiinyëtë tääts tjä'äpëjktë ma txëëwatyën Canaán; yajxon ojts naxym xytyimpëjktä'äky tääpë ja'ayëty. Wä'än ënät tyam tnikäjpxy yë Israel ja'ay mëti'ipë ënäty jam kunaax'ajt kukajpnajtëpën, näjyëtu'un ja y'ënä'ämpëty yajkutujkpëty.