Josue 1:4 - Biblia Mixe de Quetzaltepec

⁴ Miits nmo'ojantëp yë it naaxwiinyëtë jampë tsyo'ontä'äkyën ma të'ëts'itjotmën, nyäxy jam Líbano ets jyä'ty jam Éufrates, miits nëjkx xyjyä'ä'ajta'atë yë nyaaxjotëty yë Hit ja'ayëty ets jampaat ma Mejyën naax akujkpyë.

Biblia Dc en Mixe de Quetzaltepec

⁴ Miits nmo'ojantëp yë it naaxwiinyëtë jampë tsyo'ontä'äkyën ma të'ëts'itjotmën, nyäxy jam Líbano ets jyä'ty jam Éufrates, miits nëjkx xyjyä'ä'ajta'atë yë nyaaxjotëty yë Hit ja'ayëty ets jampaat ma Mejyën naax akujkpyë.

Josue 1:4 ပူးပေါင်းရင်းမြစ်များ

1 Reyes 10:29

Tu'uk ja pujxnwintëkäämpë mëti'ipë tyuktsiptuuntëpën jä'ä ijty tsyowpaaty jap Egiptë tëtujk kilë ja kujkm ja poop pujxn, e ja kwaay jä'ä tsyowpaaty naxy tu'kkilë ja kujkm. Ja yajkutujkpë mëti'ipë jam ënä'ämpën ma Hit ja'ayëtyën ets ma siriëja'ayëtyën aakyë'ë ijty tyukmëto'ktëp winë ja Salomón ja y'ato'kpëtëjk.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

1 Crónicas 18:3

David nän ka'ap tyajmëtäky ja Hadad-ézer, jampë Sobá yajkutukyën, jamtsowpë yajpaatyën ma Hamat y'itjotmën, jää ojts ka'ap y'ëkmëtaknë ma ënäty tniwa'akanën ja Éufrates mëjnëë itjot.

1 Crónicas 5:9

Jam awinmtsow, aakyë'ë nyiwa'ktaay ja naax kamtëjk, tyimja'ty ma ja të'ëts itjotmën mëti'ipë tso'onpën jam nëë'ëkë'ëm ma yajtijyën Éufrates, paatykyëjxm mëj këjää ja naax kam tniwä'ky jä'ä ko may ijty tmëëtëty ja jëyujk tsajpkaa, jam Galaad jam ojts nyimayëtë.

Esdras 4:20

jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

Éxodo 23:31

Yë mtsëpa'anëty jam tsyoonëty ma mëjnëë jyënäkyën mëti'ipë xyëëwajtypyën Tsaptsmejy ets jam jya'tëty ma myëjnëë nyaxtën yë filistejë ja'ayëty; jam tsyoonëty yë wiinkpë ma të'ëts'itjotmën ets jam jya'tëty ma Éufrates mëjnëëjën. Ëjts nkë'ë'ëjotyës tääpë ja'ayëty të mpëjktakta'atë, mëti'ipë jam tsënaaytyëpën ma tääpë it naaxwiinyëtën ets mijts nëjkx jam xy'ëxkäjxtaaynyë.

Deuteronomio 1:7

Pëjkmujkta'atë winë ets nëjkxtë jam ma kyopkjotëtyën yë Amor ja'ayëty ets xynyiwa'ktaayëtëty yë y'it nyaaxwiinyëtë jënu'un mëët nyämyëwinkon'atëtën: Tä yë Arabá itjotmën, ja tunjotm kopkjotmën, joyjyotmën, jampaat ma ja itjotm yajtijyën Négueb ets ma ja naax akujkmejyjyotypë ja pya'a nyuxën, ma ja Canaán ja'ay tsyëënëtën ets ma txëëwatyën Líbano, tyimja'tëty jam ma ja Éufrates mëjnëëjën.

Deuteronomio 11:24

Ma ënäty miitsëty mnajtswa'akëtën, jam nëjkx mtsënaaytyaknpëktë, yë mtsëpa'anëty jam nëjkx y'ëwtity të'ëts'itjotm, nyaxëty jam Líbano ets tsyoonëty jam ma Éufrates mëjnëë jyënäkyën ets tyimja'tëty ma ja mejyën naax akujkpë.

Deuteronomio 3:25

Tun yë mëyajtën, tyam nmënu'kxtä'äky; yajnajxkës jam nëë'awinm ma Jordán nëëjën. Tuk'ijxkës tampë yë naax oypyë tsujpë, ma ja tun kopk janty oypyë yaj'ixyën ets ja Líbano y'it nyaaxwiinyëtën.

Apocalipsis 9:14

Ets t'ënëmaay ja mëtëtujkpë ja tsajpjotmëtë kukäjpxy mëti'ipë ja pujxnxuxn myëët'ajtypyën: Mëkajë yë nimajktaxkpë ja tsajpjotmëtë kukäjpxy mëti'ipë kuwëënyëtyën ma ja Éufrates mëjnëëjën.