Jeremias 9:11 - Biblia Mixe de Quetzaltepec

¹¹ Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Biblia Dc en Mixe de Quetzaltepec

¹¹ Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Jeremias 9:11 ပူးပေါင်းရင်းမြစ်များ

Isaías 25:2

Tä tsaapajkjotmën ja naax kajpn të xytyuunta'ay, ets xit ko'ow ja naax kajpn të y'awinpity ma ijty ja'ay nyäkyëwent'atëtën; ojts ja mëtsip ja kyumoontëjk xyjyijtaayë, ets ka'ap ojts pën t'ëk'akojënë.

Jeremias 51:37

jëtu'un jyata'any tä ja'ay naaxmaj muum tniko'owpetyën, wax jam ya'axaanp jokaanp, ni pën jam kyatsëënëja'any, aak tsë'ëkëjaanp jam yë ja'ay.

Jeremias 10:22

Mëtoow'itë yajxon. Tëë ja nija'awën tu'uk jyä'ty. Jam anëkëjxmtsow tsyoony, tu'uk yë naax kajpn mëti'ipë Judá kajpn yajkutëkoyäämpyën ets tyaj'awinpita'any të'ëts'itjot ma nëjkx ja wax ya'axtën jyoktën.

Isaías 34:13

Jam ma ja akujktëjkën aak äpnyjyot, aak mëëyjot, aak aats jot nëjkx y'awinpijta'ay. Maywyax nëjkx jam yä'äxy jyoky ets may lut nëjkx jam nyäpyä'än nyämyu'uxyë.

Isaías 13:22

Jam ma ijty ja ja'ay kyëwent'atën, atsiinykyaa nëjkx jam myu'uy nyiitsy; ets ma ja ënä'ämpëtëjk të pyo'kxtën, maykyaa nëjkx jam tyëjkënë. Tim miin tim këtakp ja xëëw po'o ma ja Babilonyë kajpn o'ktëy jyata'anyën; wäänë jyak'ita'any.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Lamentaciones 3:47

ëtsë'këtyëp, yaj'ookantëp, yajkutëkoyantëp ets xit ko'ow ëëts je'eyë të xytyuunta'atë, jëtu'unës njat të nkëpätë.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënäty ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Jeremias 34:22

Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Jeremias 26:18

Ma yajkutujkyën yë Ezequías, mëti'ipë jam Judá ënä'ämën, jää ojts yë Miqueas mëti'ipë Moreset tso'onpën, tnikäjpxy tnimëtyä'äky yë Wintsën yë y'aaw y'ayuk ets ojts tmëkäjpxy yë Judá ja'ayëty, ma t'ënëmaayën: Yë Wintsën mëti'ipë maaytyääyëpën winë jëtu'un y'ënä'äny: Jëtu'un yë Sión kajpn y'awinpita'any tä yë tsajpkaa yu'uyën, yë Jerusalén kajpn xit ko'ow jyata'any ets jam ma nitunën kajpnjotmëpë y'ityën, wa'ats y'aatëkoyä'äny.

Jeremias 25:11

Nëjkxëp ya'atë naax kajpn kyutëkooytyä'äy ets xit ko'ow nëjkx jyajta'ay. Tëkë'px majk jëmëjt jëtu'un ya'atë naax kajpn y'ita'any, yë'ë ënä'ämanëp yë Babilonyë yajkutujkpë.

Salmos 79:1

Mijts Tios, yë ja'ayëty mëti'ipë y'ëwtajtëpën ka'apë tiosëtyën, tëë tniwa'kta'atë tëkokyë mëti'ipë mijts mjä'ä'ajtypyën, tëë tyajma'ta'atë yë mtsajptëjk ets xit ko'ow të tuunta'atë yë Jerusalén kajpn.

