Jeremias 9:15 - Biblia Mixe de Quetzaltepec

¹⁵ Paaty ëjts maas nWintsën'atyën, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ëna'any: Yë'ëjës yam ntukjë'kxantëp ta'ampë, nëëjës yam ntuk'uukantëp tsooymyëëtpë mëti'ipë yaj'o'kpën.

Biblia Dc en Mixe de Quetzaltepec

¹⁵ Paaty ëjts maas nWintsën'atyën, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ëna'any: Yë'ëjës yam ntukjë'kxantëp ta'ampë, nëëjës yam ntuk'uukantëp tsooymyëëtpë mëti'ipë yaj'o'kpën.

Jeremias 9:15 ပူးပေါင်းရင်းမြစ်များ

Jeremias 8:14

Ets nëjkx ja naax kajpn y'ënä'äny: ¿Tii ko yaa nwë'ëmëty? Nikë tsojk nja'amëmë ma kajpnën këwent'atypë wä'än jam n'o'këmë. Yë nWintsën'ajtëm Tios je'eyëm xyaj'ooka'anëmë mëët yë nëë tsooymyëëtpë mëti'ipë yaj'o'kpën, jä'ä ko tëë nmëtëko'oyëmë.

Lamentaciones 3:15

Ëxëëkës yë Wintsën të xytyuny; ta'amëm jyawë mëti'ipës të xytyuk'uukyën.

Salmos 80:5

Yë nwiinnëëjëtyës yë'ëjës të xytyukjë'kxtë; ka'ap y'ëk'ëmaay'ajnë, mëpaatëpës n'uknëtë,

Jeremias 23:15

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ënëëmë ja käjpxynyajxpëtëjkëty: Yë ntukkayantëp mëti'ipë ta'amën; yë'ë ntuk'uukantëp mëti'ipë yaj'o'kpën, jä'ä ko mëët yë'ëkyëjxm ko yë käjpxynyajxpëtëjk të pyokytyuntë, tëë ja nëë poky kyëjääjë ma tu'kë'ëyë naax kajpnën.

Apocalipsis 8:11

Ta'am ja matsa'a txëëwajtyp. Ënät tu'kpëky ja tëkëëk pëkpyë ja nëë tya'amëy. May ja ja'ay y'o'ktë ko t'uktë ja nëë ta'ampë.

Lamentaciones 3:19

Nja'amyejtsypës yë nmonyë ntukyës, yë n'ëjënës ntu'kënës ets n'ëyo'on njotmayës;

Jeremias 25:15

Jëtu'unës të xy'ënëëmë yë Wintsën mëti'ipë yë Israel ja'ayëty Tyios'ajtëpën: Ix tyaapë a'ukën, ujts yajpaaty mëët yë ntsip n'äkës. Këëyë'ëk ets nëjkx xytyuk'uuky tëkokyë yë naax kajpn ma të nkexyën.

Isaías 2:22

Këtii yë naaxwiinyëtë ja'ay xytyuk'ijxpätëty, nitii tkakëjxmëty, wäänë jyuuky'ajtkojy.

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Salmos 75:8

Ko yë Tios jyoot'anpëky, jëtu'un tpaaty tä jeexyë a'ukën tmëët'atyën kyë'ëjotm mëët yë nëë mëti'ipë xunën. Ko ënäty yë'ë tnaaxkutämë yë tsatym nyëë, tëkokyë yë ëxëëkja'aytyëjk jënu'un yajpaatën naaxwiiny, nëjkxëp t'ukmujkta'atë ya'atë tsatym nyëë, ets ni tu'ktsuny nëjkx tkayajwë'ëmtë.

Salmos 69:21

Maas yë n'uuky ntojkxën tëë jap t'apëkëtë mëti'ipë yaj'o'kpën, koos të ntëëtsë yë'ëjës të xytyuk'uuktë nëë mëti'ipë xunën ets ta'amën.

Salmos 60:3

Mijts të xyajkutuky ets mnaax mkajpn ëxëëk jyatëty kyëpätëty, jëtu'unës të tjatë tä ja'ay tsatym nyëë t'uukyën ets yajlokëjatyë.

Deuteronomio 29:18

Ma miitsëtyën, ni pën tka'ëxmatsëty yë nyë'ë'aaw tyu'u'aaw yë nWintsën'ajtëm Tios ets tpanëjkxtëkëty ja wiink tios, mëti'ipë tääpë yë naax kajpn y'ëwtajtëpën. Ka'ap mëpaat yajpaaty ma miitsëtyën yë ja'ay mëti'ipë yë Wintsën jëtu'un jyawëpën tä yë ujts mëti'ipë ta'amën.

Deuteronomio 28:36

Yë Wintsën yë'ë nëjkx t'ëwa'atsy ets mijts tu'ukyë mëët myajkutujkpë myajmënëjkxnëtëty wiink naax wiink kajpn, ma ënäty ka'ap nijëna'a të xy'ixy'ätyën ets ni m'ap m'ok ënäty të tka'ixy'atë. Jam wiinkë'ëy wiink kajpn kwanë ko nëjkx ja wiink wintsën xy'ëwtajnë ets jä'ä xymyëmëtoownëty, mëti'ipë mëët y'oytyunyëtyën yë tsaa ets kepy.

Jeremias 24:10

Yë'ëjës ntuknikäxantëp yë tsip käjpxy, yuu xëëw ets pa'am ëyo'on; nitu'uk kyawë'ëma'antë ma ja naax kajpnën mëti'ipës nmooytyën ets mëti'ipës nmooytyën ja y'ap y'okëty.

Jeremias 44:27

Jä'ä ko ëjts yi'iyës ënäty jam nmëmääpy nmëtäjpy wi'ix ja ëyo'on jotmay ntuknikäxtëtyën ijxtëm jeexyë ja oyajtën ntuknikäxtën. Nitëkokyë yë Judá ja'ayëty jënu'un Egiptë tsyëënëtën, nëjkxëp kyutëkooytya'atë mëët ja tsip ets ja yuu xëëw.

Jeremias 49:37

N'ëtsë'ëkëjäämpyës yë Elám ma myëtsiptëjkën kutsë'ëkëpë, ntuknikäxäämpyës yë ëyo'on jotmay, ntukjoot'anpëkäämpyës, ntukpaatäämpyës yë jëën tsip koonëm kyutëkoytyëty. Ëjts Wintsën, ëjts ënaanp.

Ezequiel 5:2

Ko ënäty jyëjpkëxy ja tsip ma ja naax kajpn yajnitëkën tääts tu'kpëky xyjyëënmo'ojëty ja waay kajpn itkujky; ënät jatëkok ja tsujkn xykyoonë'ëkëty ets jatu'kpëky ja mwaay xynyëëtsukëty tu'kkajpnpa'a xytsyukëty; e jatu'kpëky mëti'ipë ënäty mjaak nëëtsujkpyën jëtu'unyë pojjoty xywyëjwa'kxëty. Yë mayjyä'äy ëx'amës npanëjkxa'any mëët tu'uk yë tëypyujxn nkë'ëkëjxyës.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënäty të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.