Jonás 1:3 - Biblia Mixe de Quetzaltepec

³ E yë Jonás, kyäjpxykyumëtoownajx yë Wintsën ets ni'ikyë tkukeky, jam ojts nyijkxy Jope ma kepy nëëwinye'epyë tsyoontën jya'tën. Tam ënäty tu'uk yë kepy nëëwinye'epyë tyimtsona'any mëti'ipë nëjkxpën Tarsis ko jam jyä'äjty, jä'ä tyuktëjkëy, jëyëjp t'ajuuytyujky ja y'ënyääytyakn ets ojts nyijkxy jam Tarsis.

Biblia Dc en Mixe de Quetzaltepec

³ E yë Jonás, kyäjpxykyumëtoownajx yë Wintsën ets ni'ikyë tkukeky, jam ojts nyijkxy Jope ma kepy nëëwinye'epyë tsyoontën jya'tën. Tam ënety tu'uk yë kepy nëëwinye'epyë tyimtsona'any mëti'ipë nëjkxpën Tarsis ko jam jyä'äjty, jä'ä tyuktëjkëy, jëyëjp t'ajuuytyujky ja y'ënyääytyakn ets ojts nyijkxy jam Tarsis.

Jonás 1:3 ပူးပေါင်းရင်းမြစ်များ

Génesis 3:8

Yë ye'etyëjk ets tyo'oxytyëjk myëtoowtë ko ënäty yë Wintsën jam jyëtity kamjotm, ko jyënäky xyëëwajnë ma ënäty tyitykpyojyën. Ënät ojts pojën nyäyu'utsëtë jam kepypya'tkë'ëm jë'kxykyamjotm.

Génesis 4:16

Ënät yë Caín ojts jam tsyo'onë ma ënäty mëët ja Tios të myëtyä'äkyën ets ojts jam tsyënaaytyaknpëky ma tu'uk ja it naaxwiiny txëëwatyën Nod, mëti'ipë awinmtsow wë'ëmpën ma mëët yë Edén nyäpyäätyë.

1 Reyes 19:3

Elías ojts t'ixy ko nakutsë'ëkë ënäty jam yajpaaty, paaty ojts nyijkxy jam Beerseba, mëti'ipë Judá jyä'äy nyitënaaytyëpën ets ja jyuukyajtën tyajtsoky, jam t'ëxmajtsy ja tyuunpë.

1 Reyes 19:9

Ko jam jyä'äjty jap ojts aankjoty tyëkë ets jap myääy. E ja Wintsën jä'ä tsu'um ojts myëkäjpxyë ets y'ënëmaayë: ¿Tiitën yaa mtuumpy mijts Elías?

2 Crónicas 2:15

E paaty ënät yam mijts n'amëtoy Wintsën ets xykyäxëty ja tsajpmok, ja mutsk mok ets ja uuky mëti'ipë të xywyinwanën.

2 Crónicas 2:16

Ëëtsëty tyam ja kepy mpuxtëtyës jam Líbano jënu'un xytyimyajmëyätyën ets nëëjoty ëëts nyajnëjkxa'antë kepykyijxy, jya'tëty jam Jope. Jamts xy'ëxajëty ets mijts mnija'ap wi'ix jam xyjyaak yajja'ty Jerusalén.

2 Crónicas 9:21

jä'ä ko ja yajkutujkpë jyä'äyëty xëmë ënäty jam nyëjkxtë Tarsis mëët ja Hiram ja tyuunpëtëjk ets jam tyajtsoontë pu'ts pujxn, poop pujxn, oy tyaa, joonëty jëyujkëty, mikëty ets patutkëty.

Esdras 3:7

Tääts tkë'ëmooytyääytyë ja wit meeny ja pojtspë ets ja tsäjtspë ets tmooytyääytyë ja kyä'äyënëty y'ukënëty ja ja'ayëty mëti'ipë jam kukajpnajtëpën Tirë ets Sidón ets nëjkx jam Líbano ja kepy tyajtsoontë, mejyjoty tmëmintëty ets tmëja'tëty jam Jope, aakyë'ë ajë kepy, mëët ja mëk'ajtën mëti'ipë ënäty ja yajkutujkpë të myo'ojëtën, jampë y'ëne'emyën Persië, mëti'ipë txëëwajtpën Ciro.

