Joel 2:21 - Biblia Mixe de Quetzaltepec

²¹ Mëj këjää mxoonta'akëty mijts it naaxwiinyëtë, këtii mtsë'ëkëty, jä'ä ko yë Wintsën mëj këjää winë tuna'any.

Biblia Dc en Mixe de Quetzaltepec

²¹ Mëj këjää mxoonta'akëty mijts it naaxwiinyëtë, këtii mtsë'ëkëty, jä'ä ko yë Wintsën mëj këjää winë tuna'any.

Joel 2:21 ပူးပေါင်းရင်းမြစ်များ

Isaías 54:4

Këtii mtsë'ëkëty, ni pën mkatukxi'ikëtëty; ka'ap pën m'ojëtëty ets ka'ap pën myajtsëtyunëtëty. Nëjkxëp xyjyä'äytyëkooytyä'äy mëti'ipë ënäty të xytyuktsëtyunyën ko m'ëna'k'ajty, ets ka'ap nëjkx xy'ëkja'amyäjtsnë ko ënäty ëxëëk të mjaty të mkëpety ko mku'o'kë,

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Jeremias 33:3

Ëjts mëkajpxk ets n'ëtsowëty ets ntuk'ixëty mëjwiinpë këjääpë ja winma'any mëti'ipë yu'utsy'ijtpën, mëti'ipë ka'ap xynyijawën.

Isaías 35:1

Wä'än txoontä'äky ja itjot, të'ëts it të'ëts naaxpë; wä'än tjam'aty ja xoontakën, ja jotkujk'ajtën ets yaj'ixëty pëjyjyotypë ujtsjotypë,

1 Samuel 12:16

Paaty yam n'ënëëmëtë ets këtii mye'eymya'atëty jëtu'unts xy'ixtëty ja Wintsën ja myëj'ajtën mëti'ipë yë'ë tyunäämpyën miits mwintuuy mwinkujkëty.

Zacarías 8:15

E tyam, tëëjës ntuknipëjktaakë ko yë Jerusalén ja'ayëty ets Judá ja'ayëty mpa'ëyowa'antës, paaty miitsëty këtii mtsë'ëkëtëty.

Joel 2:20

Tyam njëpëka'anyës ma miitsëtyën yë mu'u mëti'ipë tso'ontëpën anëkëxmtsow ets jam të'ëts'itjotm najtskäjxëja'anyës. Jam Ooky Nyëëjotm nyajkiinta'aja'antës mëti'ipë winye'eyëtëpën, mëti'ipë paye'eyëtëpën jam nyajkiinta'aja'anyës ma Mejyën Naax'akujkpyë, jëtu'unyë nëjkx yë jyot nyini'kxëty wyimputskëta'aktë ets xyuuktëty jyoktëty. Mëj këjääjës winë ntuna'any nkajpxa'any.

1 Samuel 12:24

Yi'iyë tëy tsojkëp ets miitsëty xywyinkutsë'ëkëtëty yë Wintsën Tiosë ets xëmë yë'ë xy'ëwtatëty mëët yë tëyajtën ets winë aaw winëjot. Nijëna'a xykyaja'atyëkoytyëty mëti'ipë yë'ë oy winë tyuunpyën mëët miitskyëjxmëty ets xytyuk'oy'atëty.

Deuteronomio 4:32

Yë'ë ëkmëmay ëkmëtajtë ja tëëyëpë. Yë'ë ëk'ixtë ma Tios ojts ëka'any yë naaxwiinyëtë ja'ay tyajkojyën. Nëjkx yajnitëwëtë oymyaajëty pën tëë jëtu'un winë y'ëktuun y'ëkjajtëpë ëkë pën tëë winë y'ëkyajnija'apë tä tyamën.

Salmos 98:8

wä'än yë mëjnëë jotkujk näjyawëty, ets wä'än nämyujkta'ajëtë tun kopk ets xi'iky xony yajpaatëty mëët yë jotkujk'ajtën,

Génesis 15:1

Ënät yë Tios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Oseas 2:21

Ëjts Wintsën, ëjts jëtu'un ënaanpës: Jä'ä xëëw nëjkxëpës yë tsajp n'ëtsoy, e yë tsajp nëjkxëp yë naaxwiinyëtë t'ëtsoowinpity.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Isaías 55:12

Xoontä'äky jam nëjkx mtsoontë, jotkujk nëjkx mja'të ma mnaax mkajpnëtyën. Ko ënäty xynyinaxtë ja tun kopk may nëjkx ja'ay mjëjpaatë'ëkëtë ets nëjkx myajwin'ëw myajwinya'axtë mëët ja jotkujk'ajtën ets tu'kë'ëyë aay kepy nëjkx kyë'ë t'apo'kxmuktë.

Salmos 71:19

Yë mëtëypyë mnipaye'eyën, mijts Tios, jajtp jam tsajpwinm; mëjwiin këjää winë të xytyuny, kamaa jëtu'unpë tios tä mijtsën.

Joel 2:26

Nëjkxëp jatëkok mkaytyë m'uuktë ku'uxyë ets nëjkx xymyëjjaw xykyënu'kxyjyawëtë yë Wintsën, miits yë mTiosëty. Nijëna'a yë nnaax nkajpnës nëjkx kya'ëktsëtyuunë,