Jeremias 9:22 - Biblia Mixe de Quetzaltepec

²² Ja ye'etyëjktëjk mëti'ipë të y'ooktën, jëtu'un ja jyot nyini'kx yaj'ixtë kamjoty pyiny jyety të'ënyën, tä ja tsajpmok kyä'äyën ko nyäxy mëti'ipë yajmujkpyën ets tääpë tsajpmok ka'ap pën tpëjkë'ëky. Yë Wintsën jëtu'un ënaanp.

Biblia Dc en Mixe de Quetzaltepec

²² Ja ye'etyëjktëjk mëti'ipë të y'ooktën, jëtu'un ja jyot nyini'kx yaj'ixtë kamjoty pyiny jyety të'ënyën, tä ja tsajpmok kyä'äyën ko nyäxy mëti'ipë yajmujkpyën ets tääpë tsajpmok ka'ap pën tpëjkë'ëky. Yë Wintsën jëtu'un ënaanp.

Jeremias 9:22 ပူးပေါင်းရင်းမြစ်များ

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënäty të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Jeremias 25:33

Jëtu'unyë nëjkx nyaaxmë'o'këtya'atë ja ja'ayëty mëti'ipë ënäty ja Wintsën yaj'o'kpyën jä'ä xëëw. Ni pën nëjkx kyaniya'axëtë ets ni pën nëjkx kya'ëna'any ets nyaaxtëkëtëty; jëtu'un tä të'ënyën, jëtu'un nëjkx nyaaxmëpuutsë.

Sofonías 1:17

Jëtu'un yë Wintsën y'ënä'äny: Jotmayjyotyës yë ja'ay nyaj'ita'any. Jëtu'un yaj'ixa'antë wiints yowëty, jä'ä ko tëëjës xymyëtëkoytyë. Tä naaxwayën yaj'ixa'any ja nye'pnyëty ets tä tsajpkaatë'ënyën yaj'ixa'any ja xyixyëty pyajkëty.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Salmos 83:10

mëti'ipë jam Endor kutëkooytyën, ets apu'ut y'awinpijtaaytyë.

Jeremias 7:33

Yë may o'kpë yë'ë nëjkx tsyu'tsta'ajëtë lut majkwejkxy, kaa, ka'ap pën y'ita'any pën tääpë jëyujk y'ëtsë'ëkëpën.

2 Reyes 9:37

ets ko yë jyot nyini'kx jëtu'unyë nëjkx piny jety wyi'imy tä yë të'ënyën ma Jezreel nyaaxjotmën, koonëm jëtu'unyë piw nuuk jyajta'ajëty tä ka'ap pën t'ëk'ijxkajpnëtyën.

Jeremias 6:21

Paaty yë Wintsën y'ënä'äny: Ëjts jëtu'unës ya'atë naax kajpn nyajjata'any tä ja'ay kyëtäyën ko y'anäpë. Teety taak, u'unk ëna'k, mëj jëën mëtëjk ets jëëky mëku'uk, tu'knax y'ooka'antë ko ënäty yajnimintë anëkëjxmtsow.

Deuteronomio 8:17

Ijxkëm jëna'a mmaaytyëpë mtajtëpë ko tëkokyë mëti'ipë mmëët'ajtëpën, kë'ëm të xyajnimëjaawta'aktë.

2 Reyes 20:13

Yë Ezequías mëët ja oyjyot oywyinma'any t'ëxajëy ja Babilonyë ja'ayëty ets tuk'ijxtaay ja wit meeny ets tëkokyë mëti'ipë myëët'ajtypyën, tä yë pu'ts pujxn, poop pujxn, mëti'ipë oy xu'kpën; jë'kxy pëky ets nëë oyëtypë xyuukyën ets mëti'ipë ënäty jap pëjkë'ëky yaj'ijtypyën ja tuunpäjn mëti'ipë yajtuuntëpën ko tsyiptuntë. Wa'ats winë tuk'ijxtaay, nitii ojts tkayajninaxy mëti'ipë ka'ap tuk'ijxyën.

2 Reyes 20:15

Tä ja Jeséas jatëkok tyajtëëy: ¿E tii të t'ixtë ma mkutujkëntëjkën? Tä yë Ezequías y'ëtsooy: Tëë t'ijxta'atë tëkokyë tiijaty japën. Ka'apës nitu'uk të nyajninaxy mëti'ipë ka'ap të tka'ixtën.

Job 5:13

Kë'ëm yë ëxëëkja'aytyëjk ëxëëk nyätyuktunyë yë y'ëxëëkjot y'ëxëëk winma'any, yë'ë yajma'tääpy yë winma'any mëti'ipë yë ëxëëkja'aytyëjk të tjamay të tjatajtën.

Salmos 49:7

e oyts tii may tjamëët'atë ka'ap yë'ëjëty yajtso'onka'anëtë, ets ka'ap tjëkyepy yë Tios tukmëjuytyëty ets ja jyuukyajtën nyitso'oktëty.

Proverbios 18:11

Yë kumeenyjyä'äy jëtu'un tjawë yë wyit myeeny tä tu'uk yë mëjpotsyën mëti'ipë naax kajpn kyuwäänpyën.

Proverbios 23:4

Këtii nëkoo ajotkumonë mnämyëjaaw'ixëtëty ets kumeenyjyä'äy mnäyaj'awinpita'anëtëty. Ixmatsmës yë'ë, këtii yi'iyë xymyëmay xymyëtajy.

Habacuc 1:11

Mëk pojën nyaxtë ets ka'ap nimëti'ipë tios mëj t'ixtë, yi'iyë tyukjotkujk'ajtëp yë jyot myëjaawëty.