Jeremias 7:6 - Biblia Mixe de Quetzaltepec

⁶ ets ka'ap xyaj'ëyowtë mëët yë tuunk yë jëpyokxy jyä'äy, yë ku'ooky u'unk, ku'ookytyo'oxy ets ka'ap xyaj'ooktë ja'ay ka'apë tii poky tunyën ma ya'atë it naaxwiinyëtën ets ka'ap xy'ëwtatë wiink tios mëti'ipë nëjkx ok ëxëëk xykyujatëtën,

Biblia Dc en Mixe de Quetzaltepec

⁶ ets ka'ap xyaj'ëyowtë mëët yë tuunk yë jëpyokxy jyä'äy, yë ku'ooky u'unk, ku'ookytyo'oxy ets ka'ap xyaj'ooktë ja'ay ka'apë tii poky tunyën ma ya'atë it naaxwiinyëtën ets ka'ap xy'ëwtatë wiink tios mëti'ipë nëjkx ok ëxëëk xykyujatëtën,

Jeremias 7:6 ပူးပေါင်းရင်းမြစ်များ

2 Reyes 21:6

Ojts ja y'u'unk y'ëna'k tyajtooy tyajjäämnë, ma tukwintsë'këyën ja ka'apë tyiosëtyën, yajtuun ja najtsja'apë, yajkutujk ets ja ja'ay tuunk'atëty ja kajpxpojkën, paatoy panajxk. Tim tëkatsy ojts winë tuny, je'eyë ja Wintsën tyajjoot'anpëjk.

2 Reyes 24:4

ets ko ja ne'pny ënäty nëkoo të tam të tjä'ätstë jam Jerusalén. Paatykyëjxm ja Wintsën ka'ap ojts y'ëkpokymyä'kxënëtë.

Salmos 106:38

Ojts nanëkoo tyaj'o'knëtë mëti'ipë ënäty ka'ap tii poky tmëëtëtyën, ja jyot nye'pynyëty ja nyëëxëty ets ja myaankëty, ojts tukwintsë'kënëtë ja ka'apë tiosëtyën, jampë Canaán yajpaatyën. Jëtu'un'äämpy ja naaxwiinyëtë ojts tyaj'ëxëëkëtë mëët ja jot ne'pny.

Proverbios 23:10

Këtii xyajtëkatsëty yë tsëpa'an mëti'ipë të tpëjkta'aktën yë m'aptëjk, ni yë'ë xykyapëjkëty yë nyaax kyam yë ku'ooky u'unk,

Isaías 59:7

Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Jeremias 13:10

Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Jeremias 19:4

jä'ä ko yë Israel ja'ayëty ojts xy'ëxmatstës ets ojts ya'atë it naaxwiinyëtë tyaj'awinpitë wiink naax wiink kajpn, wiink tios ojts tukwintsë'ëkëtë ja poom jok, ja tios mëti'ipë ënäty ka'ap t'ixy'atën ets ja y'ap y'okëty ets Judá yajkutujkpë nän ka'ap ënäty të t'ixy'atë; ojts jam tämtë tjä'ätsë ja wa'ats ja'aytyëjk ja jyot nye'pnyëty.

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 2:34

Aak ëxëëk ja mwit mtujkxy yajpaaty mëët ja ëyoopëja'ay ja jyot nye'pyny ets mëti'ipë ka'ap tii poky tmëët'atën, mëti'ipë nimaa të xykyakupaatën myeetsy.

Jeremias 26:15

Je'eyëp tëy ko yajxon xytyimwinmaytyëty: pën xyaj'o'ktëpës, miitsëty ets nitëkokyë ja'ayëty mëti'ipë kunaax kukajpnëtyën pokymyëët nëjkx wyë'ëmta'atë mëët ko ënäty të xyaj'ooktë tu'uk ja'ay mëti'ipë ka'ap tii poky tmëëtëtyën; jä'ä ko ëjts Wintsënës të xykyexy ets miitsëty ntukmëtowtëty ya'atë aaw ayuk mëti'ipë të xymyëtowtën.

Jeremias 26:23

ets tyajtso'ontë jap Egiptë ja Urías ets tuknimiintë ja Joaquim yajkutujkpë, tä ni'ënä'ämëy ets tyaj'ooktëty ets ja nyini'kx tkujëpijpëtëty ma ja o'kpëjutën ma ja may o'kpë nyipetyën.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Jeremias 5:28

je'eyë ni'kx të y'awinpijnë ko jyi'kxy janaam jatsojk. Ka'ap yajnijawë naak ok të tyuuntëkoy të kyajpxtëkoy: Ko ja ku'ooky u'unk yajnipaye'eyä'äny, ka'ap tnipaye'eytyë mëtëy, mëti'ipë ja ëyoopëja'aytyëjk ja paatë'ajtëtëp, ka'ap tmëmay tmëtajy ets ka'ap tputëkë.

