Joel 2:17 - Biblia Mixe de Quetzaltepec

¹⁷ Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Biblia Dc en Mixe de Quetzaltepec

¹⁷ Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Joel 2:17 ပူးပေါင်းရင်းမြစ်များ

1 Reyes 6:3

Ja tyëjkwiin jä'ä y'ayenyëty mëkoxk xajpk, jëtu'un tä nyitëjk myëjwiinëtyën ets mäjtsk xajpk ja mäjtsk kë'ënux matsow ja tëjk nyajts'ixën.

1 Reyes 9:7

ëjts nëjkxëpës n'ëxwojpta'atë ja Israel ja'ayëty ma ja nyaax kyajpnëtyën mëti'ipës ënäty të njamo'otën. Ya'atë ja tsajptëjk mëti'ipës tyam të nkënu'kxyën nän nëjkxëpës nja'atyëkooynyë ets njo'tsnë ja nxëëwës ma yë'ëjën ets ja naax kajpn wiinkëtypë je'eyë nëjkx nëëxik tukxiknëtë ja Israel kajpn, kajpxpäjn nëjkx je'eyë twanëtë.

2 Crónicas 7:20

miitsëty kopkpëky ko nëjkx n'ixkäxtë ma ja naax kajpnën mëti'ipë ënäty të njamo'otën ets njijtë'ëkäämpyës ya'të tsajptëjk mëti'ipës ënäty të njakënu'kxyën, mëti'ipë nëjkx je'eyë yajnëxi'iky yajtukxi'ikyën ma wiinkëtypë naax kajpnën.

2 Crónicas 8:12

Ja Salomón jam ijty ja Wintsën ja wyintsë'kën xëmë tyäk ma ja wintsë'këntyaknën mëti'ipë yajpatpën jam tsajptëjkwiiny,

Nehemías 9:36

E ijxtëm ënät ëëts tyam, je'eyë ëëts nmëtuun n'ëyoownëtë ma ja naax kajpnën mëti'ipës xyjyamooytyën ja n'ap n'okëtyës ets jeexyë akujk jotkujk kyäytyë y'uuktë mëti'ipë pyatëp y'ijxtëpën.

Salmos 115:2

¿Wi'ix ko ënät tyajtëwtëty yë ja'ayëty mëti'ipë wiink tios y'ëwtajtëpën, maa ja nTios'ajtëmë?

Salmos 42:10

Jëtu'unës yë nwaay mpajk pyëjknë y'atoonë koos xyajjoot'anpëktë yë nmëtsiptëjk, ets janaam jatsojk xyajtëwtës: ¿Ma ënät ja mTios?

Salmos 42:11

¿Wi'ixës ko nkumon nkutukëty? ¿Wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Tios yajtsokp yë'ë ets yaj'ëwaatsëpëtsëëmp.

Salmos 42:3

Xëëny kootsës të një'ëy të nyä'äxy, jëtu'un yaj'ijxnë yë'ëjës yowë nwiin nëë xykyuxp. Ja nmëtsipës jëtu'un y'ëna'antë: ¿Maa ënät ja mTios?

Salmos 42:4

Koos jëtu'unpë nmëmay nmëtajy, japës ntimjyawë pyëjkë'ëky njootjotyës. Je'eyës njaakja'amyetsy ko ijty mëët yë mayjyä'äy nnëjkxyës jam tsajptëkotm, maas ijty ëjts jëyëjp nëjkxyën akujk jotkujk ets nyajnaxtës ja kukajpxën ja'awëkyëtakën. Mëj ja xëëw ijty tyunyë.

Salmos 74:10

Mijts Tios, ¿Jëna'a jëtää ëëts yë nmëtsip ka'ap xy'ëkyajjoot'anpëjknëtëty? ¿Jëna'a jëtää ka'ap ëxëëk m'ëk tijënëty?

Salmos 79:10

Ka'ap tjëkyepy ets tääpë ja'ayëty mëti'ipë ka'ap të t'ëwtatyën y'ëna'antëty: ¿ma ënät ja mTios? Tuk'ijxtëk ëëtsëty näjyëtu'un wi'ix ëxëëk jyatën kyëpätën ja ja'ayëty mëti'ipë të tyaj'ooktën ja mtuunpëtëjk. Wä'än tnijawëtë ja'ayëty mëti'ipë ka'ap Tios t'ëwtatën.

Salmos 79:4

Tyam je'eyë ënät ëëtsëty xynyëxi'ik xytyukxi'iktë ja naax kajpn mëti'ipë yajmëwinkon'ajtpën; tyam yajja'ayxyiktëpës je'eyë ma ja ja'ayëtyën mëti'ipës xywyinajx xywyintëjkëtyëpën.

Salmos 89:41

Tëkokyë ja'ayëty mëti'ipë jam najxtëpën kopkpëky ko winë tontëty tmäätstëty mëti'ipë jamën, ja naax kajpn mëti'ipë myëwinkon'ajtëpën je'eyë nyëxik tyukxiknëtë.

Salmos 89:51

Wintsën, ëxëëkjaty tääpë ja'ay xëmë xytyuntës xy'ënëëmëtës mëti'ipë mmëtsip'ajtëpën. Jëtu'un këxëty këpätëty t'ënëëmëtë m'u'unk mëti'ipë të xywin'ixyën oy ma nyijkxy.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Isaías 37:20

E tyam, yajtsoktëk ëëtsëty ma yë'ëjëtyën, Wintsën, mëti'ipës nTios'ajtëpën ets tëkokyë ja naax kajpn nijawëtëty ko mijts tu'ukyë mWintsën'ajtp ets mTios'ajtp.