Job 1:12

Ënät ja Wintsën t'ëtsooy ja tsajpjotmëtë kukäjpxy mëti'ipë ni'ë'ënëpën: Oy xy'ëk'ijxmatsëty. Tun tii mtunäämpy mëët yë Job ets ma winë tmëët'atyën, je'eyëp ko këtii yë jyuukyajtën xymyëwa'anëty. Ënät ja tsajpjotmëtë kukäjpxy mëti'ipë ni'ë'ënëpën, jam tsyo'ony Wintsën wintum.

Job 2:7

Ënät ja tsajpjotmëtë kukäjpxy mëti'ipë ni'ë'ënëpën jam tsyo'ony ma Wintsënën ets tuknikejxy ja Job ja yuu pa'am. Ënätyë Job tyukpëtsëëmtaayë xi'ipyë pa'am.

Salmos 107:23

Jam nëëwiinkëjxy ojts jam yajpaatë ajuuy ato'kpë, ojts nyaxtë tyëkëtë nëëwinkëjxy kepy nyëëwinyo'opyëjoty, jëtu'un yaj'ijxy tä jeexyë ja nëë tpëjkwa'kxtën,

Isaías 2:16

mëti'ipë jëtu'un näjya'awëtëpën tä ja kepy nëëwinye'epyë jampë Tarsis, tä ja kepy nëëwinye'epyë oyjyätyëtypë.

Isaías 23:1

Ma yaj'akäjpxyën wi'ix yë Tirë kajpn jyata'any kyëpäta'anyën: Je'eyë jyaak mu'uy jyaak niitsy ja kepy nëëwinye'epyë mëti'ipë jam Tarsis tso'onpën, jä'ä ko tëë ja mëtsip tyajma'ta'ay ma jyajta'aktën. Tëë mya'ta'ay ma jya'tën mëti'ipë tso'onpën jam Chipre.

Isaías 23:10

Mijts Tarsis ja'ayëty, tim naaxtuntë je'eyë, jä'ä ko miitsëty ka'ap jëtu'un ja kutujkën xy'ëkmëët'atanë tä ijty tëëyëpën.

Isaías 23:6

ets nëjkx y'ëna'antë: Nëjkxtë jam Tarsis. Jë'ëtë ya'axtë jam, miitsëty ninu'un mtsëënëtën jam mejy ëkë'ëm.

Isaías 60:9

May kepy nëëwinye'epyë miintëp, mëti'ipë tso'ontëpën Tarsis, yë'ë tsyëëmiintëp yë m'u'unk m'ëna'k, mëët yë poop pujxn ets pu'ts pujxn, ets tukwintsë'ëkëja'antë yë mWintsën, mëti'ipë wa'ats Tios'ajtpën ma Israel ja'ayëtyën, mëti'ipë myajmëjnajxëpën.

Jeremias 10:9

Yë y'awinaxëty mëti'ipë nikoyën mëët yë poop pujxn, jam Tarsis tmëtsoontë, mëti'ipë nikoyën mëët yë pu'ts pujxn jam Ufaz tmëtsoontë; yë tsäjtspë ets pujxn oytyuunpë yë'ë të t'oytyuntë ets të txoxtë mëët ukywyit tsaptswit. Yë ja'ayëty mëti'ipë jëtu'unpë tyuunk'ajtëpën yë'ë të tyaj'ijxëntëkëtë ets oy kyëxë'ëkëty.

Ezequiel 2:8

Mëtoow'it yajxon wi'ix n'ënëëmën, këtii käjpxy kumëtoownajxpë mnäypyëjktä'äkyë tä yë'ëjëtyën. Awë'ëk ets xykyu''uknaxëty mëti'ipë yam nmo'ojäämpyën.

Ezequiel 27:12

Nëkooyë ijty mkumeeny'ajnë, yë'ëpaat yë Tarsis ja'ayëty ojts myiinëtë ajuupyë ma mijtsën ets ojts mo'oyë yë poop pujxn, pu'ts pujxn, juunpujxn, poopyëk pujxn ets yu'unk pujxn.

