Josue 1:1 - Biblia Mixe de Quetzaltepec

¹ Ko yë Moisés y'o'ky mëti'ipë yë Wintsën oy myëtuunën, ënät yë Wintsën ojts tmëkäjpxy yë Josué, Nun yë myaank, Moisés yë pyutëjkëpë ets t'ënëmaay:

Biblia Dc en Mixe de Quetzaltepec

¹ Ko yë Moisés y'o'ky mëti'ipë yë Wintsën oy myëtuunën, ënät yë Wintsën ojts tmëkäjpxy yë Josué, Nun yë myaank, Moisés yë pyutëjkëpë ets t'ënëmaay:

Josue 1:1 ပူးပေါင်းရင်းမြစ်များ

1 Reyes 19:16

e yë Jehú, yë y'o'k u'unk yë Nimsi ets yë'ë jam y'ënä'ämëty Israel; e yë Elisejë yë myaank, yë myaank yë Safat, jampë kyukajpnëtyën Abel-meholá, yë'ë kënu'kx ets yë'ë xymyëtunëtyës tä mijts tyam xymyëtunyënës.

2 Reyes 3:11

Tä Josafat tyajtëëy: ¿Yaa ka'ap maa ja'ay mëti'ipë Wintsën myëtuunpyënë, tääts jeexyë yë'ë nyajtë'ëwëm tii tunan jatanëp? Tääts ojts tu'uk ja ja'ay y'ëtsoy, yë'ë yajkutujkpë ja tsyiptuunpë wintsën: Tyaa yë Elisejë, yë myaank yë Safat, mëti'ipë ijty mëët jyëtityën yë Elías.

Nehemías 8:17

Tëkokyë ja ja'ayëty mëti'ipë ojts yaj'ëxwoptën je'eyëp ko tëë jatëkok ja nyaax kyajpn ënäty tpaatë, ojts ja tyëjkxo'omy t'oytyuunta'atë ets jap y'ijtë jä'ä ko maju'unëm ja Josué, yë Nun myaank jyuuky'ätyën ka'ap ënäty pën jëtu'un të t'ëktuunë. Jä'ä xëëw ijtëpën yajxon xyëëwtuuntë.

Éxodo 24:13

Ënät ja Moisés pyëti'ky ets ojts jam pyety ma ja Tios ja kyopkën, ojts pyanëjkxyë ja Josué mëti'ipë ijty xëmë jämyëët'ajtëpën.

Números 11:28

Ënät yë Josué y'ënäny, yë myaank yë Nun, mëti'ipë ënäty mutsknëm të tyuuntsoonyën mëët yë Moisés: Wintsën Moisés tun yë mëyajtën ets këtii jëtu'un kyajpxtëty.

Números 12:7

E yë ntuunpës Moisés ka'apës jëtu'un nmëkäjpxy. Yë'ë oy yë winë tuny këtiinëm jyëtu'unëty yë myëku'uktëjk.

Números 13:16

Ya'atë ja'ay të yajnikajpxtën, yë'ë ojts yë Moisés tkexy jam ma Canaán ja nyaaxjotmën ets t'ixtëty tuntëty. Ja mëti'ipë xyëëwajtypyën Oseas ojts ja xyëëw twinkuwijtsëyë ets jä'ä ojts tijy Josué.

Números 13:8

Oseas, yë myaank yë Nun, mëti'ipë jyä'äy'äjtypyën yë Efraín

Lucas 16:10

Pën oy yajtuunpy ja wit meeny wäänëpë, näjyëtu'un tyajtuna'any ja maypyë. Pën ka'ap tyajtuny oy ja wit meeny wäänëpë, nän ka'ap tyajtuna'any oy ja maypyë.

Hechos 7:45

Ja n'ap'ajtëmë yë'ë ojts yajtukumaytyë ya'atë wit tëjk; e ko ja Josué mëët ja jyä'äy myiintë ojts tmëmintë ya'atë wit tëjk ko tjä'äpëjktë ja naaxwiinyëtë mëti'ipë nyitsiptuuntën, mëti'ipë ja Tios y'ëxwojpën ma yë'ëjëtyën. Jam jeky y'ijty mapaat ja David yajkutujkyën.

Romanos 1:1

Ëjts Pablo, Kristë Jesús myëtuunpë. Tiosës të xywoowtsoy etsës nmëtunëty, të xytyuknipëkyës ets nkajpxwa'kxëtyës ja y'aaw y'ayuk oypyë.

