Joel 2:1 - Biblia Mixe de Quetzaltepec

¹ Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Biblia Dc en Mixe de Quetzaltepec

¹ Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Joel 2:1 ပူးပေါင်းရင်းမြစ်များ

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Tios.

Joel 2:15

Tukxu'uxtë yë pujxnxuxn jam ma Sión kopkën. Mëkajpxmujkta'atë yë kajpn ets m'ayuu'atëty;

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Joel 3:17

Ënät nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Sofonías 3:11

Jä'ä xëëw mijts naax kajpn, mëti'ipës nkajpn'ajtypyën ka'ap nëjkx xy'ëkmëtsëtyuunë ja naax kajpn ma ënäty mijts të xykyäjpxykyumëtoownaxyësën, jä'ä ko tëëjës ënäty nyajjëwa'kta'ay ja ja'ayëty mëti'ipë amëj akëjxm ja'ay'ajtëpën ets mëti'ipë yaj'ijxtëpën këtii pën myëjëty, e mijts ka'ap nëjkx amëj akëjxm m'ëk näjya'awënë maas ja ntun nkopkën.

Sofonías 1:14

Tëë tyimwiinkony yë Wintsën yë xyëëw. Tim winkon, pe'tym wyinkony. Ta'amëm nëjkx yë ja'ay tjawëtë ko ënäty ja Wintsën ja ëyo'on tyaj'ity: Yë'ëpaat yë ja'ayëty mëti'ipë jotmëkëtyën nëjkxëp y'ayaxtu'utë.

Jeremias 5:22

Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

1 Tesalonicenses 5:2

Wa'ats miits xynyijawëtë ko ja Wintsën myina'any oyjyëna'ajëty ma ënäty ka'ap pën tjëjp'ixyën, ijxtëm tu'uk ja mä'tspë koots jyä'tyën.

Abdías 1:15

Jëtu'un tä xytyuunyën ja wiinkëtypë, näjyëtu'un myajtuna'any: Koonëm xy'ëxajëty mëti'ipë mnitëjkëyëpën.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Oseas 5:8

Yajxu'uxtë ja waj mëti'ipë tsip y'awäämpyën jam Guebeá ets ntëyxyuxnëty mëti'ipë tsip y'awäämpyën jam Ramá. Yaktë ja mëto'owën jam Bet-avén. Yajjotmaytyëkëtë ja Benjamín ja'ayëty.

Ezequiel 7:12

Tyam, tëë ja xëëw tpaaty. Ma ja to'kpë yajkpë ka'ap tii t'ëktukxoontaknëty, yë'ëpaat mëti'ipë ajuupyën ka'ap ja mëk'ajtën t'ëkmëët'ajnëty wi'ix myonëty tyukëty. Ëwa'an'ajtën yam mëët ntëytyuna'anyës yë Israel ja'ayëty ko amëj akëjxm nyäyjyawëtë.

Jeremias 4:5

Nikajpx nimëtya'aktë jam Jerusalén ets jam Judá, tukxu'uxtë yë pujxnxuxn ma tu'kë'ëyë naax kajpnën, jëtu'un mëk mya'axtëty mjoktëty: Ja'amtë. Tsojk ntu'ukmujkëmë. Ja'amta'ayëm ma ja naax kajpnën mëti'ipë ta'tspëky yajpatpën ets këwent'aty, ijtpën.

Santiago 5:8

Näyjyëtu'un miits mëët'atë ja mä'kxtujkën, tu'ukyë ja winma'any xyaj'itëty, jä'ä ko wiinkoonp ja xëëw ma ja Wintsën myina'anyën.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Sofonías 1:16

pujxnxuxn jää nä'ämaanp, yë'ë ënäty jää mëk yajni'ënä'ämëp jëën tsip ets yajnitëkëty ja naax kajpn mëti'ipë këwent'atyën ets ta'tspëky yajpatpën ets mëti'ipë myëët'ajtypyën yë kyëjxmpotsy.

Amós 8:2

etsës xyajtëëy: ¿Tii m'ijxyp, Amós? Etsës n'ëtsooy. Yë'ëjës n'ijxyp tu'kkatsy yë ujts tsa'am. Etsës xy'ënëmaay: Yë Israel ja'ayëty tëë tsyaamnëtë; paaty yë'ëjëty ka'apës n'ëkpoky myä'kxanë.

Oseas 8:1

Tukxu'ux yë mxuxn tä tukxu'uxyën mëti'ipë këwent'ajtpën ma Wintsën yë kyajpnën. Jä'ä ko tëë ja käjpxytyu'unën tjëënaxy ets tëë tkäjpxykyumëtoownaxy ja n'ijxpëjkënës.

Ezequiel 33:3

Ets ko ja këwent'ajtpë t'ixy ko tam wyinkony ja mëtsip ma ja naax kajpnën, yë'ë tyukxuxyp ja xyuxn ets ja ja'ay tnijawëtë.

