Josue 1:7 - Biblia Mixe de Quetzaltepec

⁷ Mëti'ipë mijts npëjktsoopyën, yë'ë ko jotkujk xëmë mnäjyawëtëty ets amëk jotmëk mtimy'itëty ets mjuuky'atëty tä ja ënä'ämën tëyajtën y'ënä'änyën mëti'ipë yë ntuunpës Moisés të nmo'oyën. Kopkpëky ko xyajwinkëxë'ëkëty ma mjuukyajtënën tä myinyën këxja'ay ets oy winë mwinpëtsë'ëm mjëjpëtsë'ëmxëtëty.

Biblia Dc en Mixe de Quetzaltepec

⁷ Mëti'ipë mijts npëjktsoopyën, yë'ë ko jotkujk xëmë mnäjyawëtëty ets amëk jotmëk mtimy'itëty ets mjuuky'atëty tä ja ënä'ämën tëyajtën y'ënä'änyën mëti'ipë yë ntuunpës Moisés të nmo'oyën. Kopkpëky ko xyajwinkëxë'ëkëty ma mjuukyajtënën tä myinyën këxja'ay ets oy winë mwinpëtsë'ëm mjëjpëtsë'ëmxëtëty.

Josue 1:7 ပူးပေါင်းရင်းမြစ်များ

1 Reyes 2:2

Ëjts nëjkxanëpës ma tëkokyë ja'ay nyëjkxta'atën. Mijts amëk jotmëk mtimyajpaatëty, këtii mtsë'ëkëty ets oy winë tun.

1 Reyes 2:3

Patun mëti'ipë yë mWintsën nyi'ënä'ämëpën, aak'oy winë xytyunëty ets mpatunëp ja y'ënä'ämën kyutujkën, tyiyajtën ets ja y'aaw y'ayuk, jëtu'un ijxtëm myinyën ma ja Moisés ja y'ënä'ämënën, jëtu'un oy winë mwinpëtsë'ëm mjëjpëtsë'ëmxëtëty oy tii xytyunëty ets oy maa mtimnyëjkxëty.

2 Reyes 22:2

Ja tyu'unën kyajpxën ja Josías oy ja Wintsën t'ijxy, jä'ä ko yë'ë oy winë tuuny tä ja y'apteety David winë tuunyën, yë'ë ka'ap ojts ma tii tuuntëkoy.

1 Crónicas 22:13

Tëkokyë winë aak'oy mwinpëtsë'ëmxëtëty pën mtuumpy jëtu'un winë tä ja y'ënä'ämën kyutujkën myinyën mëti'ipë ja Moisés tyukmëwë'ëmën ja Israel ja'ayëty ets yë'ë tyajtuntëty. Mijts amëk jotmëkmës it ets këtii mayëty mtajëty.

2 Crónicas 15:7

E miitsëty xëmë m'itëty amëk jotmëk, ja tuunk mëti'ipë myajtu'uye'eytyëpën nëjkxëp mëjwiin këjää xytyuk'oy'atë.

2 Crónicas 26:5

Maapaat ja Zacarías ojts jyuuky'ätyën xëmë ojts ja Wintsën t'awä'äky, jëtu'un tä ënäty të y'ityën yë Amasías mëti'ipë tyeety'ajtën ets mëti'ipë tyatwelë'ajtën. Ko ja Wintsën ijty yë'ë t'awä'äky xëmë ojts pyutëkëty.

Job 1:8

Ënät ja Wintsën y'ënëmaayë: ¿M'ixy'äjtyp yë ntuunpës mëti'ipë xyëëwajtypyën Job? Nimaa ja'ay jëtu'unpë naaxwiiny naaxkëjxy, mëti'ipës oy xymyëtuunpën ets tëy tëtä'äky jyuuky'äty, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë.

Salmos 80:19

Wintsën, Tios mëti'ipë maaytyääyëpën winë, mijts m'a'ixëp etsës jatëkok jëtu'un nja'ay'atëty tä ijty tëëyëpën. Ni''ijxkëtaktëk ëëtsëty etsës npaatëty ja nitsokën.

Proverbios 4:27

Këtii nijëna'a mtu'utëkatsëty, ets këtii jam mnëjkxëty ma ëxëëkpë tyu'uye'eyën.

Proverbios 8:20

Ëjts yë'ëjës yë në'ë tu'u tëypyë nkuuynyijkxyp, ja tëypyë ja najxtakn.

