Josue 1:17 - Biblia Mixe de Quetzaltepec

¹⁷ Tyam ëëts ntuntëty mëti'ipë mijts mni'ënä'ämëpën jëtu'un tä të nmëmëtowtënës yë Moisés. Yi'iyë tëy ntsojktëpës ets mWintsën näjyëtu'un xëmë mputëkëtëty tä ojts yë Moisés tputëkën.

Biblia Dc en Mixe de Quetzaltepec

¹⁷ Tyam ëëts ntuntëty mëti'ipë mijts mni'ënä'ämëpën jëtu'un tä të nmëmëtowtënës yë Moisés. Yi'iyë tëy ntsojktëpës ets mWintsën näjyëtu'un xëmë mputëkëtëty tä ojts yë Moisés tputëkën.

Josue 1:17 ပူးပေါင်းရင်းမြစ်များ

2 Samuel 14:17

Ëjts Wintsën, akujk jotkujkës nwë'ëmy mëët koos të xyjyotmëk wiinkajpxë, mijts Wintsën tyamës n'ixy ko wa'ats xynyijawë mëti'ipë oy ka'oyën, jëtu'un tä jeexyë tu'uk Tios kukexyën. Yë Wintsën mkënu'kxëtëp.

1 Reyes 1:37

Jëtu'un tä yë Wintsën të tpëjk'ity të tmajts'ityën yë yajkutujkpë David, wä'än nän jëtu'un yë Salomón tpëjk'ity tmajts'ity ets ja kyutujktakn ni'ikyë myëjë kyëjääjëty këtiinëm jyëtu'unëty ja yajkutujkpë David ja jyä'ä.

1 Crónicas 28:20

Ënät yë David t'ënëmaay yë Salomón: Amëk jotmëk mtimy'itëty ets oy mtunëty, tuuntsoon. Këtii nëkoo mwinmaaytyëkatsëty ets këtii nëkoo mtsë'ëkëty, jä'ä ko yë nWintsën, ëjts yë nTiosës, mëti'ipës n'ëwtajtypyën yë'ë yajpaataanp mëët mijts xëmë. Yë'ë ka'ap nijëna'a m'ëxmatsa'anyë ets ka'ap mpuwa'ktuta'anyë, koonëm wyimpëtsëm jyëjpëtsëmëty ja tuunk mëti'ipë të xyajtso'ontä'äkyën ma ja Wintsën ja jyëën tyëjk xykyojyën.

Salmos 20:1

Wintsën myëtowëp yë m'aaw m'ayuk ko ënäty mon tuk myajpaaty; Tios mkuwa'anëtëp mëti'ipë Jacob y'ëwtajtën.

Salmos 20:4

Wä'än tkuuytyuny yë mtsojkën, ets oy wyimpëtsëm jyëjpëtsëmëty mëti'ipë të xytyuknipëjktaakën.

Salmos 20:9

Wintsën, mijts myajmëta'akëp yë yajkutujkpë. Xy'ëtsowtëpës ko ënäty nmëkajpxtë.

Números 27:18

Ënät ojts ja Wintsën t'ëtsoy ja Moisés: Yë Josué, yë Nun yë myaank, jä'ä jyä'äy'äty wijy ets tëtä'äky, tyukjajtyp wi'ix oy tyunëtyën. E yë'ëjës ntsojkpy ets xykyënu'kxëty ets xykyë'ënixajëty.

Números 27:20

Xymyo'ojëty ja kutujkën mëti'ipë mijts të xymyëët'atyën ets tëkokyë ja ja'ayëty mëj'äämpy jyawëtëty ets myëmëtowëtëty.

Mateo 21:9

Tääts ja ja'ay wintuuy jëxkë'ëy tyëjkëtyë yaxpë jojkpë: Hosana. Mëj jaanty yë yajkutujkpë David y'u'unk y'ok. Tios kënu'kxëtëp mëti'ipë të kyexyën yë Wintsën. Hosana. Mëj jaanty yë Tios.

Deuteronomio 34:9

E yë Josué yë myaank, yë Nun, tëë ënäty yë Moisés yaj'ijxpëkyë ets wa'ats tnija'awëtyä'äy wi'ix ja naax kajpn tu'uwinye'eyëtyën; tëë ënäty ja Moisés ja kutujkën myo'oyë ma jyaak juuky'ätynyëmën, paaty ja Israel ja'ayëty ojts y'ëna'antë ets yë'ë tmëmëtowa'antë, tä ja Moisés ënäty të tyuk'ëne'emyën ja Wintsën.

Josue 1:16

Ënät y'ëtsoowtë: Oy'atëp, ëëts ntunantëpës yam mëti'ipës xytyuk'ënä'ämtëpën, oyës maa xytyim käxtëty nëjkxtëpës jam.

Josue 1:18

Pën ka'ap mëmëtoyë mëti'ipë ënäty mjatuk'ëne'empyën, nëjkxëp tku'ookë. Yi'iyë yajtsojkp ko mijts jotmëk mja'ay'atëty ets këtii nijënu'un mtsë'ëkëty.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 4:14

Jä'ä xëëw ojts yë Tios tyajkutuky ets tëkokyë yë Israel ja'ayëty mëj'äämpy tyajnaxtëty yë Josué ets twinkutsë'ëkëtëty, tä ja Moisés ënäty të twinkutsë'ëkëtën ko jyuuky'äjty.

1 Samuel 17:37

Yë Wintsën mëti'ipës xëmë xyajtsokpën ma kaajën ets ma jëyujkën ëwa'anëtypë, nän yë'ëjës xyajtso'okaanp ma tääpë yë filistejë ja'ayën. Ënät ja Saúl y'ënëmaayë: Nëjkxts ets yë'ë Wintsën mputëkëtëp.

1 Samuel 20:13

e pën nijawë'ajtypës ko mjantyyaj'ookanëp. Yë Tios yë'ëjës mëk xytyiytyunëp pën ka'ap n'ëwaanë ets pën ka'ap yajxon mputëkë ets tjëkyäpëty mkä'äkëty. Yë Tios yë'ë mëj këjää mputëkëjanëp jëtu'un tääjës ja nteety të tputëkën.