Joel 2:13 - Biblia Mixe de Quetzaltepec

¹³ Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

Biblia Dc en Mixe de Quetzaltepec

¹³ Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

Joel 2:13 ပူးပေါင်းရင်းမြစ်များ

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Salmos 34:18

Yë Wintsën winkon yajpaaty ma ja'ayëtyën mëti'ipë jya'awëtëpën yë jyot wyinma'any ama'ats tukma'atsë ets ka'apë tii t'ëkjëjp'ijxnëtën.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Miqueas 7:18

Ka'ap ma Tios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Salmos 103:8

Yë Wintsën oy tsuj yë jot winma'any tmëëtëty, ets pa'ëyoop najts'ëyo'owëp, ëwxijtp mä'kxtujkp yë'ë ets tsojkp ja'ap.

Jonás 4:2

Tä ja Tios ojts tmëkäjpxy ets t'ënëmaay: Ëk'ix Tios, ëjts tim ënaanpës jëtu'un, ko ënäty jëtu'un jyata'any kyëpäta'any, ka'anëm ënäty jam ntsoonyës nkajpnjotmës. Paaty ojts jam n'ëknëjkxpës Tarsis, jä'ä ko nija'apës ko mijts yu'unk naxym mTios'aty ets poj'am mpa'ëyoy; mijts ka'ap pojën mjoot'anpëky, ni'ik yë mtsojkën mja'awën kyëjääjëty; oy ja tëytyu'unën të xyanikäjpxy mpa'ëyoopy jatëkok ja pokyjyä'äy.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

2 Samuel 1:11

Tää ja David mëët ja jyä'äy tyëjkëtyë moonpë tujkpë, yë'ëpaat ja wyit tyujkxyëty ojts tkëëtstë mëët ja ma'ayën tajën,

Romanos 2:4

Mijts m'ixtijpy ja Tios ja y'oyajtën, ja mä'kxtujkën ets ja y'oywyinma'any, ets ka'ap xyjyawë ko yë'ëkyëjxm jëtu'un m'awinpity tä yë'ëjën

Salmos 51:17

Yë'ë Tios wyintsë'kën'ajtyp jot ja'awën yu'unkpë naxymyëpë, Mijts Tios, ka'ap xy'ixtijy yë jot ja'awën mëti'ipë näjya'awëyëpën piw nuuk.

2 Reyes 22:19

ets mëët ko të xyjyä'äkyukë wi'ixës ëjts n'ëna'anyën, ja naax kajpn ets ja ja'ayëty mëti'ipë jam tsënaaytyëpën, ko o'ktëy jyata'antë ets poky y'ita'antë ets ko tëë ja mwit mtujkxy xykyë'tsta'ay mëët ja jotmay ets të mjë'ëy të myä'äxy ëjts nwintuuyës; tëëjës n'amëtoow'ity ets tëëjës nja'akyukë. Ëjts, mëti'ipë Wintsën'ajtpën, jëtu'un yam n'ënëëmë:

Efesios 2:4

E mëët ko ja mëj Tios pya'ëyoy ets ko xytsyojkëm mëjwiin këjää,

Salmos 106:45

ënäty ojts tja'amyetsy ja käjpxytyu'unën mëti'ipë ënäty mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

Job 1:20

Ënät ja Job pyëti'ky ets tkë'tstëëy ja wyit, jä'ä mëk jya'ap ko ënäty jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Números 14:18

ko ka'ap tsojkyë mjoot'anpëky, ko mëj këjää mtsoky mjawë ets mnime'kxyp ja nëë poky ets ja käjpxy kumëtoownajxën. Näyjyëtu'un të m'ëna'any, ko ja pokytyuunpë kë'ëm tkumëtoy ja y'ëxëëk'ajtën ma y'u'unk y'ëna'kën.

Nehemías 9:17

Ka'ap tpatunantë ja m'ënä'ämën mtëyajtën ets ka'ap tja'amyäjtstë wi'ix ojts mëjwiin këjää tii xyjyatunyën mëët yë'ëjëty. Kumäjpxy yajxon nyäpyëjktakëtë kë'ëm ojts tnikajpxpätë tu'uk ja'ay mëti'ipë jatëkok jap Egiptë yajnëjkxëtëpën ets y'ëyowtëty myëtuntëty. E mijts, mëët ko mTios'aty, ko mpokymye'kxy, Wintsën mëti'ipë ëma'atjot myëët'ajtypyën ets pa'ëyoopën, mä'kxtujkpë ets tsojkpë ja'apë.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

Nahúm 1:3

Yë Wintsën mä'kxtujkp yë'ë ets maaytyääyëp winë, je'eyëp ko kopkpëky ko tëytyuny mëti'ipë tuuntëkoopyën. Yë Wintsën ye'epy jëtijtp tuupojjoty ets yoots nëma'a yë'ë jëtu'un jya'ap naaxwayën ma tyekpya'tkën.

