Jeremias 9:24 - Biblia Mixe de Quetzaltepec

²⁴ Pën nämyëjjawëjanëp, yë'ë nätyukmëjjawëtëp koos ëjts xy'ixy'äty ets koos ëjts nWintsën'aty, koos ëjts winë ntuny mëët ja tsojkën ja'awën, ja nipaye'eyën ets ja tëyajtën, yë jëtu'unpë yë'ëjës ntukxoontäkpy.

Biblia Dc en Mixe de Quetzaltepec

²⁴ Pën nämyëjjawëjanëp, yë'ë nätyukmëjjawëtëp koos ëjts xy'ixy'äty ets koos ëjts nWintsën'aty, koos ëjts winë ntuny mëët ja tsojkën ja'awën, ja nipaye'eyën ets ja tëyajtën, yë jëtu'unpë yë'ëjës ntukxoontäkpy.

Jeremias 9:24 ပူးပေါင်းရင်းမြစ်များ

2 Corintios 10:17

Pën jää pën nyämyëjpëjktä'äkyë, nikë oy ko ja Wintsën yë'ë tmëjpëjkta'akëty.

Gálatas 6:14

Ëjts ka'apës tii nätyukumayë, yi'iyës nmëjpëjktäkpy ko ja Wintsën Jesús të xykyu'ookës kruutskëjxm ets jä'äkyëjxm ko të xykyu'ookës kruutskëjxm ets ko të nmëpekyës, jëtu'un tpaaty ijxtëmës jeexyë të nkruutspety mëët ja naaxwiinyëtë juukyajtën.

1 Corintios 1:31

Jëtu'un ijxtëm ja Tios ja y'aaw y'ayuk kyëxja'ayëtyën: Pën jää mëti'ipë nämyëja'awëyëpën, wä'än nämyëjawëty ko ja Wintsën të tmëpëky.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Tios xymyëtunëty.

Miqueas 7:18

Ka'ap ma Tios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Salmos 44:8

Mijts Tios, mëj'äämpy xëmë nyaj'ita'antë, ets xëmë yë mxëëw nmëjpëjkta'aka'antës.

1 Juan 5:20

Nnija'awëm näjyëtu'un ko paaty ja Tios U'unk të xynyimi'inëmë ets nnija'awëmëty ja Tios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Tios, mëti'ipë yäjkpyën ja juukyajtën xëmëkyëjxmëpë.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Salmos 51:1

Mijts Tios, mëët yë mtsojkën mja'awën, pa'ëyoow najts'ëyo'owëkës; mëët ja m'oyjot m'oywyinma'any ja mëjpë këjääpë, po'tëkës yë npoky.

Salmos 91:14

Ëjts jotkujkës nyaj'ita'any ets ëwaatsëtuuyës npëjkta'aka'any ma ka'ap tii ëyo'on pyaatëtëtyën, jä'ä ko yë'ë oyës xytsyoky xyjyawë ets xy'ixy'ajtpës näjyëtu'un.

1 Samuel 15:22

Ënät ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

Isaías 41:16

Ets nëjkx xywyimpojy, wä'än tpapojta'ay; wä'än yë tuupoj yë'ë yajnëjkxyë. Ets mijts akujk jotkujk yë Tios xytyukxoonta'akëty, ja Wa'atspë yajpaatyën jam ma Israel kajpnën.

Romanos 5:11

Ets ka'ap yi'iyëty tyaapë, näjyëtu'un ntuk'ijt ntukxo'onëm ja mëti'ipë ja Tios të tunyën Jesukristë mëët, jä'ä ko Jesukristë mëët të nämyë'oypyëjkëmë ja Tios.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënäty tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

Isaías 61:8

Jä'ä ko yë Wintsën tsyojkpy jya'ap ja oypyë nänyipaye'eyë, ets y'ëxëëk'ijxyp ja to'onën mä'tsën ets ja yajja'ay'o'kën. Yë'ë mmo'ojanëtëp ja näykyumayë, ets tyunäämpy ja käjpxytyu'unën mëët miitsëty xëmëpë y'ityën.

Salmos 99:4

Mijts jëtu'un tu'uk yajkutujkpë mëti'ipë maaytyääyëpën winë, m'oy'ijxyp ko jyää'aty ja mëtëypyë nipaye'eyën; mijts ojts xyajnaaxkëtä'äky ets jyää'atëty ja tu'knaxajtën, yë Jacob y'u'unk y'ëna'k janty'oy të xymyëët'aty ets tëë xynyipaye'ey yajxon tëy tëtä'äky.

Lucas 10:22

Tääts ja Jesús y'ënäny: Aak ëjts ja Tios Teety të xymyooytyä'äy tu'kë'ëyë winë. Ka'ap pën tnijawë pën Tios u'unk'ajtp, Tios Teety nätyu'uk nyija'ap; ni pën tkanijawë pën ja Tios Teety, Tios U'unk nätyu'uk nyija'ap ets tyuknijawëp ja ja'ay mëti'ipë ënäty tyuknijawëjäämpyën.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Tios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënäty ëjts xytyukjotmëk'aty.

Salmos 20:7

Tää mëti'ipë yë'ë tyuk'ijxpäjtëp ko tmëët'atë kepy wintëkäämpë mëti'ipë myëtsiptuuntëpën, ets tä wiinkëtypë mëti'ipë yë'ë tyuk'ijxpäjtëpën ko tmëët'atë kwaay, e ëëtsajtëm yë'ë ntuk'ijxpäjtëm ko yajpaaty yë Wintsën mëët ëëtsajtëm.

Salmos 34:2

Ëjts amëj akëjxmës nnäjyawëty ma Wintsënën; mëtoow'itë ets jotkujk itë miitsëty naaxwiinyëtë ja'ayëty ninu'un mja'ay'atën yu'unk naxym.

Isaías 20:5

Ja ja'ayëty ko nëjkx jëtu'un t'ixtë je'eyë nëjkx tsyë'ëkëtë ets tsyëtyuntë, jä'ä ko jëtu'un ënäty yë Etiopíë kajpn të tjawëtë tä tu'uk mëk kajpnën ets Egiptë kajpn mëti'ipë mëj'äämpy ijtpën.

Jeremias 22:16

Mëk ijty tkuwa'any yë ëyoopëja'aytyëjk ets nyitsiptuunpy mëti'ipë o'ktëy yajtuunpën e paaty ojts oy jyuuky'äty. Yë jëtu'unpë yajtijp ko xy'ixy'ätyës. Ëjts Wintsën, ëjts ënaanp.

Salmos 34:3

Mëjpëjkta'aktë yë Wintsën mëët ëjts, yajmëjnaxtë xyëëw.

Salmos 44:9

E mijts tëës xy'ixtijtë, tsëtyu'unmëëtës të xyajwë'ëmtë. Ka'ap mëët m'ëk tso'onë ntsiptuunpëtëjkëtyës.