Jeremias 9:20 - Biblia Mixe de Quetzaltepec

²⁰ Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.

Biblia Dc en Mixe de Quetzaltepec

²⁰ Miitsëty to'oxytyëjktëjkëty, mëtoow'itë ja Wintsën ja y'aaw y'ayuk, ja'akyukëtë wi'ix y'ënä'änyën. Tukni''ixëtë yë mnëëxëty wi'ix ya'axtëtyën ets ja to'oxytyëjktëjkëty wi'ix myontëty tyuktëtyën.

Jeremias 9:20 ပူးပေါင်းရင်းမြစ်များ

Job 22:22

Wä'än yë'ë mtukni''ixëty winë, jap mjootjoty mwinma'anyjoty pëjkta'ak yë y'aaw y'ayuk.

Isaías 3:16

Näyjyëtu'un yë Wintsën y'ënä'äny: Ja to'oxytyëjkëty mëti'ipë jam Sión kukajpnajtëpën, ja amëj akëjxmëpë jyuuky'atën; ja në'ix pa'at'ijxpë jyä'äy'atën, ja wiinkonjatypë nyajtswa'akëtën ets mëti'ipë yaj'ënantëpën ja tyekytsyum,

Isaías 3:4

Ets tpëjkta'aka'any yë ëna'ktëjk ets yë'ë yajkutuktëty; pi'k ëna'k nëjkx y'ëne'emy.

Jeremias 9:12

¿Pën wijy ets tyaapë tja'akyukëty? ¿Pën yë Wintsën të tukni''ixë ya'atë ets myëku'uktëjk tukmëmëtya'akëty? ¿Wi'ix ko yë naax kajpn yajpaaty axit ako'owë ets anë'ëk tëëtsë'ëk ma ka'ap pën nyäxyën?

Jeremias 23:16

Yë Wintsën mëti'ipë maaytyääyëpën winë, jëtu'un y'ënä'äny: Miitsëty Israel ja'ayëty, këtii nëkoo xymyëjpëjkta'aktë yë käjpxynyajxpëtëjkëty yë y'aaw y'ayukëty. Aakyë'ë y'ëëwtëp kyajpxtëp mëti'ipë ka'ap myëtëyëtyën, mëti'ipë kë'ëm të tma'kxtën, mëti'ipë ka'ap y'ëjtsëty të nnikäjpxyën.

Jeremias 23:28

Ko tu'uk yë käjpxynyajxpë wyinkuma'ajëty, wä'än t'ëna'any ko tëë wyinkuma'ay; e pën tëë t'ëxajë yë n'aaw n'ayukës, wä'än mëtëy tnimëtyä'äky. Ka'ap tu'knax tsyowpaaty yë tsajpmok ets nyikepy. Tä jëën tsyä'äyën jëtu'un yë n'aaw n'ayukës yajmëtoy ets tä pujxnka'tsnën mëti'ipë piw nuuk yë tsaa tyuunpyën. Ëjts Wintsën, ëjts ënaanp.

Jeremias 6:11

Wintsën, ëjts nän joot'anpëjknëpës ko je'eyë xëmë m'äjkënë mtooyënë; ëjts ka'apës jëtu'un nmëmëta'akëty. Jëtu'un yë Wintsën xy'ënëmaayës: Jam yë m'äkë këxpëk ma ëna'ktëjkëtyën tu'ujotypë yajpaatën, mëti'ipë nimay jëtijtëpën ets ëxëëk y'ëtë'ëtstë y'ëna'antën. Tääts nëjkx tsumy matsy tyajnëjkxtë ja ye'etyëjktëjk mëët ja tyo'oxytyëjktëjkëty ets näjyëtu'un ja mëjja'aytyëjkëty.

Jeremias 7:29

Miitsëty Jerusalén ja'ayëty, nëkä'pta'atë yë mkuwaayëty ets xy'ixpotstëty. Ëw tu'uk yë ëy mon tukpë jam tunkëjxm të'ëts'itjotm, jä'ä ko yë Wintsën tëë tukjoot'anpëky yë mja'ay, tëë tnike'eky ets tëë t'ëxmatsy.

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënäty të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Jeremias 14:16

Ja naax kajpn mëti'ipë nyinëjkxtëpën tääpë käjpxynyajxpëty, tsip ets yuu nëjkx näjyëtu'un yaj'ookëtë mëët ja tyo'oxytyëjkëty ets y'u'unk y'ëna'këty ye'etyëjk to'oxytyëjkpë. Ja o'kpë jam nëjkx yajnajtsjëpijpëtya'atë kajpnjotm ma Jerusalén kajpnën ets ka'ap pën y'ita'any pën yajnaaxtëkëpën. Jëtu'un'äämpy nëjkx ntukëpätës ja tyuuntëko'oyënëty.

Lamentaciones 2:19

Pëtë'ëk, ya'ax jok tsu'um koots; yajtukwa'ats yë m'aaw mjot ma Wintsënën, wä'än yë mwiinnëë tpëyi'iky nëëjën; yujkxaj yë mkë'ë ets amëtow pëjktsow ma yë'ëjë wä'än tpa'ëyoy yë m'u'unk m'ëna'k, mëti'ipë yuu o'ktëpën xii yaa muum ma tu'u y'ëwtityën.

Lamentaciones 2:21

Xii yaa muum o'kpë kyëxë'knëtë në'ëjoty tu'ujoty, mëjja'ay, mutskja'ay, ye'etyëjk to'oxytyëjk mëti'ipë yo'kpux o'ktën. Ko të mjoot'anpëky tëë o'kën xyaj'ity, ka'ap pën të xypya'ëyoy ko të myajja'ay'ooky.