Ezequiel 12:23

E jëtu'unts xy'ënëëmëty: Tëë yë Wintsën y'ënä'äny: Ëjts tëëjës ntuknipëjktaakë ets ka'ap jëtu'un pën y'ëk'ënanëty jam ma Israel kajpnën. Näyjyëtu'un xy'ënëëmëty ko tëë timpyääty ja xëëw jëmëjt ma tyuna'any jyata'anyën tä ja käjpxynyajxpëtëjkëty të tnikajpxtën.

Ezequiel 7:10

Tyaa ja xëëw. Tëë ja jyä'ty. Tëë myiny ja ëyo'on jotmay. Ja ëxëëkajtën jä'ä mëtakp oymyaajëty, nëkooyë kyëjääjënyë ja ëxëëk tu'unën.

Daniel 9:20

Ëjts tëëjës ja Tios nmënu'kxtä'äky ets ja mpoky nmaaywyätyës, tëë näjyëtu'un ja naax nkajpnës, yë Israel kajpn ninu'kxtä'äkyës ets ja Wintsën n'amëtoyës ja kënu'kxën ma ja kyopkën mëti'ipë wa'atsën.

Daniel 9:16

Ëëtsëty nija'awëtyëpës ko mijts Wintsën, oy yë jot winma'any xymyëëtëty. Tun yë mëyajtën jëpëk yë mtsip m'äkë jam Jerusalén, jä'ä ko yë'ë mijts mkajpn'ajtyp ets jam yajpaaty ja kopk wa'atspë. Tëkokyë yë ja'ayëty mëti'ipë mëët yë Jerusalén kajpn nyämyëwinkon'atyën aak je'eyë tnëxi'ik tukxi'iktë yë Jerusalén kajpn, mëti'ipë mijts mkajpn'ajtypyën, mëët ko ëëtsëty të ntëkoytyë ets ko ojts pyokytyuntë ja n'ap n'okëtyës.

Daniel 6:26

ets ni'ënä'ämës ma tëkokyë naax kajpnën wä'än tyajwintsë'ëkë ets wä'än tyajmëjjawë yë Tios mëti'ipë Daniel y'ëwtajtypyën. Jä'ä ko juuky Tios yë'ë ets xëmëkyëjxm yë y'ity. Yë y'ënä'ämën kyutujkën ka'ap nijëna'a pën tyaj'atëkoyëty ets myëk'ajtën ka'ap nijëna'a jyëjpkëxy.

Ezequiel 33:6

E ko ja këwent'ajtpë t'ixëty ko tam ja mëtsip wyinkony ma ja naax kajpnën ets ka'ap tukxu'uxëty ja xyuxn ets ja ja'ay nijawëtëty ets ja mëtsip kyajpntëkëty tyaj'ookëty ja ja'ay, yë'ë kopkpëky ko yë pyoky tku'ookëty ets nëjkxëpës ja këwent'ajtpë ntukumëtoy ko ja ja'ay ënäty të y'ooky.

Jeremias 16:10

Ko ënäty xytyukmëmëtyä'äky ja naax kajpn ya'atë aaw ayuk, nëjkxëp myajtëëwinpitëtë: ¿Wi'ix jëtää ko yë Wintsën jëtu'un të tuknipëjktakëpë etsës ëyo'on jotmay mpaatëty mëjwiin këjää? ¿Tii tuuntëko'oyën ëëtsëty të ntuntë? ¿Tii poky ëëtsëty të ntukmëtëkoytyë yë nWintsën'ajtëm Tios?

Jeremias 16:7

Ni pën ja kyääky y'uuky tkanipëjktaakëja'any ets ja o'kpë yajwinkay yajwin'uukëty. Këtii nëkoo tyimmon tyimtuktëty ja mëti'ipë ku'o'këtëpën, oy yë'ë'atëty ja teety taak jyatimy'ooky.

Isaías 66:5

Mëtoow'itë ja Wintsën ja y'aaw y'ayuk, miitsëty ninu'un xymyëj'ix xymyëjpëjkta'aktën ja y'aaw y'ayuk. Tä naakën mjëëky mmëku'ukëty mëti'ipë mwiink'ijxëtëpën, mëti'ipë m'ixjëtijt mpajëtijtëtëpën ko xykyajpxpaatë yë nxëëwës ets y'ëna'antë: Wä'än yë Wintsën tyaj'ixyë yë myëj'ajt y'oyajtën; n'ixantëpës. Je'eyëp ko yë'ëjëty nëxi'iky tukxi'iky wyë'ëma'antë.

Isaías 2:12

jä'ä xëëw ma ënäty winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënäty mëj jaanty të nyäyajnaxëtën, pa'tkë'p nëjkx kyëtakta'atë,

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Salmos 87:1

Ja nyipotsy ëjx yë Tios yë nyaax kyajpn, jam pyojtsë'ëkyëty ma ja kopkën wa'atspë.

Números 10:3

Ko mäjtsk ja pujxnxuxn yajtukxu'uxëty, tëkokyë ja ja'ay myujkta'atëty ma mijtsën jam ma yajnitëkën ja wit tëjk ma näpyaatë y'ityën mëët yë Tios.

