Jeremias 9:25 - Biblia Mixe de Quetzaltepec

²⁵ Jëtu'un yë Wintsën y'ënä'äny: Pyätyp ja xëëw jëmëjt maas ja naax kajpn ntëytyuna'anyën mëti'ipë ja ye'etyëjkajtën të tnatsujk'ëwtitën ets ja nyi'ak të tyajjënaktë,

Biblia Dc en Mixe de Quetzaltepec

²⁵ Jëtu'un yë Wintsën y'ënä'äny: Pyätyp ja xëëw jëmëjt maas ja naax kajpn ntëytyuna'anyën mëti'ipë ja ye'etyëjkajtën të tnatsujk'ëwtitën ets ja nyi'ak të tyajjënaktë,

Jeremias 9:25 ပူးပေါင်းရင်းမြစ်များ

Amós 3:2

Mijtsyë tu'uk të nwin'ixy ma ja naax kajpn may yajpaatën naaxwiiny naaxkëjxy. Paatykyëjxmës mpaye'eyä'äny ja nëë poky ma miitsëtyën mëti'ipë të xytyuuntëkoytyën.

Ezequiel 28:10

Jaaypyo'kxy nëjkx myaj'ookyë, jëtu'un tä y'ooktën ja'ay mëti'ipë ka'ap Wintsën t'ëwtatën. Ëjts Wintsën, ëjts ënaanp; jëtu'unës yë n'aaw n'ayuk të n'ëxmatsy.

Romanos 2:28

Ka'ap nyëkëjxyëty ja ja'ay jyutiis'aty, ko yajnatsujk'ëwtity ja ye'etyëjkajtën ets ja ijxwë'ëmën wyi'imy ma nyi'kx kyopkën.

Romanos 2:29

Yë'ëkyëjxm ja ja'ay mëtëy jyutiis'aty ko oy ja y'aaw jyot, pën ja ijxwë'ëmën myëët'ajtyp mëti'ipë ja Kënu'kxymyëkajtën mooyëpën, ka'ap yë'ëkyëjxmëty ko ja ënä'ämën jyää'aty. Pën myëët'ajtypyën ja oyjyot oywyinma'any, yë'ë ja Tios oyjya'awëyëp, ka'ap jyä'äyëty.

Levitico 26:41

Patyës ëjts miitsëty të ntukjoot'anpëktë ets të nyajnëjkxtë jam ma ja mëtsipëty ja nyaax kyajpnëtyën, ma ja m'ëxëëk winma'anyëty ojts ka'ap jä'ä tyunyën ets ja mpoky xykyumëtoowtë.

1 Samuel 14:6

Ets ja Jonatán t'ënëmaay ja tyuunpë: Jotëkoy ja'amtë jamtsow awinm ma yajpaatën tääpë ja'ayëty ka'apë tnijawëtën pën y'ëwtatëpën. Kooxyëp yë Wintsën xynyaputëjkëmëty. Jä'äxë ko mëët yë'ë ka'ap jyatsipëty ko xyajmëta'aka'amëty oy yë ja'ay nyimayëty ëkë nyiwäänëty.

1 Samuel 17:26

Ënät yë David tyajtëëy yë ja'ay jampë ënäty winkon tyänëtën: ¿Tii jëtää yajmo'ojëp ja ja'ay mëti'ipë ënäty yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Tios yë tsyiptuunpëtëjk.

Jeremias 4:4

Miitsëty Judá ja'ayëty ets Jerusalén ja'ayëty, ja'amyätstë ko ëjts Wintsënajtp. Pëjkta'aktë jap mjootjoty mwinma'anyjoty ja käjpxytyu'unën mëti'ipë të ntu'unëmën; këtiipë tsyooypyëkëty jëënën ja ntsip n'äkës ko ënäty tëkatsy tii xytyuntë ets ka'ap tjëkyäpëty wi'ix pyi'itsëtyën.

Ezequiel 31:18

Nimëti'ipë kepy ënäty kyajëtu'unëty jampë Edén yajpaatën tä yë'ë myëj'äämpyëtyën ets kyëjxmëtyën; e ko të y'o'knë näjyëtu'un jap naaxpa'tkë'p jyëjpta'aka'any tä ja myëku'uktëjkën mëti'ipë jam Edén yajpatëpën ets yajpaata'any mëët ja wiinkëtypë ja aay kepy, mëti'ipë jëënjoty tsipjoty o'ktën tëkooytyën. Tyaapë kepy yajnimëtyä'äkyën yë'ë yaj'antijp yë faraón ets tëkokyë yë jyä'äy.

Levitico 19:27

Këtii pik yë mwaay xykyääptëty ets këtii xyjyëjpkääptëty yë m'awaayëty.

Jeremias 25:23

yë Dedán ja'ayëty, Temá ja'ayëty, Buz ja'ayëty ets ja kajpn ma ja ja'ay nyäy'awaayjyäpëtën,

Jeremias 49:32

Mä'tsta'atë yë jyëyujk jëku'uxëty ets tsyajpkaajëty. N'awojpwa'kxäämpyës xiitsow yaatsow tääpë ja'ayëty mëti'ipë tyatsk waay jyäjptëpën; xiitsow yaatsowës ntuknitsoona'antë ja ëyo'on jotmay. Ëjts Wintsën, ëjts ënaanp.

Ezequiel 44:7

Miitsëty je'eyës yë ntsajptëjk xyaj'ëxëëkëtë ko jap xyajnaxtë jaaypyaat jaaypyo'kxy, ja ja'ay mëti'ipë ka'ap tmëët'atyën ja nkäjpxytyu'unënës ma jyot wyinma'anyën ets ma jyot nyini'kxën.