Joel 1:13 - Biblia Mixe de Quetzaltepec

¹³ Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Biblia Dc en Mixe de Quetzaltepec

¹³ Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Joel 1:13 ပူးပေါင်းရင်းမြစ်များ

Jeremias 4:8

Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Ezequiel 7:18

Nëjkxëp tuktëkëtë ja wit mëti'ipë u'kxpën kuumpën ko ënäty pyëkëtë y'atonëtë; aak tsëtyuytyëp ja jyot nyini'kxëty; tsaptsëm ja wyiin jyëjp jyajta'aja'antë mëët ja tsëtyu'un ets aak kutë'kx nyätyuunta'aja'anëtë.

Jeremias 9:10

Nimon nituktë ja tun kopk, nijë'ë niya'axtë ja aayjyot ujtsjot, jä'ä ko tëë tyëtsta'ay ets ni pën jam kya'ëknajxnë; ka'ap y'ëkyajmëtoownë ja tsajpkaa jam myu'utë, yë'ëpaat yë joon ets aayjëyujk ujtsjëyujk mëti'ipë tsu'tstëpën të kyäkta'atë.

1 Reyes 21:27

Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

2 Corintios 11:23

¿Kristë myutuuntëpë? Wäänë ni'ikës ëjts, oy jëtu'un yajmëtoy kupojës yowë koos jëtu'un n'ëna'any. Wäänë ni'ikës winë të ntuny këtiinëm yë'ëjëty, kanaak okës të nyajtsumy këtiinëm yë'ëjëty. Ni'ikës të nyajwopy të nyajka'atsy këtiinëm yë'ëjëty, kanaak okës o'kënjëjp'am të nyajpaaty.

2 Corintios 6:4

Ni'ikyënëm nyajnikëxë'ëktës koos ja Tios nmëtuntë, nmënax nyajnaxtës ja ëyo'on jotmay mëët ja mä'kxtujkën, oyës n'ëyowtë, oyës tii nyajmëyatë ets oy tsip ja xëëw juukyajtën nyajnaxtës,

2 Corintios 3:6

Yë'ë të xyajwij të xyajkäjëm ets ja käjpxytyu'unën nkuuytyu'unmëty; ka'ap yë'ëjëty mëti'ipë Moisés yajmooyën, yë'ë mëti'ipë ja Kënu'kxymyëkajtën tyuunpyën. Yë ënä'ämën tëyajtën je'eyë nyi'ënä'ämë ets n'o'kmëty, e yë Kënu'kxymyëkajtën yäjkpy yë juukyajtën.

1 Corintios 9:13

Mnija'awëtëp miits ja ja'ayëty wi'ix jyuuky'atën mëti'ipë tuuntëpën jap mëjtsajptëkoty, yë'ë tyukjuuky'ajtëp mëti'ipë ja ja'ay yojxtëpën ets mëti'ipë tuuntëpën ma ja wintsë'këntyaknën; tsyu'tstëp ja jëyujk tsu'utsy mëti'ipë wintsë'kën'ajtpën.

1 Corintios 4:1

Paaty miitsëty, je'eyë ëëts xytyijtëty Jesukristë pyutëjkëpë ets ko yë'ë të xytyuknipëktës etsës ja ja'ay ntuk'ijxpëktëty ja Tios ja wyinma'any mëti'ipë ijty kayajnija'apën.

Isaías 61:6

Jä'ä miitsëty myajtija'antë teety mëti'ipë Tios myëtuuntëpën. Nëjkxëp xytyukxon xytyuk'itë ja wyit myeenyëty ja naax kajpn, ets mëj'äämpy nëjkx m'itë ma yë'ëjëtyën.

2 Samuel 12:16

Ënät ja David mëktä'äky tyëjkëy nu'kxtakpë ets jeexyë ja Wintsën tyajtso'oky ja mëxu'unk, ojts ja David jya''ayuu'aty ets naaxkëjxy tyajnajxy ja tsuu.

Números 29:6

ëpëky ja jëyujk mëti'ipë yajnino'kpën winpo'ojëty ets ëpëky mëti'ipë yajnino'kpën winjëpom. Ets jä'ä mëti'ipë ëpëky yajtukmëyajkëpën ja aaypyajk ujtspajk ets ja tsatym nyëë mëti'ipë ayajkën'ajtp ako'onën'ajtpën, jëtu'un tä yë Tios të tni'ënä'ämën. Tëkokyë ya'atë ayajk ako'onën nëjkxëp yajnino'oky ets jam jya'tëty Wintsën wintum, tä tu'uk yë xu'kën jojkënën oypyë tsujpë.

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Ezequiel 21:12

Mijts ye'etyëjk, ya'ax jok, jë'ë ya'ax, jä'ä ko tëë kajpn nyitukë ets ja ja'ay y'o'kta'atëty, tëkokyë Israel yajkutujkpëtëjk. Tëë nyitujkëtya'atë ets y'o'kta'atëty mëët tu'kë'ëyë yë naax nkajpnës, paaty jotëkoy ets näkyätsykyoxët.

Oseas 9:5

¿Tii mtunantëp xëëwjoty, ma ënäty ja Wintsën ja myëjxëëw yajtunyën?

Joel 2:14

Wä'änxyëp ka'ap mtëytyunëtëty ets nëjkx mkënu'kxëtë ets mo'ojëtëty yë aaypyajk ujtspajk ets tsatym nyëë mëti'ipë Wintsën mtukwintsë'ëkëtëpën.

Números 28:4

Tu'uk jopyëp yajyakëty ets tu'uk jënäkyxyëëw.

Números 28:7

Ja tsatym nyëë jä'ä nëjkx yajyäky tu'ktsim mëti'ipë mëët yajtukmëyakëtyën ja kupixyny tu'ukpë. Ya'atë tsatym nyëë jap yajpikëty tëkoty ma ja Tios ja wyittëjkën, mëti'ipë ja Wintsën yajtukmëjjawëpën.

Números 28:14

E nëjkxëp ja tsatym nyëë näjyëtu'un yajtukmëyakë mäjtsk tsim ma ja tu'ukpë ja tsajpkaa yä'äyën, tu'ktsim ja kujkm ma tu'ukjatypë ja kupixyny yä'äy mëti'ipë tëë yä'kpetyën ets tu'ktsimjaty ma ja tu'ukpë ja kupixyny yä'äy ayääkën. Ya'atë mëpaat xyaktë nino'oky ma Tiosën winpo'ojëty.

Ezequiel 27:31

Mëët ko ënäty o'ktëy mjaty mkëpety nëjkxëp nyäkyutë'kxn kä'pta'ajëtë, nëjkxëp tuktëkëtë wit tujkxy monpë tukpë ets nëjkx jyë'ëtë ya'axtë mëët ja pëjkën ato'onën.

Joel 2:12

E tyam jëtu'un yë Wintsën y'ënä'äny: ëjts niwinpijtëk winë aaw winëjot. Ëyuu'atë, ya'axtë joktë ets jë'ëtë ya'axtë.