Jeremias 7:5

Pën miitsëty myaj'o'oyëtëp yë mjuukyajtënëty ets mjot mwinma'anyëty ets mëtëy winë xytyuntë xykyajpxtë ma mjëëky mmëku'ukëtyën,

Jeremias 7:9

Mmä'tstëp, myajja'ay'o'ktëp, mmëët'ajtëp wiink ye'etyëjk wiink to'oxytyëjk, ka'ap tii mëtëy xynyikajpxtë; mwintsë'këtyëp ja Baal ets wiink tios m'ëwtajtëp mëti'ipë ka'ap xy'ixy'atën,

Lamentaciones 4:13

Ets yë'ë jëtu'un të tkujatëtë ko ja teetytyëjkëty ets ja käjpxynyajxpëtëjkëty të tyëkoytyë, ko jap tsajptëkoty të yaja'ay o'knëtë, ko të tyaj'o'knëtë ja ja'ay ka'apë tii poky tmëëtëtyën.

Ezequiel 18:6

ka'ap jam nyijkxy kopkkëjxm ma ja'ay tnixëëwtunyën awinax ets ka'ap tuk'ijxpety ka'apë tiosëtyën mëti'ipë Israel ja'ayëty myëët'ajtëpën; ka'ap yë myëku'uk yë tyo'oxytyëjk t'atsojkë ets wyinkutsë'këp yë tyo'oxytyëjk ko y'ëmaay'ity;

Ezequiel 22:7

Yë ja'ayëty mëti'ipë tsënaaytyëpën ma mijtsën ka'ap twinkutsë'ëkëtë yë tyaak tyeetyëty; ëxëëk tuntë yë jaaypyo'kxy, yaj'ëyoowtëp yë ku'ooky u'unk ets ku'ookytyo'oxy.

Levitico 19:33

Këtii nëkoo xyaj'ëyowtëty yë jaaypyo'kxyjyä'äy, mëti'ipë tsënääpyën ma miitsëtyën.

Levitico 25:17

Nipën mëpaat yë myëku'uk tkawin'ëëny, yajnikëxë'ëktë yë näywyinkutsë'kën ma mTiosëtyën, jä'ä koos jëtu'un Wintsën, mëti'ipë miits mTiosajtëpën.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Mateo 27:25

Tääts ja ja'ay ni'ëmukë y'ëtsoowtë: Ëëëts yë xypyatëp mëëtës ja n'u'unk n'ëna'këty ko y'ookëty.

Mateo 27:4

ets t'ënëmaay: Tëës ntuuntëkoy koos të nkë'ëyäky ja ja'ay ka'apë tii poky tmëëtëtyën. Ets yaj'ëtsooy: Tiijës yë nkëwent'atë? Mkë'ëmwinma'any yë'ë.

Deuteronomio 11:28

E pën wiink tios mpanëjkxtëjkëtyëp ets ënäty yë'ë xy'ëwtajnëtë ets xymyëtuunëtë, tä jeexyë yë'ë xy'ëwtatën ja mëtëypyë ja Wintsën, jää näpyokë nëjkx y'ity.

Deuteronomio 24:17

Këtii nëkoo o'ktëy xytyuntëty yë jaaypyo'kxy, ni yë'ë ëxaty xykyatuntëty yë ku'ooky u'unk ets ja ku'ookytyo'oxy, ko ënäty mënu'kxy'ätyë. Këtii yë wyit tyujkxy xypyëjkëtëty mëti'ipë ja nu'kxy mtukutëkëtëpën.

Deuteronomio 27:19

Poky yë ja'ay wyë'ëmëty, mëti'ipë o'ktëy yë jaaypyaat jaaypyo'kxy tyuunpyën näjyëtu'un yë ku'ookytyo'oxy ets ku'ooky'u'unk. Ënät ja ja'ay y'ëtsowtëty: Oy, jëtu'un'atëp.

Deuteronomio 8:19

E pën mja'atyëkooynyëtëp ja mWintsënëty ets ja wiink wintsën xypyanëjkxnëtëty ets jä'ä xy'ëwtajnëtëty, tyam miits yajxon n'ënëëmëtë, ko nëjkxëp mkutëkooytya'atë.

Santiago 1:27

Ja mëpëjkën oypyë ets wa'atspë Tios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.