Joel 2:26 - Biblia Mixe de Quetzaltepec

²⁶ Nëjkxëp jatëkok mkaytyë m'uuktë ku'uxyë ets nëjkx xymyëjjaw xykyënu'kxyjyawëtë yë Wintsën, miits yë mTiosëty. Nijëna'a yë nnaax nkajpnës nëjkx kya'ëktsëtyuunë,

Biblia Dc en Mixe de Quetzaltepec

²⁶ Nëjkxëp jatëkok mkaytyë m'uuktë ku'uxyë ets nëjkx xymyëjjaw xykyënu'kxyjyawëtë yë Wintsën, miits yë mTiosëty. Nijëna'a yë nnaax nkajpnës nëjkx kya'ëktsëtyuunë,

Joel 2:26 ပူးပေါင်းရင်းမြစ်များ

Génesis 33:11

Mëyajtënës mpëjktsoopy ets ya'atë xy'ëxajëty mëti'ipë yam ntuknimiimpyën, mëti'ipë yam namo'ojäämpyën. Ëjts tëëjës yë Tios xypyutëk xypyupety, tëës xyajjotkujktä'äky ets nitiijës tyam xykyatëkoy'ajtxë. Yë Jacob ni'ikyë tjanty'ënëmaay'ëti'itsy ja y'äjty Esaú, koonëm tukkupëjky ja mëti'ipë nyamo'ojäämpyën.

Nehemías 9:25

Ojts tjä'ä'atë may ja naax kajpn mëti'ipë ënäty ta'tspëkyëtyën ets mëti'ipë myëët'ajtypyën ja naax kajpn oyëtypë ets jë'kxynyaaxpë, ja naax kajpn ma oyëtypë ja jëën tëjkën ujtsëty mëët ja jë'kxy pëky ets wit meeny, jam'ajtp ja nëë, jam'ajtp ja kam, aaykyam ujtskam ets jë'kxykyam; ets kyääytyë y'uktë koonëm kyuxëtë ets jyot tyiin'ak tyaj'ujtstë mëët ko ënäty mijts ja m'oyjot m'oywyinma'any xymyëët'aty.

Salmos 103:5

mëti'ipës ku'uxyë xyaj'ijtpën mëët yë oyajtën, etsës xyaj'ëna'kë witsnën.

Salmos 116:7

Tyam, jyëkyejpy jotkujk nnäjyawëtëtyës, jä'ä ko yë Wintsën janty'oy yë jyot wyinma'any të tyajnikëxë'ëky maas ëjtsën,

Salmos 13:6

Nkuuy'ëwäämpyës yë Wintsën ko winë oy të tuny ma ëjtsën.

Salmos 22:26

Kaytyë uuktë, miitsëty ninu'un ëxëëk myajtun myaj'ënëëmëtën, kaytyë uuktë ku'uxyë; Miitsëty ninu'un xy'ixta'atën yë Wintsën, mëjjawëtë ets mjuuky'atëty jeky.

Salmos 37:19

Ko ënäty tsip ja juukyajtën, yë'ëjëty jotkujk yajpaata'antë, ko ënäty ja yuu xëëw y'ity, yë'ëjëty ka'ap y'ayuu'ata'antë.

Salmos 67:5

Mijts Tios, wä'än yë naax kajpn mwin'ëy mwinyä'äxyë, wä'än tëkokyë yë naax kajpn mwin'ëy mwinyä'äxyë.

Salmos 72:18

Kënu'kxy mëjjawë yë Tios y'ity, yë Wintsën, mëti'ipë yë Israel ja'ay Tyios'ajtypyën, yë tu'ukyëpë mëti'ipë mëj këjää winë tyuunpyën;

Proverbios 13:25

Yë wa'ats ja'ay ku'uxyë kyäy y'uuky. E yë ëxëëk ja'ay xëmë yu'o'kp yajpaaty.

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Isaías 29:22

Paatykyëjxm ja Wintsën, mëti'ipë yë Israel ja'ay Tyios'ajtëpën, mëti'ipë yajtsokën ja Abraham, jëtu'un y'ënä'äny: Tyam ets jëtu'un tyu'uye'eyëty yë Jacob ka'ap y'ëktsëtyunanë ets ka'ap tsapts yë wyiin jyëjp y'ëkjajnëty.

Isaías 45:17

E ja Israel ja'ay Wintsën ojts yajtso'okëtë, yatsokëtë winë xëëw winë jëmëjt, ets yë'ëjëty ka'ap ojts nijëna'a tsëtyu'unmëët wyë'ëmtë ets nijëna'a o'ktëy kyajata'antë.

Isaías 49:23

Yë'ë nëjkx yë yajkutujkpëtëjk xytyeety'atë ets ja yajkutujkpë ja nyëëx nëjkx ja u'unk ëna'k xytyukkëwent'atë. Mëj'äämpy nëjkx myajnaxëtë ets nëjkxëp mwinkoxtänëty. Ënätnëm nëjkx xyjyä'äymyetsy ko ëjtsës Wintsënajtp ets mëti'ipës xytyuk'ijxpäjtpën ka'ap tsëtyu'unmëët wyë'ëma'any.

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënäty të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënäty ëxëëk të mjaty të mkëpety ko mku'o'kë,

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Levitico 25:19

Jam naaxwinm kamwinm pëtsëmëp jam ja jë'kxy pëky, mëti'ipë mjë'kxtëp mpëktëpën ets mnijuuky'atëpën, koonëm m'akëta'ak mjotkëta'aktëty.

