Josue 10:36 - Biblia Mixe de Quetzaltepec

³⁶ Ko jam Eglón tsyo'ontë, jam ojts nyëjkxtë Hebrón ets tnitëjkëtyë.

Biblia Dc en Mixe de Quetzaltepec

³⁶ Ko jam Eglón tsyo'ontë, jam ojts nyëjkxtë Hebrón ets tnitëjkëtyë.

Josue 10:36 ပူးပေါင်းရင်းမြစ်များ

Jueces 1:10

Ojts näjyëtu'un tnitëkëtë ja Canaán ja'ayëty jampë tsyëënëtën ma ja it naaxwiinyëtë yajtijyën Hebrón mëti'ipë ijty tëëyëp yajtijpën Kiriat-arba ets tyajkutëkooytyë ja Sesai ja'ayëty, ja Ahiman ja'ayëty ets ja Talmai ja'ayëty.

Josue 15:13

Josué ojts tmo'oy yë Caleb, yë Jefuné myaank wäänë yë naax mëti'ipë Judá ja'ay jyä'ä'ajtëpën, jä'ä pyatuun ja aaw ayuk mëti'ipë ja Wintsën ënäty të tni'ënä'ämën, yë'ë ojts tmo'oy ja Quiriat-arbá, mëti'ipë yajtijpën Hebrón, ma ijty tsyëënëtën tëëyëp ja Anac pajkyeny ja y'u'unk y'ok.

Números 13:22

Ënät ojts nyëjkxtë näjyëtu'un jam Négueb, nyajxtë ets jyajtë Hebrón. Jam ijty tsyëënëtë ja'ayëty, mëti'ipë yajtijtëpën Ahiman, Sesai ets Talmai, yë'ë yë Anac ja y'u'unk y'ok. Yë Hebrón wëxtujk jëmëjt jyëwiinëty ma ojts yajkojyën jam ja kajpn ets ok yë mëj kajpn mëti'ipë xyëëwajtypyën Zoan, mëti'ipë Egiptë nyitënääpyën.

1 Crónicas 12:28

ets mëët ja Sadoc, ja ëna'kpë ets jotmëkpë tsiptuunpë, mëët ni''ipxmäjtsk ja myëku'uktëjkëty jotmëkëtypë mëti'ipë nyiwintsën'ajtëpën ja tsiptuunpëtëjkëty.

1 Crónicas 12:23

Yaa jëtu'un yajnimëtyä'äky mëti'ipë ja David ojts tmä'kxyën, ja tsiptuunpë ja'ayëty, mëti'ipë ja tsip wyinkuwa'këtëpën ko jam yajpatë Hebrón, tääts jä'ä ja kutujkën tmëwë'ëmëjanë mëti'ipë ënäty ja Saúl nyitënääpyën, jëtu'un tä ënäty ja Wintsën të tuknipëjktaakën:

Josue 21:13

Ja Hebrón kajpn mëti'ipë tsoktakn waanpën ets jam ja ja'ay kyäktso'oktëty mëti'ipë ja myëku'uk ka'ap tsyokyëty të tyaj'ookyën, yë'ë ojts yajmo'otë yë Aarón ja y'u'unk y'ok ojts ëpëky yajmooytyë ja Libná kajpn,

Josue 15:54

Humtá, Quiriat-arbá, mëti'ipë näjyëtu'un yajtijpën Hebrón ets Sior, jä'ä nyiwinë'atë ja kajpn taxtujk, ëpëky ja myutsk kajpnëty mëti'ipë nyitënaaytyëpën.

Josue 10:5

Ënät ojts jyänty tyu'ukmuktë yë nimëkoxkpë yajkutujkpë mëti'ipë Amor ja'ayëtyën, jä'ä ja yajkutujkpëtëjk mëti'ipë jam yajpatëpën Jerusalén, Hebrón, Jarmut, Laquis ets Eglón, tu'ukyë ojts tsyoontë aakmëët yë tsiptuunpëtëjkëty ets tninëjkxtë ja Gabaón kajpn.

Josue 10:3

Paatykyëjxm ojts yë Adonisédec kanaak yë noky tyaj'oyë ets tuknikejxy ja yajkutujkpë Hoham mëti'ipë jam ënä'ämpën Hebrón, ja Piream mëti'ipë ënä'ämpën Jarmut, ja Jafía mëti'ipë jam ënä'ämpën Laquis ets ja Debir mëti'ipë jam ënä'ämpën Eglón, ets t'ënëmaay:

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënäty jam y'ity tsyëënën ets ojts nyijkxy tsënääpyë ma ënäty jam tu'uk ja it naaxwiinyëtën janty xojjotpë. Yë'ë ënäty tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Tios tmooy.

Josue 10:35

Jä'ä xëëw nimay yë ja'ay tyaj'o'ktë, mëti'ipë ënäty jam tsënaaytyëpën; ojts tyajkutëkooytya'atë tëkokyë winë jampë yajpaatën kajpnjotm, timjëtu'un tä y'ëtëtstën jam Laquis.

Josue 10:37

Ko tnitëjkëtyë, yajxon tim yajkutëkooytyë ja kajpn ets ja nyiyajkutujkpë tkupujxtë mëët ja tyiypyujxnëty ets tëkokyë ja ja'ayëty ets ja jëyujk tsajpkaajëty mëti'ipë ënäty jam yajpatëpën ets ma ja kajpnëtyën mëti'ipë mëët nyämyëwinkon'atëtën; näjyëtu'un o'ktëy tuuntë tä ojts tuntën ja Eglón kajpn.

Jueces 1:20

Yë Caleb yë'ë ojts tjä'ä'aty yë Hebrón kajpn, jëtu'un të ënäty ja Moisés të t'akäjpxyën; yë Caleb ojts jam twojpëtsëëmta'ay nitëkëëk ja Anac ja y'u'unk y'ok.

2 Crónicas 11:10

Sorá, Aialón ets Hebrón, mëti'ipë ta'tspëky ijtëpën jam ma Benjamín nyaaxjotmën ets ma Judá nyaaxjotmën.