Daniel 10:19

etsës të xy'ënëëmë: Këtii mtsë'ëkë ets këtii mmay mtajy. Yë Tios yë'ë mtsojkëp; jotmëk myajpaatëty ets këtii mkumay mkutajë. Tamës ënäty jëtu'un xymyëmëtyä'äky, koos jatëkok të näjyawëty nmëkpëky, etsës të n'ënëëmë: Wintsën, mëëtmëtyakës, tëëjës jatëkok yë nmëk'ajtën xymyo'oy.

Números 27:23

Ënät ja Eleazar jam ja kyë'ë tkëxkoony ma Josué kyëpajkën ets ojts tkënu'kxy, jëtu'un'äämpy tmooy ja kutujkën tä ënäty ja Wintsën të tyuk'ëne'emyën mëët ja Moisés.

Deuteronomio 11:8

Yë'ë mpatuntëp yë ënä'ämën tëyajtën mëti'ipë tyam të nmo'otën ets mëkta'aktëty, jëtu'unts akujk jotkujk xytyimniwa'aktëty ja it naaxwiinyëtë mëti'ipë nmo'ojantëpën.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Deuteronomio 28:14

Ets ko yë'ë xëmë xy'aaw'at xyjyot'atëty, ijxkëm jëna'a m'ënaanpë ja wiink wintsën xypyanëjkxa'any.

Deuteronomio 29:8

Ko ka'ap myëtaktë, tä ja nyaax kyajpnëty ojts niwa'kta'ayëmë ets jä'ä tjä'ä'ajtë ja jyä'äyëty ja Rubén, Gad ets kujkwä'kxy ja Manasés ja jyä'äyëty.

Deuteronomio 29:9

E paaty yam n'ënëëmëtë ets xypyatuntëty ya'atë aaw ayuk, tä yam yaj'ëëwkëxy yajkajpxkëxyën ya'atë käjpxytyu'unën, mtuntëp jëtu'un ets jotkujk mjuuky'atëty ets aak'oy wyimpëtsëm jyëjpëtsëmëty ja mëti'ipë ënäty mtuknipëjktakëtëpën.

Deuteronomio 31:7

Ënät ja Moisés tmëjwooy ja Josué ets t'ënëmaay, ma ënäty jam të nyiye'eypyätën ja Israel ja'ayëty: amëk jotmëk timyajpaat, mijts jëtu'un tyam mpatëp ets xywyoownëjkxëty ya'atë naax kajpn jam ma ja it naaxwiinyëtën mëti'ipë ojts ja Wintsën tukwinwanën ja m'ap m'okëty. E mijts jëtu'un tyam mpatëp ets tääpë yë naax kajpn xynyiwa'kta'ajëty.

Deuteronomio 4:2

Mëti'ipë yam ntuk'ënëëmëjantëpën, këtii kë'ëm xyajni'ikëtëty ëkë kë'ëm xyajwäänëtëty. Jëtu'un xypyatuntëty ya'atë Wintsën yë tyiyajtën tä yam ntuk'ëwaanëja'antën.

Deuteronomio 5:32

E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Tios ets këtii nijëna'a xy'ëxmatstëty.

Josue 1:1

Ko yë Moisés y'o'ky mëti'ipë yë Wintsën oy myëtuunën, ënät yë Wintsën ojts tmëkäjpxy yë Josué, Nun yë myaank, Moisés yë pyutëjkëpë ets t'ënëmaay:

Josue 1:8

Xëmë xymyëmay xymyëtajëty mëti'ipë ja Tios ja y'ënä'ämën tyiyajtën nyikäjpxypën, yë'ë xëmë mja'amyätsëp xëëny koots ets xytyunëty mëti'ipë nyikäjpxypën. Aak oy nëjkx tii mwinpëtsë'ëmxëty ko tii xytyunëty.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 11:15

Yë Wintsën ojts yë ënä'ämën tmo'oy yë Moisés, e yë Moisés ojts ya'atë ënä'ämën tyajknaxy ets tmooy yë Josué, Josué yë'ë ojts tkuuytyuunta'ay.

Josue 23:6

Yë'ë patuntë ja ënä'ämën tëyajtën mëti'ipë jap miinpën këxja'ay ma ja nokyën mëti'ipë yë Moisés y'ëxajëyën.