Miqueas 6:16

Jä'ä ko mijts yë'ë të xypyanëjkxy ets të xytyuny ja Omri ja y'ënä'ämën ets ja Ahab ja jyiiky myëku'uk; jëtu'un winë të xytyuny tä yë'ëjëtyën. Paaty mijts ets mnaax mkajpn atsë'ëk ajawë jyata'antë ets je'eyë nëjkx yajnëxi'ik yajtukxi'iktë, ja nnaax nkajpnës ja tsyëtsyu'un jam nëjkx kyëtakta'ay ma mijtsën.

Miqueas 1:6

Paaty yë Wintsën y'ënä'äny: Kujy jityës yë jëën tëjk nyaj'awinpita'any jam Samaria ets tä yë kam tu'ujën winwa'atspë ma yajkojëtyën yë tsatym. Jamës yë tsaa nko'owtëwa'any joyjotm mëti'ipë jamën kajpnjotm ets yaj'ixëty wi'ix kyëxë'ëkyën ja potsy ëjx.

Jeremias 26:9

¿Ma jëtu'unpë winma'any xypyiky ko m'ëna'any ko ya'atë tsajptëjk mëti'ipë Wintsën tyëjk'ajtypyën jëtu'un jyata'any tä jyäjtyën jam Siló ets ko m'ëna'any ko ya'atë naax kajpn kyutëkoyä'äny ets tukwa'ats wyë'ëma'any ets ko ka'ap yaa pën tsyëënëja'any? Tä ja mayjyä'äy myujkpejty ets ojts tyajnatuktë ja Jeremías.

Jeremias 25:18

Ojtsës ntuk'uuky yë Jerusalén kajpn ets Judá kajpn mëët yë yajkutujkpëtëjk, y'ënä'ämpëtëjkëty ets tyimkutëkooytya'atëty, xit ko'ow jyajta'atëty, mëti'ipë je'eyë nëjkx yajtsë'ëkëtën ko ënäty yaj'ixy, yë'ë ijxpäjtën'atëp ko ënäty të yajpoky xëmëkyëjxm.

Isaías 44:26

E ja ntuunpës ja y'aaw y'ayuk ëjts kë'ëm ntuknipëjktakëp ets y'atëwëty, mëti'ipë myääytyëpën tyajtëpën tyunëtëty jyatëtëty ijxtëm të tuknipëjktaakëtën. Tyamës nnikäjpxy ko ja Jerusalén kajpn yajtuktsëënëjaanp jatëkok ets Judá kajpn nëjkxëp jatëkok yajkoj'oyë. Ëjts të ntuknipëjktaakë ets yajkoj'o'oyëtya'ajëty jënu'un xit ko'ow yajpaatyën.

Nehemías 4:2

Ets t'ënëmaay ja myëku'uktëjkëty ets tsiptuunpëtëjkëty Samaria ja'ayëty: ¿Wi'ix tääjën tääpë jutië ja'ayëty tyimnäyjya'awëyëtë, jëtu'unts yaj'ijxnëtë yuu ookanëtëp yowënë? ¿Ëkë jä'ä tääjën myäytyë tyajtë ko yaj'ëxmatstëp ënät ets jatëkok ja Tyiosëty ja wyintsë'kën tmo'otëtyë? ¿Ëkë y'ëna'antë ko tu'kxëëyë je'eyë tyajwintu'upëjkta'atëty ja tyuunkëtyë? ¿Ëkë aak oyëty ja tsaa ënät t'ëkjuuta'antë ma tëë wyintooykyëtaktaaynyënë?

Apocalipsis 18:2

Mëk yyä'äxy jyoky: Tëë kyuka'anaxy, të kyuka'anaxy ja mëj Babilonyë kajpn. Tëë y'awinpity ku'oypyë tsënaaytyakn ets jëyujk tsënaaytyakn; ja jëyujk mëti'ipë ka'ap wya'atsëtyën, ja ëxëëkpë yaj'ixyën.

Levitico 26:32

Nëjkxëpës ja naax kajpn nyajkutëkoy ets ja mëtsipëty mëti'ipë ënäty jam miintëpën tsënääpyë, janty mëj winma'any nëjkx t'ëk'ixtë.

Salmos 44:19

E mijts ni'ikyës ëyo'ontum të xyajwë'ëmtë. Etsës o'kënjëjp'am të nka'atë.