Ezequiel 20:9

E ëjts kë'ëmës ojts nämyëmay nämyëtajyë ets ka'apës ja nxëëw nyajnipäxëtëkëjany, këtiipë tëkatsy nwë'ëmëtyës ma ja wiinkëtypë ja naax kajpnën ma ënäty yë'ëjëty jyuuky'atën; jä'ä ko tëëjës ënäty ja wiinkëtypë ja naax kajpn ntukmëtoy koos ja Israel kajpn nyaj'ëwaatsëpëtsëma'any jap Egiptë.

Ezequiel 8:16

Ënätës të xywyoownëjkxy jap tëja'p mëti'ipë tëkotsyow yajpatpën, ma Wintsën yë tsyajptëjk yajnitëkën, itkujky ma tëjkwiinën ets mëët yë wintsë'këntyakn, i'px mëkoxk jap yë ye'etyëjk kyoxtänëtë, japtsow ma jëxkë'ptsow yë tsajptëjk yajpaatyën ma yë'ëjëtyën ets wyinta'ak nyaaxkowtë maatsow yë xëëw pyëtsimyën, xëëw y'ëwtajtëp.

Oseas 14:2

Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Joel 1:9

jëtu'un yë teetytyëjkëty jyë'ëtë ya'axtë jä'ä ko ka'ap jap tii tsatym nyëënë tsajptëkoty tii y'uuktëpën ets tii yë Wintsën tyukwintsë'ëkëtëpën.

Amós 7:2

E ko ja mu'u ënäty tam tjë'kxta'ajanë ja ujts, ënätës të n'ëna'any: Wintsën, pokymyä'kxtëkës. Ëëtsëty, yë Jacob yë kyajpn, tsip etsës nmëmëta'aktëty ya'atë ëyo'on, jä'ä ko mutsk kajpn ëëtsëty.

Amós 7:5

Ënätës të n'ëna'any: Owxit Wintsën, tun yë mëyajtën. Ëëtsëty, yë Jacob yë kyajpn, tsip etsës nmëmëta'aktëty ya'atë ëyo'on, jä'ä ko mutsk kajpn ëëtsëty.

Miqueas 7:10

Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Malaquías 1:9

Miitsëty jyëkyejpy xy'amëtowtëty yë Tios yë pa'ëyo'owën najts'ëyo'owën. Je'eyëp tëy ko jëtu'unpë wintsë'kën xymyo'ojantëpëty ka'ap nëjkx tkupëky ets ka'ap nëjkx myaj'ëxajëtë oy. Yë Wintsën mëti'ipë maaytyääyëpën winë, jëtu'un y'ënä'äny:

Números 25:6

E tu'uk yë Israel ja'ay ijxnë kä'äxnë ojts yajxon tu'uk yë to'oxytyëjk, Madián ja'ay, timwyoownëjkxy ma tyëjkën. Ojts yë Moisés t'ixy ets Israel ja'ayëty, mëti'ipë ënäty jam të ye'eymyuktën, tam ënaty jyi'iytyë ya'axtë ma yajnitëkën yë wit tëjk ma ja näpyaatë y'ityën.

Mateo 23:35

Jëtu'unts miits mtuka'ajëtëty ja poky ko ënäty të y'ooktë ni'ëmukë ja oyjyä'äytyëjk, Abel tyuktso'ontäkpy ets ja Zacarías tukjëjpkëxy, ja Berequías ja myaank, mëti'ipë myaj'o'ktën jap tsajptëkoty ma ja wa'atspë ja tsajptëkotën, ma y'ityën ja wintsë'këntyakn.

Mateo 27:43

Tëë jyot wyinma'any tpëjktä'äky ma Tiosën, wä'än Tios yë'ë tyam yajnitso'okyë pën tsojkëp, jä'ä ko yë'ë jëtu'un të y'ënä'äny ko Tios y'U'unk'atyë.

Deuteronomio 28:37

Je'eyë nëjkx nëkoo ja'ay xy'ëtsë'ëkë, wiinkjaty mnimëtya'akëtëty ets mtukxi'ikëtëty maajaty yë Wintsën myajnëjkxyë.

Deuteronomio 32:27

e ëjts ka'apës tu'ukyë njoot'anpëky, ënätës jatëkok nmayä'äny ntaja'any ka'ap yowë jëtu'un tyim'oy'atëty koos yë nmëtsip ntimyajxoonta'akëty. Ka'apës ntsoky ets mëj këjxm nyäjyawëtëty, ëkë y'ëna'antëty: Ix ënät ëxëëk jyajnëtë kyëpäjnëtë yë Israel ja'ayëty, ëëtsajtëm jëtu'un o'ktëy të ntu'unëmë, ka'ap yë'ëjëty yë Wintsën.

Josue 7:9

Ja Canaán ja'ayëty mëti'ipë winkon tsënaaytyëpën ko ënät nijawëtëty koos ka'ap ja nmëtsip të xyajmëta'aktë, yë'ë nämyukëtëp ënätëty ets xyajkutëkoya'antëtyës. E ko ënäty ëëts të n'o'kta'atë, ¿pën ja mxëëw nyaja'amyätsëp?