Jeremias 7:34 - Biblia Mixe de Quetzaltepec

³⁴ Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Biblia Dc en Mixe de Quetzaltepec

³⁴ Nyaj'atëkoyäämpyës yë ëëpë yaxpë ets äjtsën pujtën ma Judá kajpnën ets ma Jerusalén kajpnën, yë pëjkpë ukpë ka'ap nëjkx pën wyin'etsyë; tu'kë'ëyë naax kajpn aanë'ëk tëëtsë'ëk nëjkx y'awinpijta'ay.

Jeremias 7:34 ပူးပေါင်းရင်းမြစ်များ

Job 3:7

Nikë oy'ajt ko jeexyë jä'ä xëëw, ka'ap pën myëxu'unk'ajty, nikë oy jeexyë jää pën kyaxoontäky.

Salmos 78:63

Ja ëna'ktëjkëty jëënjoty ojts y'o'kta'atë; ja pëjkpëty ukpëty ka'ap ojts y'ëkyajwin'ëëwnëtë.

Isaías 1:7

Anë'ëk tëëtsë'ëk ja mnaax mkajpn të wyë'ëmnë, aak tooy aak jäämnëp je'eyë ja naax kajpn. Ma mjëën mtëjkëtyën ja mmëtsip jap winë jyë'kxtëp mëti'ipë miitsëty të xynyitunëtën.

Isaías 3:26

Jë'ëjaanp ya'axaanp ja naax kajpn ets mon tuk yajpaata'any, nëjkxëp ja ja'ay tsyo'ontaaynyë ets tukwa'ats ja naax kajpn wyë'ëmëty.

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënäty ka'ap nitu'uk ja ja'aynyën; tëë ënäty ja jëën tëjk tyukwatsta'ay, ets tëë ënäty ja kam tu'u y'awinpijta'ay anë'ëk tëëtsë'ëk,

Jeremias 16:9

jä'ä ko ëjts, Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, ëjts ënaanp: Nyaj'atëkoyäämpyës ja xëëw ets ja xoontakën, ja ëy yä'äxy ma yajwin'ëwtën ja pëjkpë ukpë. Ya'atës nikäjpxyën jää tyuna'any jyata'anyë ma ënäty mjuuky'atën ets nëjkxëp kë'ëm xy'ixtë.

Jeremias 22:6

Jä'ä ko yë Wintsën tëë tnikäjpxy wi'ix jyata'anyën yë Judá kyutujktakn: Jëtu'un mijts njawë tä yë Galaad kopkën, tä yë Líbano kupi'tykyën, e ëjts yajxonës nikäjpxy ko të'ëts'itjot nyaj'awinpita'anyës ets ni pën jam nëjkx kyatsëënë.

Jeremias 25:10

Ëjts ka'apës n'ëwa'atsa'any nijëna'a ets jam jatëkok yë ja'ay xyi'ik y'ëwë'ëkëty ëkë y'ëwëty ya'axëty akujk jotkujk, ka'ap nëjkx pëjkpë ukpë y'ëknänyikaayënë, ka'ap nëjkx ja'ay y'ëkyajmëtoownë tsaa tukjëtsy ets yë'ëpaat nëjkx ka'ap yë kutë'kxn y'ëktë'kx y'ëkjajnë.

Jeremias 27:17

Këtii xymyëpëktëty. Nikë Näkyë'ëyakëtë jam ma Babilonyë yajkutujkpën ets mjuuky'atëty. ¿Tii mpëktëp mpaatëp ko ya'atë naax kajpn jyatëty xit ko'ow?

Jeremias 33:10

Jëtu'un yë Wintsën y'ënä'äny: Miitsëty jëtu'un m'ëna'antë ko ya'atë itjot aanë'ëk tëëtsë'ëk yajpatnë, ko ka'ap pën ja'aynyë ets ka'ap tii jëyujknë; ko yë Jerusalén kajpn ets Judá kajpn tukwa'ats të y'awinpity, ko ka'ap jap tii ja'aynyë ets ka'ap jap tii jëyujknë. E yajmëtowaanp jatëkok

Jeremias 33:11

ja ëy xoontä'äky ets xuxën wojpën. Nëjkxëp ja pëjkpë ukpë yajwinxoonta'aktë ets ja ja'ay tyaka'antë ja wintsë'kën, tyajnaxa'antë ja kukajpxën.