Ezequiel 3:14

Ënätës ja Tios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Tios mëk xymyajts'ity nkë'ëkëjxyës.

Jonás 1:10

Ojts ja Jonás tuk'ëwaanë ja ja'ayëty ko ënäty yë'ë tkuke'eky yë Wintsën, e ko jëtu'un tmëtoowtë ënät t'ijxtë ko ni'ikyë ja juukymyejy y'ëtëtstä'äky, tääts tsyë'këtyaktë ets tyajtëëwtë ja Jonás: ¿Tii ko jëtu'un m'ëtë'ëtsy? ¿Tiijës mëpaat ntuntë ma mijtsën ets ya'atë juukymyejy y'ëtëtsmonëty?

Jonás 4:2

Tä ja Tios ojts tmëkäjpxy ets t'ënëmaay: Ëk'ix Tios, ëjts tim ënaanpës jëtu'un, ko ënäty jëtu'un jyata'any kyëpäta'any, ka'anëm ënäty jam ntsoonyës nkajpnjotmës. Paaty ojts jam n'ëknëjkxpës Tarsis, jä'ä ko nija'apës ko mijts yu'unk naxym mTios'aty ets poj'am mpa'ëyoy; mijts ka'ap pojën mjoot'anpëky, ni'ik yë mtsojkën mja'awën kyëjääjëty; oy ja tëytyu'unën të xyanikäjpxy mpa'ëyoopy jatëkok ja pokyjyä'äy.

Lucas 9:62

Tääts ja Jesús y'ëtsooy: Mëti'ipë ja'ay yajtsajpkaayuupën ets janaam jatsojk y'ijxwinpity, ka'ap jëtu'unpë tsyokyë ma Tios yë kyutujktaknën.

Hechos 15:38

e ja Pablo kä'äp ojts tkupëky ets mëët nyëjkxëty, jä'ä ko tëë ënäty pyuye'eytyu'utëtë ma ja it txëëwatyën Panfilia, ka'ap ojts mëët ja Tios ja tuunk t'ëkyajtu'uye'eynyëtë.

Hechos 26:19

Mijts, yajkutujkpë Agripa, koos ja Jesús ojts jëtu'un xymyëkäjpxy tsajpjotm, ojtsës jëtu'un npatuny.

Hechos 9:36

Jam ma ja Jope kajpnën, jam ijty tu'uk ja to'oxytyëjk mëpëjkpë tsyëënë, Tabita''ajtp. Dorcas yajtijy griego ayuk. Ya'atë to'oxytyëjk xëmë ijty tuny mëti'ipë oy ets pyutëjkëp ja ëyoopëja'ay.

Hechos 9:38

Winkon ja Lida kajpn ënäty wyi'im. Ko ja mëpëjkpëtëjk tnija'awëtyë ko ja Pedro jam Lida, ënät nimäjtsk ja kukäjpxy tkäjxtë ets ja Pedro tuk'ëwa'anëtyë ets myinëty jotëkoy ma ja Dorcas të y'ookyën.

Hechos 9:42

Ni'ëmukë tnija'awëtyë ja ja'ay mëti'ipë tsënaaytyëpën jam Jope. Jëtu'un ja Wintsën nimay tmëpëjktë.

Hechos 9:43

Kanaak xëëw ja Pedro jam pyoxy ma ja Simón yajpo'otëtspë tyëjkën.

1 Corintios 9:16

Koos nnikäjpxy ja oy aaw oy ayuk ka'apës nnätyukmëjpëjktä'äkyë. Jëtu'unës npëjktä'äky ijxtëm ja tuunk akwanëpën mëti'ipës të xytyuknipëktën. Mon tukës jeexyë të nyajpaaty koos jeexyë ka'ap të nkajpxwä'kxy.

2 Tesalonicenses 1:9

Yajtëytyunantëp xëmëkyëjxm ets jëkäm yajpëjkta'aka'antë ma ja Wintsën ka'ap y'ixëtëty, ma ka'ap tpaatëtyën ja Wintsën ja myëj'ajtën jyääntyajtën ets myëk'ajtën.

Josue 19:46

Mejarcón ets ja Racón mëët ja it naaxwiinyëtë mëti'ipë mëët nyäwyinku'ixëtyën ja Jope.