Jeremias 8:14 - Biblia Mixe de Quetzaltepec

¹⁴ Ets nëjkx ja naax kajpn y'ënä'äny: ¿Tii ko yaa nwë'ëmëty? Nikë tsojk nja'amëmë ma kajpnën këwent'atypë wä'än jam n'o'këmë. Yë nWintsën'ajtëm Tios je'eyëm xyaj'ooka'anëmë mëët yë nëë tsooymyëëtpë mëti'ipë yaj'o'kpën, jä'ä ko tëë nmëtëko'oyëmë.

Biblia Dc en Mixe de Quetzaltepec

¹⁴ Ets nëjkx ja naax kajpn y'ënä'äny: ¿Tii ko yaa nwë'ëmëty? Nikë tsojk nja'amëmë ma kajpnën këwent'atypë wä'än jam n'o'këmë. Yë nWintsën'ajtëm Dios je'eyëm xyaj'ooka'anëmë mëët yë nëë tsooymyëëtpë mëti'ipë yaj'o'kpën, jä'ä ko tëë nmëtëko'oyëmë.

Jeremias 8:14 ပူးပေါင်းရင်းမြစ်များ

Jeremias 23:15

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ënëëmë ja käjpxynyajxpëtëjkëty: Yë ntukkayantëp mëti'ipë ta'amën; yë'ë ntuk'uukantëp mëti'ipë yaj'o'kpën, jä'ä ko mëët yë'ëkyëjxm ko yë käjpxynyajxpëtëjk të pyokytyuntë, tëë ja nëë poky kyëjääjë ma tu'kë'ëyë naax kajpnën.

Jeremias 9:15

Paaty ëjts maas nWintsën'atyën, mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'unës n'ëna'any: Yë'ëjës yam ntukjë'kxantëp ta'ampë, nëëjës yam ntuk'uukantëp tsooymyëëtpë mëti'ipë yaj'o'kpën.

Lamentaciones 3:19

Nja'amyejtsypës yë nmonyë ntukyës, yë n'ëjënës ntu'kënës ets n'ëyo'on njotmayës;

Jeremias 35:11

E ko yë Nabucodonosor, Babilonyë yajkutujkpë ojts tukja'ty ya'atë naax kajpn, ënätës ojts nmintë yaa Jerusalén yë'ëjës nkukäktëp ja tsiptuunpëtëjk ja Caldeo ja'ayëty ets Siria ja'ayëty; paatykyëjxm ëëts yaajëty Jerusalén.

Mateo 27:34

jam tuk'uktë ja Jesús ja tsatsym nyëë xëpiny mëët yë hiel; ko Jesús tja'awëmyäjtsy, ka'ap t'uukany.

Salmos 69:21

Maas yë n'uuky ntojkxën tëë jap t'apëkëtë mëti'ipë yaj'o'kpën, koos të ntëëtsë yë'ëjës të xytyuk'uuktë nëë mëti'ipë xunën ets ta'amën.

2 Samuel 20:6

Tä ja David t'ënëmaay ja Abisai: Yë Sebá wä'än ënät ni'ik ja jotmay xytyuk'ijxmëty këtiinëm jyëtu'unëty yë Absalón. Paaty yam mijts ntuknipëky xytyu'uwinwowëty yë ntsiptuunpëtëjkës ets wiinkuwa'akë tääpë Sebá, këtiipë muum ja kajpn mëti'ipë ta'tspëkyën t'ëkjä'äpëjknëty ets xy'ëkukäkënëty.

Deuteronomio 29:18

Ma miitsëtyën, ni pën tka'ëxmatsëty yë nyë'ë'aaw tyu'u'aaw yë nWintsën'ajtëm Tios ets tpanëjkxtëkëty ja wiink tios, mëti'ipë tääpë yë naax kajpn y'ëwtajtëpën. Ka'ap mëpaat yajpaaty ma miitsëtyën yë ja'ay mëti'ipë yë Wintsën jëtu'un jyawëpën tä yë ujts mëti'ipë ta'amën.

Zacarías 2:13

Wä'än ni'ëmukë ja'ay t'ëmoonta'atë yë'ë wyintuuy, jä'ä ko yë'ë jam të tsyoony ma y'ijtaknën wa'atspë ets të xynyimi'inëmë yaa ëëts'ajtëmë.

Habacuc 2:20

E yë Wintsën jap yajpaaty ma tsyajptëjkën wa'atspë, amonyë mëpaat yë naax kajpn jap yajpaaty yë'ë wyintuuy naaxwiinyëtë apëtsëmy.

Amós 6:10

Nëkooyë nëjkx ja'ay tsyë'kënëtë jya'awënëtë, ko tu'uk yë ja'ay jap tyëkëty tëkoty ets ja myëku'uk tjuuta'anëty mëti'ipë ënäty jap të y'ookyën, ënät nëjkx t'ënëëmë wiinkpë myëku'uk mëti'ipë ënäty jap tëkoty yajpatpën: ¿Jap wiinkpë të xypyäätyë? Ka'ap, jëtu'un nëjkx y'ëtsoy. Ets nëjkx y'ënä'äny ja mëët tu'ukpë: Amonyë it, ko ajotkumonë Wintsën yë xyëëw xykyajpxpatëty.

Jeremias 14:20

Wintsën, nja'akyujkëtëp ëëtsëty ko tëë nmëtëkoytyë ets ko tëë pyokytyuntë ja n'ap n'okëtyës; tëëjës npoky tyuntë mijts mwintuuy.

Salmos 39:2

Uumës ojts näpyëjktä'äkyë, ka'apës tii nkäjpxy; yë'ëpaatës ka'ap oypyë nkäjpxy. E ja npa'amës ni'ikyë të myëjtä'äky.

Deuteronomio 32:32

Yë'ëjëty je'eyë nëkoo wyin'ëën wyinxajtë, je'eyë ja y'ëxëëkjot y'ëxëëk winma'anyëty, tä ja ja'ayëtyën jampë tsyënaaytyën Sodomë ets Gomorra, ma janty oyëty jyayaj'ixyën ja tsatym kyepy jyayony jyajiitsy, e ko një'kxmëty xunëm, ta'amëm y'atëkë.

Levitico 10:3

Ënät ja Moisés t'ënëmaay ja Aarón: Ya'atë jëtu'un yë Tios të tjatijy ko të y'ënä'äny: Pën nëkoo kë'ëmwinma'any xymyëwinkoonpës ntuk'ixëpës yë nwa'atsajtën, ets jëtu'un yë Israel ja'ayëty t'ixtëty, ëjts yë nmëj'ajt n'oyajtën. Yë Aarón amonyë ojts tyimwë'ëmy.

Isaías 47:5

Amonyë naaxwääts mijts to'ox ëna'k, Caldeo ja'ay; akootstuuy tëkë, jä'ä ko ka'ap m'ëk yajtijjanë yajkutujkpë ma ja naax kajpnën.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Jeremias 14:7

Wintsën, yë nnëë npokyëtyës ka'apës xyajjotkujk'atë. Mijts ko mëtëy winë xytyuny paaty yë mxëëw myëjnaxy. Ëëtsëty kanu'umpë npokytyuunëtës ets ko ka'ap myajmëj'ixy ets ka'ap myajwinkutsë'ëkë.

Jeremias 9:14

Kujuun nyäpyëjktakëtë ets jëtu'un ojts winë tuntë tä ja kyë'ëm jot kyë'ëm winma'anytyën ets wiink tios ojts t'ëwtajtnëtë tä yë y'aptëjk tyukni''ijxëyëtën.