Zacarías 8:3

Wimpitaanpës jam Jerusalén, etsës jam ntsëënëja'any. Ënät nëjkx yë Jerusalén kajpn yajtijy kajpn mëti'ipë wyintsë'këpën ja Tios, e ja kopk mëti'ipë jyä'ä'ajtypyën ja Wintsën mëti'ipë maaytyääyëpën winë, jä'ä nëjkx txëëwaty wa'ats kopk.

1 Crónicas 15:28

Tëkokyë ja Israel ja'ayëty ëëp yaxp nyëjkxtë mëët ja xoontakën jotkujk'ajtën tyajnëjkxtë ja Wintsën ja kyaaxë.

1 Corintios 14:8

Ko ja xuxn ka'ap oy yajtukxu'uxy ko ënäty ja ja'ay tsyiptuna'any, ¿pën jää ëk näjyëjp'ixëtëp?

Apocalipsis 6:17

Jä'ä ko tëë ja xëëw tpaaty ma y'äkë tyiytyuna'any tsyäätstyuna'anyën. ¿Pën yë'ë y'ëkmëtänëp?

Éxodo 10:14

Tä tukye'eyëtyääytyë tëkokyë ja naax kajpn. Nijëna'a ënäty jëtu'un kyayaj'ixynyëm ja maymyu'u tä jam kyëxë'ëkyën ets näy ka'ap nëjkx jëtu'un nijëna'a y'ëkyaj'ijxnë jëtu'un tä ojts kyëxë'ëkyën jä'ä xëëw.

Ezequiel 30:3

mëti'ipë wiinkoonpën, wiinkoonp ja Wintsën ja xyëëw; mëti'ipë wiinkoonpën wintuky y'ita'any; ëyo'on jää itaanp ma tääpë xëëwën.

Joel 2:11

Yë Wintsën, jëyëjp nyijkxy ma tsyiptuunpëtëjkën, jëtu'un ja y'aaw y'ayuk tyaj'ëna'any; tä ënääwën. May yë tsyiptuunpëtëjk; ka'ap tjëkyepy wi'ix yajmëtyowëtyën mëti'ipë mëmëtoowëpën. Nëkooyë myëj'ajt kyëjää'ajnë yë Wintsën yë xyëëw.

Joel 2:31

Pi'itsäämpy yë xëëw ets po'o, ne'pnyën jyajta'aja'any; ka'anëm ënäty yë Wintsën yë xyëëw tpaaty mëti'ipë mëj'äämpy ets kutsë'ëkë itaanpën.

Joel 3:14

Tam ja'ay jyätyë ma ja joyjotmën ma jam yajnijawëja'anyën wi'ix tu'uktu'uk ja nipaye'eyën y'ita'any. Tëë wyinkony ja Tios ja xyëëw.

Amós 5:18

Mon tuk yë ja'ay yajpaatë mëti'ipë tsyojkën'ajtëpën ets Wintsën myinëty. ¿Mnija'awëtyëp wi'ix nëjkx jyäty kyëpetyën ko ënäty yë Wintsën myinyë? Nëjkxëp jää kyootsë ets ka'ap tyë'kxa'any jyaja'any.

Zacarías 14:1

Miimp wiinkoonp ja xëëw mëti'ipë ja Wintsën xyëëwajtypyën, ma yajpëjkwa'kxa'anyën tëkokyë mëti'ipë të yajmeetsyën ma mijtsën Jerusalén.

Números 10:2

Oytyun mäjtsk yë pujxnxuxn aak poop pujxn myajtunëp ets yë'ë mtuk'oytyunëp yë pujxnkuwojpën. Yë'ë ja'ay yajtukxuxmuktëp ets ye'eymyuktëty, yë'ë myëtowtëp ko ja tso'onën y'ita'anëty.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Isaías 13:9

Miimp wiinkoonp ja Wintsën ja xyëëw ma ja ëyo'on y'ita'anyën, ma ja tsyip y'äkë tyajnaxa'anyën, mëti'ipë ja naaxwiinyëtë yaj'awinpitäämpyën anë'ëk tëëtsë'ëk, yajkutëkooytya'ajäämpy ja pokyjyä'äytyëjk mëti'ipë yajpatëpën naaxwiiny naaxkëjxy.

Ezequiel 21:12

Mijts ye'etyëjk, ya'ax jok, jë'ë ya'ax, jä'ä ko tëë kajpn nyitukë ets ja ja'ay y'o'kta'atëty, tëkokyë Israel yajkutujkpëtëjk. Tëë nyitujkëtya'atë ets y'o'kta'atëty mëët tu'kë'ëyë yë naax nkajpnës, paaty jotëkoy ets näkyätsykyoxët.

Sofonías 1:7

Amonyë m'itëty Wintsën wyintum, jä'ä ko tää ja Wintsën ja xyëëw wyinkony. Yë Wintsën tëë tuknipëjktaakë tu'uk yë wintsë'kën ets tëë tkënu'kxta'ay mëti'ipë të twoy të twitsyën.