Joel 3:5 - Biblia Mixe de Quetzaltepec

⁵ Miits ojts xymyäätstë yë mpoop pujxnës ets mpu'ts pujxnës mëti'ipës ënäty nyaj'ijtypyën yu'utsy pëjkë'ëky ets ojts xymyënëjkxta'atë ma mtsajptëjkëtyën.

Biblia Dc en Mixe de Quetzaltepec

⁵ Miits ojts xymyäätstë yë mpoop pujxnës ets mpu'ts pujxnës mëti'ipës ënety nyaj'ijtypyën yu'utsy pëjkë'ëky ets ojts xymyënëjkxta'atë ma mtsajptëjkëtyën.

Joel 3:5 ပူးပေါင်းရင်းမြစ်များ

2 Reyes 12:18

Joás, jampë yajkutukyën Judá, ënätyë twinpëjkmujktaay winë mëti'ipë kënu'kxyën, mëti'ipë të tyaktën ja yajkutujkpëtëjk Josafat, Joram ets ja Ocozías; mëti'ipë yë'ë y'apäjtën jampë näjyëtu'un yajkutujktën Judá; ojts tpëjkmujkta'ay näjyëtu'un mëti'ipë ënäty yë'ë kë'ëm të tyäkyën ets tëkokyë winëjaty mëti'ipë pu'ts pujxn myëët'ajtypyën jap tsajptëkoty ets ma ja kutujkëntëjkën ets tmooytyääy ja Hazael, jëtu'un ja Hazael ojts ka'ap ja naax kajpn tnitëjkënëpë.

2 Reyes 16:8

Acaz ojts jap tju'ta'ay ja pu'ts pujxn ets ja poop pujxn mëti'ipë tsajptëkoty ijtpën ets mëti'ipë jap ma kutujkëntëjkën ets ojts tnamo'oy ja Asiria yajkutujkpë,

2 Reyes 24:13

Ok ja Nabucodonosor tju'taay tëkokyë ja pu'ts pujxn, poop pujxn ets ja wit meeny mëti'ipë jap tsajptëkoty yajpatpën ets ma ja akujktëjkën ets jëtu'un tä ënäty ja Wintsën të t'akäjpxyën. Ojts tjanty tyukë'tsëtyä'äy tëkokyë winë pu'ts pujxnmëëtpë, mëti'ipë ënäty ja Salomón të tyaj'oyën, mëti'ipë jam yajkutujkën Jerusalén ets tuknikojëy ja Wintsën.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Jeremias 23:7

Jëtu'un yë Wintsën y'ënä'äny: Pyaatäämpy ja xëëw jëmëjt ma nëjkx ka'ap yë ja'ay t'ëktukajpxpäjnëtën yë Wintsën yë xyëëw, ko ijty y'ëna'antë: Mëët ko yë Wintsën jyuuky'äty, mëti'ipë yajpëtsëëmën yë Israel ja'ayëty jap Egiptë,

Jeremias 50:28

Ja'ay mëti'ipë jam Babilonyë të kyä'äktën tëë yaa myintë Sión ets të tnimëtya'aktë wi'ix yë Wintsën Tëyajtën ëxëëk të tunyën yë Babilonyë kajpn, mëët ko ëxëëk tuuny yë tsajptëjk yaapë yajpaatyën.

Jeremias 51:11

Yë Wintsën yajkutëkoyäämpy yë Babilonyë kajpn, tëë yë Media yajkutujkpë tukmëtoy ya'atë ëyo'on jotmay. Jëtu'un ja Wintsën tukumëtowa'any ja naax kajpn ja nyëë pyoky, mëët ko ëxëëk të y'ëtë'ëtstë ma tsyajptëjkën. Nipëjktaakëtë ja ti'pxn. Mëk majts'itë yë m'akëëytyuk.

Ezequiel 37:12

E oy, tukmëkajpx yë nxëëwës ets xy'ënëëmëty: Naax kajpn mëti'ipës nnaax'ajtyp nkajpn'ajtypyën, nyaj'ëwatsta'ajäämpyës yë m'o'kpë jut; eetsës nyajpëtsëëmtaja'any yë o'kpëpajk ets jatëkok juuky wyimpitëty ma mnaax mkajpnën.

Daniel 11:38

Je'eyëp tëy ko yë'ë nëjkxëp ja tios t'ëwtaty mëti'ipë nyitios'ajtypyën ja naax kajpn ta'tspëkpyë ets napotsypë; yë'ë nëjkx ya'atë tios t'ëwtaty mëti'ipë ja y'aptëjk ka'ap t'ëwtajtën ets nëjkx tukwintsë'ëkë yë pu'ts pujxn, poop pujxn, oyëtypë tsaa ets mëti'ipë tsowëtyën.

Abdías 1:17

E yë Sión kopk kënu'kxy y'ita'any ma ja'ay kyäktso'oka'antën. Ja Jacob ja y'u'unk y'ok nëjkxëp ja nyaax kyajpn jatëkok tpaatë,