Jeremias 9:3 - Biblia Mixe de Quetzaltepec

³ Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Biblia Dc en Mixe de Quetzaltepec

³ Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Jeremias 9:3 ပူးပေါင်းရင်းမြစ်များ

Jeremias 9:8

Yë yä'änëty jëtu'un tä ti'pxnën mëti'ipë yaj'o'kpën, aakyë'ë kyajpxtëp ka'apë myëtëyëtyën. Oy t'ëëpo'kx tkajpxpo'kxtë ja myëku'uktëjkëty ets ja myëku'uktëjk ka'ap tnijawëtë pën jamtëm kyukëxëja'antë o'këntum.

Romanos 3:13

Ëxëëk ja yo'kjutëty ijxtëm o'kpëjutën ko ëwa'ats wyi'imy, je'eyë xëmë wyin'ëëntë, ko kyajpxtë tsääpy no'kpëm yajjawë.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Jueces 2:10

Ja Israel ja'ayëty mëti'ipë ënäty mëët ja Josué tu'ukyë të jyuuky'atën ojts y'o'knëtë. Jëtu'un'äämyp ja ja'ayëty mëti'ipë ojts ok myintën naaxwiinyëtë ka'ap ojts näjyëtu'un tnijawëtë Wintsën ets ja myëj'ajtën mëti'ipë ënäty të tuny të tkäjpxyën ma ja Israel ja'ayëtyën.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënäty wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

1 Samuel 2:12

Yë Eli y'u'unk y'ëna'k ëxëëk ijty jyä'äy'atë. Nijä'ä tkatuntë këwentë ma ja Wintsën ja tyuunk yajtuna'anyën,

Apocalipsis 12:11

Tëë ja nmëku'uk'ajtëm tmëmëta'aktë ja mëjku'u mëët ja Tios U'unk ja nye'pyny ets mëët ja tëyajtën mëti'ipë nyikajpxtën; ka'ap të tsë'ëkëtë ja o'kën, ni'ikyënëm të y'ëna'antë oy tyimwi'ix'atëty.

Judas 1:3

Mëku'uktëjkëty, janty jotkujkës näjyawëty ko miits ya'atë noky ntuknijayëtë, jä'ä ko yë'ëjës jap nnikäjpxy nimëtyäkpy ja nitsokën mëti'ipë nmëët'ajtëmën; e paaty ya'atë noky yam ntuknijayëtë ets nmënu'kxta'aktë ko tu'ukyë xyaj'itëty ja mëpëjkën mëti'ipë ja Tios të mo'ojëtën.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

Filipenses 1:28

je'eyëp ko këtii mnätyuk'ëtsë'ëkëtëty ja mmëtsipëty. Ko xykyatsë'ëkëtëty, yë'ë mtuknijawëtëp ko kutëyoyantëp ënätyëty ets nän yë'ë yajtunijawëp ko ënäty ja nitsokën xypyaata'antë. Ya'atë Tios jëtu'un të tuknipëjktaakë.

Romanos 1:28

E jä'ä ko ka'ap nijawëjantë ja Tios, paaty ja Tios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Tios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Jeremias 22:16

Mëk ijty tkuwa'any yë ëyoopëja'aytyëjk ets nyitsiptuunpy mëti'ipë o'ktëy yajtuunpën e paaty ojts oy jyuuky'äty. Yë jëtu'unpë yajtijp ko xy'ixy'ätyës. Ëjts Wintsën, ëjts ënaanp.

Jeremias 9:5

Aak nätyukxikëtëp yë ja'ay; ni pën tii mëtëy tkanimëtyä'äky. Je'eyë të tjajtnëtë wi'ix wyin'ëëntëtyën, tëë yë jyot wyinma'any mya'taaynyëtë, tsip ets y'oyëtëty.

Jeremias 7:26

E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

1 Corintios 15:34

Niwinpitë ja oy juukyajtën, ka'ap m'ëk pokytyuunëtëty, jä'ä ko ka'ap miits ja Tios jënaakën xynyijawëtë. Miits mtsëtyu'unpatëp koos jëtu'un n'ëna'any.

Levitico 19:11

Këtii määtstëty. Këtii mnäwyin'ëënëtëty jaxim jayam.