Deuteronomio 1:38

Ma mijtsën yë'ë nëjkx mkutëkëty yë Josué, yë myaank yë Nun. Paaty mijts jotmëkmo'o, jä'ä ko yë'ë nëjkx tkë'ëmo'oy yë Israel ja'ayëty ja it naaxwiinyëtë.

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

Deuteronomio 31:3

E miitsëty yë'ë yam ntukmëtowantëp ko këtii mmaytyëty mtajtëty, yë Wintsën yë'ë xëmë yajpaataanp ma miitsëtyën ets yë'ë nëjkx kë'ëm tyajkutëkooytyä'äy ja naax kajpn maajaty ënäty mnaxtën ets nëjkx xynyiwa'aktë ja it naaxwiinyëtë. Yë Josué yë'ë nëjkx mtu'uwinye'eyëtë ets yë'ë nëjkx mnikopk'atëtë, jëtu'un tä yë Wintsën të tnikäjpxyën.

Deuteronomio 33:1

Ka'anëm ënäty ja Moisés y'ookynyëm, mëti'ipë ja Tios myëtuunën, ko ja Israel ja'ayëty ojts t'ëkjaakënu'kxnë,

Deuteronomio 34:12

ets ja mëk'ajtën jëtu'un tmëët'atëty tä yë'ë tmëët'ajtyën ets winë tunëty jëtu'un tä yë'ë tuunyën winë ma tëkokyë yë Israel ja'ayëtyën.

Deuteronomio 34:5

Jëtu'un'äämpy ojts ja Moisés y'o'knë mëti'ipë ja Tios oy myëtuunën, jam ojts y'o'knë Moab ets y'atëëy jëtu'un tä ënäty ja Wintsën të tnikäjpxyën.

Deuteronomio 34:9

E yë Josué yë myaank, yë Nun, tëë ënäty yë Moisés yaj'ijxpëkyë ets wa'ats tnija'awëtyä'äy wi'ix ja naax kajpn tu'uwinye'eyëtyën; tëë ënäty ja Moisés ja kutujkën myo'oyë ma jyaak juuky'ätynyëmën, paaty ja Israel ja'ayëty ojts y'ëna'antë ets yë'ë tmëmëtowa'antë, tä ja Moisés ënäty të tyuk'ëne'emyën ja Wintsën.

Tito 1:1

Ja nyoky ja Pablo, Tios mëtuunpë ets Jesukristë y'ayuk kajpxwa'kxpë, mëti'ipë të yajkexyën ma ja ja'ayëtyën tëëpë ja Tios wyin'ixëtën ets tpaatëty ja mëpëjkën ets nijawëtëty ja tëyajtën mëti'ipë yajpatpën ma n'ijxpëjkëmën,

Santiago 1:1

Santiagë, Tios mëtuunpë ets ja Wintsën Jesukristë. Tkajpxpo'kxy ja Israel ja'ayëty, mëti'ipë yajpatëpën oymyaakajpnëty naaxwiinyëtë apëtsëmy.

Josue 1:15

koonëm tpaatëty ja y'it nyaaxwiinyëtë ma jotkujk tsyëënëtëty jyuuky'atëtyën, tä miitsëty ja m'it mnaaxwiinyëtë të xypyaatën; ko ënäty yë'ëjëty ja nyaax të tjä'äpëktë tääts nëjkx miits mwinpijnëtë ets ya'atë it naaxwiinyëtë tu'ukyë xyjyä'äpëjknëtëty mëti'ipë ja Moisés, ja Tios ja tyuunpë, të mo'ojëtën.

Josue 1:2

Jä'ä ko tëëjës ja ntuunpë Moisés y'o'knë, tyam mijts ënät mpatëp xytyuknaxëty yë Jordán mëjnëë ets xywyoownaxëty ja naax kajpn ets mja'tëty ma ja it naaxwiinyëtën mëti'ipë nmo'ojantëpën.

Josue 12:6

Ya'atë jëtu'un ja yajkutujkpëtëjk mëti'ipë yë Moisés ets tëkokyë yë Israel ja'ayëty ojts ka'ap tyajmëta'aktën ets ojts tniwa'këtë ja nyaax kyamëty y'it nyaaxwiinyëtëty. Ya'atë it naaxwiinyëtë yë'ë ojts yajmo'otë yë Rubén ja'ayëty, Gad ja'ayëty ets kujkwä'kxy ja Manasés ja jyä'äy.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kutujkën ja nyi'ëwatsn.