Jeremias 4:26

Ojts n'ixyës ja pëjykyamjot, aanë'ëk tëëtsë'ëk të y'awinpijta'atë, tu'kë'ëyë ja naax kajpn xit ko'ow ënäty të jyajta'atë. Ja Tios ja tsyip y'äkë ënäty jëtu'un winë të tyajjajta'ay.

Jeremias 4:27

Jëtu'un ja Wintsën y'ënä'äny: Ëxëëk ja naaxwiinyëtë jyata'any, je'eyëp ko ka'apës ntimyajkutëkooytya'aja'any.

Jeremias 44:6

Ënät njoot'anpëjkyës ets n'ëwa'antäkyës, jëtu'un tä jeexyë yë jëën tsyooypyijkyën jam Jerusalén ets jam Judá ets të mya'taay ja naax kajpn, xit ko'ow të jya'ajtaay tyampaat je'eyëm jam.

Lamentaciones 5:14

Ka'ap maa ja mëjja'aytyëjkëtynyë mëti'ipë jam ma tëjkëtyaknën yajpatëpën; ka'ap y'ëkyajmëtoownë ëna'ktëjkëty y'ëk'ëëw y'ëkyaxnëtë.

Ezequiel 26:13

Jëtu'unës nyajjëjptuka'any ja m'ëy myä'äxy ets ka'ap y'ëkyajmëtowanë yë mkow.

Ezequiel 7:11

Winkëxë'knëp ja tsiptuunk ets aak ëxëëktuuntëp ja ja'aynyë. Ma yë'ëjëtyën nitii kya'ëktsowtëjkënë.

Oseas 2:11

Nëjkxëpës nyajkëxy nyajnaxy yë xyoontakënëty, yë xyëëwëty ets ma po'o u'unk tnixëëwtuntën, ma sapëtë xëëw tpo'kxtën ets tëkokyë xyëëwëty.

Oseas 2:13

Jënaak xëëw jënaak jëmëjt yë poom të tukwintoy të tukwino'oktën yë y'awinaxëty jëtu'un xëëw jëtu'un jëmëjtës näjyëtu'un ntëytyuna'antë, ko ijty tmëjjawë yë y'awinax pyëjktäkpy yë kyë'ëjiits yë nyantsëm ets tpanëjkxy ja y'atsoky ye'etyëjk etsës xy'ijxtëkooy xyjyä'äytyëkooynyës. Ëjts Wintsën, ëjts jëtu'un ënaanpës.

Levitico 26:33

Jëtu'unyë nëjkx n'awojpwa'kxtë ets jëtu'un mkä'äktëty mputëty, tä jeexyë pën yë tëypyujxn mtukpajëtitëtën. Anë'ëk tëëtsë'ëk nëjkx ja naax kajpn y'awinpijnë ets ja'ayë ja may pyotsykyutuk kyëxë'knëty tsë'ëkë jawë.

Miqueas 7:13

Yë naaxwiinyëtë, aanë'ëk tëëtsë'ëk y'awinpita'any mëët ko të tyëkoytyë yë naaxwiinyëtë ja'ay, jëtu'un wyinpëtsëma'any ja y'ëxëëktu'un y'ëxëëk kajpxënëty.

Apocalipsis 18:23

Ka'ap y'ëkjaj y'ëktë'kxnëty ja kutë'kxn, nijëna'a kya'ëkyajmëtoownëty ja xëëwtu'unën, ja pëjkën ukën, oy ja m'ajuuy m'ato'kpë mëkja'ay të jya'itë yaa naaxwiiny. Tëë nëkoo xywin'ëëny ja naaxwiiny ja'ay mëët ja mpanajxën.