Isaías 1:3

Yë tsajpkaa y'ixyp pën wyintsën'ajtypyën, ets krukts nyija'ap ma jyë'kxtakn yë wyintsën të myo'oyën; e yë Israel ja'ayëty mëti'ipës nnaax'ajtyp nkajpn'ajtypyën ka'ap y'ijxkäpy ets ka'ap jyä'äkyukë.

Isaías 3:5

Mëj këjää nëjkx jyää'aty ja amay jotmay ma ja naax kajpnën; xim yam ja ja'ay nyänyimatsa'anyë, ka'ap maa pën y'ëknämyëku'uk'ijxënëty.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Jeremias 5:4

Ënätës ojts nmay ntajy: Yi'iyë ëyoopëja'aytyëjk winë tyuuntëp nitsuu nipoj, jä'ä ko ka'ap tnijawëtë mëti'ipë Wintsën tsyojkën'ajtypyën ets mëti'ipë Wintsën nyi'ënä'ämëpën.

Jeremias 5:5

Yë'ëjës nmëmëtya'akäämpy yë ja'ayëty mëti'ipë mëj'äämpy ijtëpën naaxjoty kajpnjoty. Yë'ëjëty wa'ats tnijawëtë tii yë Wintsën tsyojkpyën ets tii nyi'ënä'ämëpën. E ni'ëmukë ënäty të tkäjpxykyumëtoownaxtë ja Tios, ka'ap të tkupëktë ets tmëmëtowtëty.

Daniel 11:27

Ënät ja yajkutujkpëtëjk, ja winma'any tpaata'antë wi'ix myëta'aktëtyën ets nëjkx tu'ukyë kyääymyuktë ma ja kaaypyäjnën, nixim niyam nëjkx jyanäwyin'ëëna'anëtë je'eyëp ni pën nëjkx kyayajwin'ëëny jä'ä ko ka'ap tpaatynyëm jëtu'un ja nyixëëw.

Génesis 39:16

Ënät ojts ja José ja wyit tpëjkë'kë, koonëm jyä'äjty ja wyintsën ma ja tyëjkën.

Jueces 14:17

E ja kiixy jëtu'un ojts jam yajpaaty ma ja Sansónkën jëëpy yaxp winjëpom, koonëm wyëxtujkxëëwpejty ja xëëw, tääts ojts ja Sansón t'ëwa'anënë ja tyo'oxytyëjk ko mëktä'äky yajtëëwënë ja nyi'ëtsoowinpijtën, ja ayuk mëti'ipë yajnajtsjawëjaanpën. Ko ja kiixy tnija'awëy ja ëtsoowinpijtën, ënät ojts tuk'ëwaanë ja myëkunaax myëkukajpn.

Proverbios 12:5

Yë wa'ats ja'aytyëjk yë'ë myëmaay myëtajtëp yë tëyajtën jaanty'ajtën; e yë ëxëëkja'aytyëjk yi'iyë myëmaay myëtajtëp wi'ix wyin'ëën wyinxajtëtyën.

Isaías 9:18

Yë ëxëëktu'un ëxëëk kajpxën mëj këjää ëyo'onpëjktä'äky, jëtu'un tä patoyë jëënën, wa'ats tno'ktëkooytyä'äy aayjyot pejyjot ets aay kepy, ko wyimpapojy jëtu'un yaj'ixy pojxujtykyën.

Jeremias 6:28

Wintsën, tääpë ja'ayëty aak je'eyë kyäjpxykyumëtoownaxtë; je'eyë y'ëxëëkpi'tskajpxtë ets aak ëxëëk jyot wyinma'any tmëët'atë; jëtu'un yajpaatë tä tsuxkpujxn ets juunpujxnën.

Jeremias 12:6

Yë'ëpaat yë mmëkä'äx, yë mmëku'uktëjk tëë mnawa'ktu'utyë, je'eyë mtukyä'äxy mtukjokyë ets mpetyë mkëtä'äkyë. Këtii yë'ë xytyuk'ijxpätëty oy mjamëxon mjamë'itëtëty mëët oy aaw oy ayuk.

Ezequiel 8:13

Ets ojts jyaak tim y'ënä'äny: Mjaak'ixäämpnyëm yë ni'ik ma'atpë tuntën.

Hechos 24:9

Ja Jutiis ja'ayëty mëti'ipë ënäty jam yajpatëpën näjyëtu'un y'ënantë.