Josue 10:3 - Biblia Mixe de Quetzaltepec

³ Paatykyëjxm ojts yë Adonisédec kanaak yë noky tyaj'oyë ets tuknikejxy ja yajkutujkpë Hoham mëti'ipë jam ënä'ämpën Hebrón, ja Piream mëti'ipë ënä'ämpën Jarmut, ja Jafía mëti'ipë jam ënä'ämpën Laquis ets ja Debir mëti'ipë jam ënä'ämpën Eglón, ets t'ënëmaay:

Biblia Dc en Mixe de Quetzaltepec

³ Paatykyëjxm ojts yë Adonisédec kanaak yë noky tyaj'oyë ets tuknikejxy ja yajkutujkpë Hoham mëti'ipë jam ënä'ämpën Hebrón, ja Piream mëti'ipë ënä'ämpën Jarmut, ja Jafía mëti'ipë jam ënä'ämpën Laquis ets ja Debir mëti'ipë jam ënä'ämpën Eglón, ets t'ënëmaay:

Josue 10:3 ပူးပေါင်းရင်းမြစ်များ

Miqueas 1:13

Miitsëty Laquis ja'ayëty, mëti'ipë je'eyë të kyäjpxykyumëtoownaxtën tä yë Israel ja'ayëtyën, mëti'ipë ojts ëxëëk tyajjat tyajkëpätën ja Sión kajpn, ko tuk'ixtsumëtë yë mkëwaayëty yë kepy wintëkäämpë.

2 Crónicas 11:9

Adoraim, Laquis, Azecá

2 Reyes 18:17

Ok ojts yë Asiria yajkutujkpë tkexy yë tsyiptuunpë wintsën mëj'äämpyë ets myëkutuunk ets tu'uk mëj wintsën jam ma ja Ezequías yajpaatyën ets jam tsyo'ontë Laquis jyajtë Jerusalén ets tnitëkëja'antë. Ko tmëwinkoontë ja Jerusalén kajpn, jam jyajtaktë ma ja nëë nyipetyën kajpnëkëjxm, ma ja tu'ujën mëti'ipë nëjkxpën ma witpujtaknën.

2 Reyes 18:14

Ënät ja Ezequías, Judá yajkutujkpë, ojts tkäjpxynyikexy ja Asiria yajkutujkpë ets t'ënëmaay: Ëjts tyamës nkupëky ko ka'apës të nmëtä'äky. E yë'ëts yam mpëjktsoopy ets mjëwa'akëty maas yë nkajpnën tyamës nyakëty ja wit meeny jënu'un xytyim'amëtoyën. Ënät ja Asiria yajkutujkpë t'awijtsy ja meeny jënu'un tsokyën ets t'ënëmaay ja Ezequías, jä'ä xyakëty taxtujk mil ja taxtujk mëko'px kilë, aakyë'ë poop pujxn meeny ets taxtujk mëko'px ja majkta'px majk tsim yë pu'ts pujxn.

2 Samuel 2:11

jä'ä jam tyuuny wëxtujk jëmëjt ets ja tëtujk po'o, jam tmëët'ajty ja kyutujktakn jam Hebrón.

Josue 18:28

Selá, Élef, Jebús, yajtijp näjyëtu'un Jerusalén, Guibeá, ets Quiriat, jä'ä nyiwinë'atë majkmajkts mëët ja myutsk kajpnëty. Ya'atë jëtu'un ja it naaxwiinyëtë mëti'ipë ojts tyuka'ajëtën ja Benjamín ja jyä'äyëty.

Josue 15:63

Yë Judá y'u'unk y'ok ka'ap ojts myäyëtë tyajpëtsëmtëty yë Jebús ja'ayëty jam Jerusalén mëti'ipë ënäty jam tsënaaytyëpën, paatykyëjxm yë Jebús ja'ayëty je'eyëm tyampaat mëët y'ijtmuktë yë Judá y'u'unk y'okëty jam Jerusalén.

Josue 15:54

Humtá, Quiriat-arbá, mëti'ipë näjyëtu'un yajtijpën Hebrón ets Sior, jä'ä nyiwinë'atë ja kajpn taxtujk, ëpëky ja myutsk kajpnëty mëti'ipë nyitënaaytyëpën.

