Jonás 2:4 - Biblia Mixe de Quetzaltepec

⁴ Jëtu'unës ojts näjyawëty tëëjës yowë xy'ëxwa'any ma m'ityën; etsës ojts nmay ntajy ka'apën ntij nijëna'a yë mtsajptëjk n'ëk'ijxnëtyës.

Biblia Dc en Mixe de Quetzaltepec

⁴ Jëtu'unës ojts näjyawëty tëëjës yowë xy'ëxwa'any ma m'ityën; etsës ojts nmay ntajy ka'apën ntij nijëna'a yë mtsajptëjk n'ëk'ijxnëtyës.

Jonás 2:4 ပူးပေါင်းရင်းမြစ်များ

Salmos 31:22

Maas ënäty ka'ap jotkujk näjyawëtyën, ënätës ojts nmay ntajy ko tëëjëntij xyjyä'äytyëkooynyës; e ko ojts n'amëtoy ja näypyutëkë, ojts ënätyë xy'ëtsoyës.

Salmos 5:7

E ëjts mëëtkyëjxm koos xytsyoky xyjyawë, jyëkyejpyës ntëkëty ma ja mtsajptëjkën; njëkyejpy mijts n'ëwtat nmënu'kxta'akëty mëët tu'kë'ëyë ja winkutsë'kën, ets jamës ja njot nwinma'any mpëjktä'äky ma mtsajptëjkën.

Isaías 38:17

Ix, tyam jotkujkës nyajpaaty, ets ka'ap n'ëkmoon n'ëktujknës. Mijts të xykyëwent'aty yë njuukyajtënës këtiipë kyuka'anaxëty jap jutjoty, jä'ä ko mijts tëë xymyä'kxta'ay yë npokyës.

2 Crónicas 6:38

ets y'ëna'antëty ko jatëkok tyaj'oyëja'antë ja jyot wyinma'anyëty winë aaw winëjot, ma ënäty jam jëtu'un yajpaatën wiink naax wiink kajpn ets mëkajpxëtëty, myintëty yaatsow ma ja mjëën mtëjkën, ma ja naax kajpnën mëti'ipë mmooyën ja tyeety y'apëty, mëti'ipë mijts mwin'ijxën;

Daniel 6:10

Ko yë Daniel tnija'awëy, ko tëë ja ënä'ämën yajtsa'ay, ënätyë ojts nyijkxy ma tyëjkën ets tya'ëwatsy ja tyëjk'aaw ets ja tyëjkwiin ma myä'äyën, mëti'ipë jam najts'ijxëpën maatsow yë Jerusalén kajpn wyi'imyën ets nyäkyoxtënaaytyakë ets t'ëwtajty ja Tios. Tëkëëk ijty tu'kxëëwpë nyu'kxtä'äky, jëtu'unyëm ënäty xëmë tuny.

Jeremias 7:15

Jëkämës nnajtswopëja'antë, jëtu'un tääjës ntuunyën yë mmëkä'äxtëjk yë Efraín yë y'u'unk y'ok.

Ezequiel 37:11

Ënät ja Wintsën xy'ënëmaayës: Yë Israel ja'ayëty jëtu'un tä ya'atë maypyajkën. Jëtu'un y'ëna'antë: Yë npajk'ajtëm tëë tyëtstaaynyë; ëëtsajtëm ka'ap nitii n'ëk jëjp'ijxënë, tëë ntëko'oyënë.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Isaías 49:14

Jëtu'un ënäty ja Sión y'ënä'äny: Tëës yë Wintsën xymyajtstutnë ets tëëjës xyjyä'äytyëkooynyë.

1 Reyes 9:7

ëjts nëjkxëpës n'ëxwojpta'atë ja Israel ja'ayëty ma ja nyaax kyajpnëtyën mëti'ipës ënäty të njamo'otën. Ya'atë ja tsajptëjk mëti'ipës tyam të nkënu'kxyën nän nëjkxëpës nja'atyëkooynyë ets njo'tsnë ja nxëëwës ma yë'ëjën ets ja naax kajpn wiinkëtypë je'eyë nëjkx nëëxik tukxiknëtë ja Israel kajpn, kajpxpäjn nëjkx je'eyë twanëtë.

1 Reyes 8:48

Pën jootwinpijtëp winë aaw winëjot ma mijtsën ets tu'ukyë ja wyinma'any tpëjkta'aktëty ma ënäty jam yajpaatën wiink naax wiink kajpn mëët ko ja myëtsip jam të yajnëjkxëtë ets m'amëtow mpëjktsowëtëty ko wyimpita'antë jatëkok ma ja nyaax kyajpnëtyën mëti'ipë mtukmëwë'ëmën ja y'ap y'okëty ets ja naax kajpn mëti'ipë mijts mwin'ijxën ets jam ja wyinma'any tpëjkta'aktëty ma ja mtsajpjëën mtsajptëjkën, ma mijts m'ity mtsëënën mëti'ipës të nkojyën.

1 Reyes 8:42

Pën miintëp ja ja'ayëty wiink kajpnëpë yaa jëëytyak nu'kxtakpë, ma yaa mjëën mtëjkën.

Jonás 2:7

Koos ojts näjyawëty tim ookanëpës, tääts nja'amyejtsy Wintsën; ojts ja nnu'kxtakënës jam jyä'ty ma wa'atspë mtsajptëjkën.

Salmos 42:8

Yë Wintsën xytyuknikäjxpës yë tsyojkën jya'awën xëëny; e ko kyoots'aty ëëp yaxpës jää, etsës yë Tios nmëkäjpxy mëti'ipës xyajjuuky'ajtpën.

Salmos 88:6

Japës mijts të xytyimpëjktä'äky ma jutën wäänë këkpë, ma yajxon kyëkëtyën ets nijënu'un jap kyajajy kyatë'kxy.

Salmos 88:7

Jam yë mjoot'an të xyajnajxta'ay maas ëjtsën, ets tëës mijts xyajmony xyajtuky mëët ja ëyo'on jotmay mëti'ipës të xytyuknikexyën.

Lamentaciones 3:54

Etsës ja nëë të xynyijä'tstëkoy, japës të nmay të ntajy: Tëë, tëkoopyës jëtu'un.