Ezequiel 9:4

ets të t'ënëëmë: Tukjëtijtëtya'a yë Jerusalén kajpn ets xypyëjkta'akëty tu'uk yë ijxpäjn ma wyimpokëtyën yë ja'ayëty mëti'ipë moontëp tujktëpën ko ja ja'ay ëxëëk y'ëtë'ëtstë y'ëna'antë jap kajpnjoty.

2 Reyes 6:30

Ko ja yajkutujkpë tmëtoowpaty y'ënä'äny jëtu'un ja to'oxytyëjk, mëk ojts tjawë, kyë'tstaay ënätyë ja wyit mëti'ipë ënäty jam nyijän'ajtypyën mëët ja mëkjotmay ets ja äkë. E jä'ä ko jam ënäty potsykyëjxm, may ja ja'ay t'ijxtë ko ja wyit këëts tmëët'aty.

2 Reyes 5:7

Ko ja yajkutujkpë jampë Israel tyaj'ëwatsy ja noky, ënät nyänyikë'tsë mëët ja joot'an ets ko ja amay jotmay tyuktëjkëyë: ¿Ti Tiosës jëtää ëjtsë, etsës tu'uk yë ja'ay nyajtuknikäxëtyë mëti'ipë pu'uts pa'am pëjkëpën etsës nyajtso'ok nyaj'akëtä'äkyëtyë? Ixtë yajxon, ko ya'atë ja'ay winma'any ixtääpy je'eyë paatyës nëkoo xymyëmayë.

1 Reyes 21:27

Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

Génesis 37:34

Ënät yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënäty të y'ooky të tyëkoy.

Génesis 37:29

Ko yë Rubén jatëkok wyimpijty ma ja nëëjutën, ka'ap ojts t'ëkpatnë ja y'uty José, tä ja wyit, mëti'ipë ënäty jam pyëjktäkpyën, t'akë'tsëy tyajnikëxë'ëky jëtu'un ko ënäty mëk tjajawë ko ja y'uty të tyëkoy.

Isaías 58:5

¿Jä'ä jëtää miitsëty mmaytyë mtajtë koos yë'ëjës ntukjotkëtäkpy ko ja'ay mon tuk yajpaaty, ko ja'ay winta'ak naaxkow jyëtity tä tutkopkën ëkë ko ja'ay tuktëkë wit mëti'ipë kuumpën u'kxpën, ëkë ko ja'ay nyätyukuwo'kta'ayë kuyjaam ets naaxway? ¿Jëtu'unën ja'ay y'ayuu'atyë, jëtu'un yë ja'ay tmëjjaw tkënu'kxjawë Wintsënë?

2 Reyes 22:11

Ko ja yajkutujkpë tmëtoow'ijty ya'atë ja aaw ayuk mëti'ipë nyikäjpxypën ja noky, tääts tkë'tstaay ja wyit mëët ja amay jotmay,

Jeremias 41:5

ënät jyajtë nimajkta'px yë ja'ay. Jam tsyoontë Siquem, Siló ets Samaria. Tëë je'eyë nyäy'awaayjyäjpta'ajëtë, këëts këëts ja wyit mëti'ipë myëmiintëpën ets tëë ja jyot nyini'kx tyajtsëtyujta'atë. Tam tmëmintë yë aaypyajk ujtspajk ets poom mëti'ipë tyukwintsë'ëkëjantëpën ja Wintsën.

Jeremias 42:10

Pën miitsëty mwë'ëma'antë yaa tsënääpyë ma ya'atë it naaxwiinyëtën, tyam mputëkëtëty ets jotkujk mjuuky'atëty; ka'ap nyajkutëkoytyëty, ni'ikyë nëjkx nkojtë nma'kxtë tä aay ujts yajkojyën ets ka'apë nijëna'a yajwijxë'ëkyën, jä'ä ko nmëkja'apës ko miitsëty ja ëyo'on të ntuknikäxtë.

Oseas 14:1

Israel, niwinpit yë mWintsën Tios, mijts mpoky ëxëëk të myajjatyë.

2 Crónicas 6:27

tun mëyajtën mëtoow'itëp ja jyiiytyak nyu'kxtakënëty ets mä'kxëp ja nyëë pyokyëty, ma ënäty të tyëkoytyën ja mtuunpë ets ja mnaax mkajpn ets xytyukni''ixëty mëti'ipë tu'u mëpaat tye'eytyën. E jëtu'unts xykyäxëty ënät ja mtuu ma ja mnaax mkajpnën mëti'ipë ja m'u'unk m'ëna'k të xytyukkumayën.

Jeremias 36:7

wä'änxyëp tmëpëjktsowtëty yë Wintsën ets tyaj'oyëtëty yë jyot wyinma'any ets tyu'unënëty kyajpxënëty, jä'ä ko yë Wintsën tëë tukjoot'anpëky ya'atë naax kajpn.

Jonás 3:9

wä'änxyëp yë Tios xynyijoowinpijtmëty ets xyäämëty yë tsyip y'äkë ets jëtu'un ka'ap n'o'kmëty.