Jeremias 1:15

Ëjts mëti'ipë Wintsën'ajtpën, yajxon ntimy'ënëëmëtë ko nmëkajpxta'ajäämpyës nitëkokyë yë yajkutujkpëtëjk mëti'ipë jamtsow anëkëjxmtsow ënä'ämtëpën ets myiinta'atëty ets nëjkx jam tpëjktakta'atë yë kyutujktakn maajaty nyäxyën yë potsy mëti'ipë yë Jerusalén kajpn nyapots'ajtypyën ets maajaty ja Judá kajpnën.

Jeremias 4:27

Jëtu'un ja Wintsën y'ënä'äny: Ëxëëk ja naaxwiinyëtë jyata'any, je'eyëp ko ka'apës ntimyajkutëkooytya'aja'any.

Jeremias 44:2

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Miitsëty tëë xy'ixtë ja ëyo'on jotmay mëti'ipë jam Jerusalén të y'ityën ets ma Judá nyaax kyajpnën. Tyam xit ko'ow yajpaaty ets ka'ap jam pën tsyëënë

Jeremias 49:33

Aanë'ëk tëëtsë'ëk nëjkx wyë'ëmnë yë Hasor kajpn, wax nëjkx jam xëmë yä'äxy jyoky. Ka'ap jam nëjkx ni pën y'ëktsënaaynyë, oy jeexyë je'eyë pën tyu'uma'ay.

Jeremias 50:3

Jam anëkëjxmtsow tu'uk ja naax kajpn tsyoona'any mëti'ipë nëjkx tyaj'awinpityën ja kajpn aanë'ëk tëëtsë'ëk. Nitu'uk yë ja'ay nëjkx jam kya'ëktsënaaynyë, yë'ëpaat aayjëyujk ujtsjëyujk ka'ap nëjkx jam y'ëkyajpatnë, ni'ikyë ja ja'ay kyäkta'aja'antë.

Lamentaciones 1:4

Mon tuk yaj'ixy yë Sión tu'u. Ka'ap pën y'ëkmiinë xëëw'ijxpë. Aanë'ëk tëëtsë'ëk yajpaaty ja tëjkëtyakn, jëëytyëp yaxtëp ja teetytyëjkëty, ëjtëp tu'ktëp ja ëna'ktëjkëty ets ja Jerusalén kajpn yajpaaty mon tuk.

Deuteronomio 29:23

Ets t'ixtëty ko ja naaxwiinyëtë je'eyë ënäty të y'awinpijnë naaxwayën, naaxtooyën ets kaanën. Ka'ap nëjkx tjëkyepy wi'ix pën nyi'ipëtyën ets nitii'aay nitii'ujts nëjkx kyayony, jëtu'un jyata'any tä jam Sodomë ets Gomorra jyäjty kyëpejtyën ets jam Admá ets Seboím mëti'ipë ja Wintsën yajkutëkooyën ko tukjoot'anpëjky.

Salmos 107:43

Mëti'ipë ja'ay wijyën jyä'äkyujkëp yë jëtu'unpë ets wyinja'ap wi'ix yë Wintsën yë tsyojkën jya'awën myëjëtyën.

Jeremias 8:22

¿Këtii jëtää jam Galaad ma tsooyë? ¿Këtii jëtää jam pën mëti'ipë yajtsokpënë? ¿Wi'ix ko yë nnaax nkajpnës ka'ap tsyo'oky y'akëtä'äky?

Jeremias 16:10

Ko ënäty xytyukmëmëtyä'äky ja naax kajpn ya'atë aaw ayuk, nëjkxëp myajtëëwinpitëtë: ¿Wi'ix jëtää ko yë Wintsën jëtu'un të tuknipëjktakëpë etsës ëyo'on jotmay mpaatëty mëjwiin këjää? ¿Tii tuuntëko'oyën ëëtsëty të ntuntë? ¿Tii poky ëëtsëty të ntukmëtëkoytyë yë nWintsën'ajtëm Tios?