Joel 1:4 - Biblia Mixe de Quetzaltepec

⁴ Wa'ats yë mu'u të tjë'kxta'ay yë pëjktä'äky, mëti'ipë ojts jyaakwë'ëmyën wiinkpë të myintë ets të yajkëxyë.

Biblia Dc en Mixe de Quetzaltepec

⁴ Wa'ats yë mu'u të tjë'kxta'ay yë pëjktä'äky, mëti'ipë ojts jyaakwë'ëmyën wiinkpë të myintë ets të yajkëxyë.

Joel 1:4 ပူးပေါင်းရင်းမြစ်များ

Joel 2:25

Ëjts mkëpäjta'ajäämpy yë mpëjktä'äkyëty mëti'ipë të tyëkoyën ma ka'ap winë të y'ity të wyintëyën ko ja mu'u të tyuuntëkoy, tääpë tuuntëkoopyë mëti'ipë ojts ntuknikäxtën.

Amós 4:9

Ojts yë mëkjëënpoj ntukwoptës ets ojts yë këtye'epyë ntuknikäxtës, ojts nyajtë'ëtsyës yë y'ääy y'ujtsëty ets tsatsym kam, ojts yë mu'u tyajkutëkooytyä'äy yë higo kam ets olivë kam, e miitsëty ka'apës ojts xynyiwinpitë. Jëtu'un yë Wintsën y'ënä'äny.

Amós 7:1

Ya'atës ojts yë Wintsën xytyuk'ixy: Yë'ë ënäty pyätyp ja nipën kojën ma ja pëjktä'äky ok y'ityën, ko pyëtë'kta'ay ja yajkutujkpë ja pyëjktä'äky. Ënätës të n'ixy yë Wintsën tyajkojy may yë mu'u.

Isaías 33:4

Ja myëtsiptëjk jëtu'un tyukja'tyë tä maymyu'ujën, jëtu'unyë tyukëtä'äkyë ets pyëjkëtyä'äyë winë.

Salmos 78:46

ja maymyu'u ojts tkukä'pta'atë ja pëjktä'äky mëti'ipë ënäty të tnitunëtën.

Éxodo 10:4

Jä'ä ko pën mijts je'eyëmën xy'ëtuky yë nyë'ë'aaw tyu'u'aawëty yë nnaax nkajpnës, tim jëpomës nkäxëty yë maymyu'u ets myäyjya'tëty yaa ma mnaax mkajpnën.

Jeremias 51:14

Yë Wintsën mëti'ipë maaytyääyëpën winë, kyë'ëm juukyajtën të tukajpxpety ets të y'ënä'äny: Jëtu'un yë mmëtsip ntuknimina'any tä mu'ujën ets tukxoonta'aka'antë ko ënäty mëmëtä'äkyë.

Salmos 105:34

Je'eyë ojts yë Tios kyäjpxy ets myiintë yë maymyu'u, nimay ënäty yajxonëty ka'ap t'ëkjëkyäjpnë yajmëtyowëty.

2 Crónicas 7:13

Paaty ko ënäty ëjts jëna'a ja naaxwiinyëtë nyajtëëtsë'ëkyës ets ka'ap maa ja nëë tuu y'ëkyaj'ijxnë, ëkë ja pujtpë ënäty ja pëjktä'äky të tyajwintëkooytyä'äy, ëkë ja pa'am ëyo'on nkäxëtyës ma ja nnaax nkajpnënës,

Deuteronomio 28:38

Janty may yë mtëëmpt xyjyani'ipëty, ja mpëjktä'äky wäänë nëjkx xyajwinmujknë. Jä'äkyëjxm ko maymyu'u nëjkx tyajpa'amtëjkëtyä'äy.

Jeremias 51:27

Nikajpxtë ma naax kajpnën ko xynyitëkëja'antë. Tukxu'uxtë yë mxuxnëty ets nipëjktakëtya'atë yë naax kajpn ko xynyitëkëja'antë yë Babilonyë kajpn. Ënëëmëtë yë Ararat wä'än näjyëtu'un tnipëtë'ëktë ets Miní ets Asquenaz. Nikajpxpätë tu'uk yë ja'ay mëti'ipë nyikopk'atëpën yë tsiptuunpëtëjk. Jëtu'un yë tsiptuunpëtëjk najtskäxëtë ma ja tsipën tä mu'ujën tëëpë jyoot'anpëktën.

1 Reyes 8:37

Ko ënäty jyää'aty ja yuu xëëw, ja pa'am ëyo'on, ja ëyo'on jotmay, ëkë myinëty ja aay ujts ja nyipa'am, tyëtstaaynyëty mëët ja xëëw'an ëkë ko y'ëyo'onpëjkta'akëty ja mëkuk, poo, kumtënë'k, mu'u ets oynatii jëyujk, ëkë ja mëtsip tyajku''ëtukëty ja naax kajpn, ëkë myinëty tiijaty ëyo'on tiijaty pya'am, tun mëyajtën mpa'ëyowëp yë mnaax mkajpn, mëtoow'ijtë ja jyiiytyak nyu'kxtakën.

2 Crónicas 6:28

Ko ënäty jyam'aty ja yuu xëëw ma ja naax kajpnën, ëkë jyam'aty ja pa'am ëyo'on, ëkë y'aanë'k tyëëtsë'knëty ja naaxwiinyëtë; ëkë jyam'ajtnëty ja yuu pa'am, ëkë ja jëyujk mëti'ipë ja aay ujts yajwintëkoopyën, ëkë tsu'tspë nä'ämpë jam y'ijnëty; ëkë ko ja mëtsip ja naax kajpn tyajnatujknëty, ëkë oynatii ëyo'on natii jotmay myinëty kyëtaknëty,

Deuteronomio 28:42

Tëkokyë yë aay ujts, aay kepy, mëti'ipë yajpatpën ma mijtsën, nëjkxëp tyëëtsë'kta'ay ets mëti'ipë ënäty jaakwë'ëmpën tsuxk mu'u nëjkx tjaakyajkëjxta'ay.

Éxodo 10:5

Yajxon nëjkx yë naaxwiinyëtë tyajwintuktë ets nimaa winwa'ats yë naax kyakëxë'ëkëty. Yë'ë nëjkx tjaakyajkutëkooytya'atë ja aay ujts mëti'ipë ënäty jää yiin wään të jyaakwë'ëmyën, ko ja tëtsn tuu nyäjxy ets nëjkx twinkä'pta'atë ja aay kepy, mëti'ipë jam tunkëjxm kopkkëjxm yajpatëpën.

Malaquías 3:11

Ka'apës n'ëwa'atsa'any ets mu'u tyajwintëkoytyëty yë pyëjktä'äkyëty.