Josue 14:15

Yë Hebrón jä'ä ijty tëëyëp yajtijy Quiriat-arbá, paatykyëjxm jëtu'un yajtijy, jä'ä ko jam ojts yë Arbá tsyëënë, tu'uk yë y'u'unk y'ok yë Anac ja'ay pajkyenypë. Ko ya'atë jëtu'un kyijxy nyäjxy ka'ap ojtx ma tsip y'ëk'ijnë.

Josue 10:5

Ënät ojts jyänty tyu'ukmuktë yë nimëkoxkpë yajkutujkpë mëti'ipë Amor ja'ayëtyën, jä'ä ja yajkutujkpëtëjk mëti'ipë jam yajpatëpën Jerusalén, Hebrón, Jarmut, Laquis ets Eglón, tu'ukyë ojts tsyoontë aakmëët yë tsiptuunpëtëjkëty ets tninëjkxtë ja Gabaón kajpn.

Josue 10:1

Yë Adonisédec mëti'ipë ënäty jam ënä'ämpën Jerusalén, ko tnija'awëy ko yë Josué tëë tyajkutëkoy yë Aí kajpn mëët ja nyiyajkutujkpë, ijxtëm ja Jericó kajpn tyajkutëkooyën mëët ja nyiyajkutujkpë ets ko yë Gabaón ja'ayëty tëë mëët nyäpyëkëtë yë Israel ja'ayëty ets tyam tu'ukyë yajpatnëtë. Ko tnija'awëy ko yë Gabaón ja'ayëty tëë mëët nyäpyëkëtë yë Israel ja'ayëty, ni'ikyë ojts tsyë'ëkëtë, jä'ä ko nyija'awëtëp ënäty yë Gabaón ja'ayëty ko jotmëk ijtyëty ets kyajpnëty mëj'äämpy yajpaaty këtiinëm jyëtu'un'atë yë Aí kajpn.

Números 13:22

Ënät ojts nyëjkxtë näjyëtu'un jam Négueb, nyajxtë ets jyajtë Hebrón. Jam ijty tsyëënëtë ja'ayëty, mëti'ipë yajtijtëpën Ahiman, Sesai ets Talmai, yë'ë yë Anac ja y'u'unk y'ok. Yë Hebrón wëxtujk jëmëjt jyëwiinëty ma ojts yajkojyën jam ja kajpn ets ok yë mëj kajpn mëti'ipë xyëëwajtypyën Zoan, mëti'ipë Egiptë nyitënääpyën.

Génesis 37:14

Oy mnëjkxëty, jëtu'un y'ënäny yë Israel. Nëjkx ix wi'ix yajpaatë jam ja mmëkä'äxtëjk ets näjyëtu'un ja jëyujk tsajpkaa, tsajppax ets kupixyny, e ko mwinpitëty täätsës xytyukmëmëtya'akëty wi'ix ënäty jam të xy'ixy të xykyoyën. Ënät yë Israel tkejxy yë José, jam ojts tsyoony Hebrón ets jyä'äjty Siquem. Tam ënäty tyimja'tanë

Génesis 23:2

Jam y'o'ky ma ja it naaxwiinyëtë txëëwatyën Quiriat-arbá, ma tu'uk ja kajpn txëëwatyën Hebrón, ma ja Canaán nyaaxjotmën wyi'imy. Jekpyaat yë Abraham tnimoony tnitujky yë tyo'oxytyëjk Sara ko y'o'ky.

Josue 10:23

Ja Israel ja'ayëty ojts tjantyyajku'ëwa'atstë ja aank ets tju'të ja yajkutujkpë mëti'ipë ënä'ämtëpën jam Jerusalén, Hebrón, Jarmut, Laquis ets Eglón.

Jeremias 34:7

E ja tsiptuunpëtëjkëty mëti'ipë yë Babilonyë yajkutujkpë jyä'äy'äjtypyën tëë ënäty tyajnatuktë ja Jerusalén ets ja Judá kajpn mëti'ipë yajtijpën Laquis ets Azecá ja këwent'atypë y'itën.

Josue 10:34

Ko yë Josué mëët tëkokyë yë Israel ja'ayëty jam tsyo'ontë Laquis, jam ojts nyëjkxtë ma Eglón kajpnën, jëyëjp ojts tyajnatuktë ets tnitëjkëtyë.