Levitico 26:26

Koos ënäty nyajkutëkoy ja it naaxwiinyëtë ma ja mjë'kxy mpëky xypyëjkë'ëktën. Tu'uk je'eyë ja tsijtk, tukmuktëty ja to'oxytyëjkëty ma ënäty ja tsajpkääky tyajkë'ëwtën, mëti'ipë miits mkaytyëp. Ets nuky e'kxy je'eyë mjaakaytyëty ets ka'ap nëjkx mku'uxëtë.

Levitico 26:5

Nëjkxëp yë mka'ayën m'ukën xymyëët'atë mëjwiin këjää, koonëm ja wiinkpë ja pëjktä'äky pyëtë'ëkëty, tä yë tsajpmokën ets tsatym tyëëmën, ku'uxyë nëjkx mkaytyë m'uuktë ets m'itëty ku'uxyë jotkëtä'äky ma ja mnaax mkajpnëtyën.

Miqueas 6:14

Mjakayëp, je'eyëp ko ka'ap mku'uxëtëty, je'eyëm myuu'ookëtëty; mjayajmukëp mjë'kxy mpëky, je'eyëp ko ka'ap nëjkx tii xypyääty ets oy ënäty tii të xyjyapaaty ko ja tsip tyunëtëty jää nëjkx tyëkooytyä'äy.

Sofonías 3:11

Jä'ä xëëw mijts naax kajpn, mëti'ipës nkajpn'ajtypyën ka'ap nëjkx xy'ëkmëtsëtyuunë ja naax kajpn ma ënäty mijts të xykyäjpxykyumëtoownaxyësën, jä'ä ko tëëjës ënäty nyajjëwa'kta'ay ja ja'ayëty mëti'ipë amëj akëjxm ja'ay'ajtëpën ets mëti'ipë yaj'ijxtëpën këtii pën myëjëty, e mijts ka'ap nëjkx amëj akëjxm m'ëk näjya'awënë maas ja ntun nkopkën.

Zacarías 9:15

Yë Wintsën mëti'ipë maaytyääyëpën winë yë'ë kyuwa'anäämpy mëti'ipë jyä'ä'ajtypyën ets yë'ëjëty jëtu'unyë t'atääna'an tuktääna'antë yë tsaa mëti'ipë jayajtuka'tstëpën ets myëtsip ëxëëk tuna'antë; y'uukanëtëp yë myëtsip yë jyot nye'pnyëty tä yë tsatsymnyëëjën, jëtu'un tä muum tsimjoty yaj'atämën yë ne'pny; jëtu'un tä jam yajkëxtemyën yë ne'pny ma wintsë'këntyakn yë wyajën.

Zacarías 9:17

Janty oy janty tsuj nëjkx yaj'ixy yë naax kajpn. Tam'ataanp may yë tsajpmok ets tsatym nyëë; yë n'u'unk'ajt n'ëna'k'ajtëm ye'etyëjkpë to'oxytyëjkpë, oy tsuj nëjkx yääktë pyätë.

Romanos 10:11

Jëtu'un këxja'ay myiny: Pën yë'ë tyuk'ijxpejtyp, ka'ap tsyëtyu'unpaata'any.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Tios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Romanos 9:33

Jëtu'un ijxtëm ja Tios ja y'aaw y'ayuk kyëxja'ayëtyën: Ja'aykyukëtë, npëjktäkpypës jam Jerusalén tu'uk ja tsaa, tu'uk ja tsaa mëti'ipë ja'ay yajkëtawëpën ko jam kyunäpëty. Pën yë'ë tyuk'ijxpejtyp, ka'ap tsyëtyu'unpaata'any.

Deuteronomio 11:15

Tios nëjkxëp jam kamwinm tu'uwinm tyajpëtsëmy yë aay ujts mëti'ipë jyë'kxtëp pyëktëpën yë mjëyujk mtsajpkaa ets miitsëty ka'ap nëjkx yë mjë'kx mpëky xyaj'ëmaaytya'aktë.

Deuteronomio 12:12

Nëjkxëp tu'uk yë mëj xëëw xyaj'apaatëtë ma ja Wintsën xymyëjjawëtëtyën, mëët ja m'u'unk m'ëna'këty, ja mtuunpëty ets Leví ja'ayëty. Miits wa'ats xynyijawëtë, ko yë'ëjëty ka'ap yë nyaax tmëët'atë.

Deuteronomio 12:18

Ko tyaapë xyjyë'kxa'antëty ma mWintsën Tiosëtyën ets xyajtuna'antëty mëti'ipës yam nikäjpxypën, jam mëpaat xyjyë'kxtë ma ënäty yë Wintsën të twin'ixyën ja it naaxwiinyëtë, mëët ja m'u'unk m'ëna'këty ets ja Leví ja'ayëty. Jëtu'un xytyukxon xytyuk'itëty, mëti'ipë ënäty të xynyitunën.

Deuteronomio 12:7

Jam mkaytyëty m'uuktëty ma ja mWintsën Tiosën ets mëët ja m'u'unk m'ëna'këty ets ja mjëëky mëku'ukëty, nëjkxëp xytyukxon xytyuk'itë ja mjë'kxy mpëkyëty mëti'ipë ënäty të y'ity të wyintëyën ets ja mWintsën të tkënu'kxyën.

Deuteronomio 8:10

Ko ënäty jam myajpatnëtë ets ku'uxyë mkaaynyë m'uknëtë, mkukajpx mja'awëkyëta'aktëp yë Wintsën. Mëët ko ënäty oypyë ja naax kam të mo'ojëtë.

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Tios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

1 Juan 2:28

E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënäty myiny jatëkok; nitii tsë'ëkë ets nitiitsëtyu'un ënäty nkamëët'ajtëm ko myinëty.