Jeremias 7:31 - Biblia Mixe de Quetzaltepec

³¹ Ma ja Ben-hinom joyjotmën, jam të tkojtë yë Tofet wyintsë'këntyakn ets jam nino'oka'antë ja y'u'unk y'ëna'këty ye'etyëjkpë to'oxytyëjkpë, mëti'ipës ka'ap nijëna'a ojts ni'ënä'ämën ets ka'apës ojts nijënu'un ntimmyäy ntimtyäjy jëtu'un y'ëtë'ëtstëty.

Biblia Dc en Mixe de Quetzaltepec

³¹ Ma ja Ben-hinom joyjotmën, jam të tkojtë yë Tofet wyintsë'këntyakn ets jam nino'oka'antë ja y'u'unk y'ëna'këty ye'etyëjkpë to'oxytyëjkpë, mëti'ipës ka'ap nijëna'a ojts ni'ënä'ämën ets ka'apës ojts nijënu'un ntimmyäy ntimtyäjy jëtu'un y'ëtë'ëtstëty.

Jeremias 7:31 ပူးပေါင်းရင်းမြစ်များ

2 Reyes 23:10

Josías ojts näjyëtu'un t'akajpxtuky ets ja ja'ay ka'ap ja y'u'unk y'ëna'k t'ëkyajtooy t'ëkyajxaamnëtëty ma ja potsyën, jampë yajpaatyën joyjotm ma txëëwatyën Ben-hinom ets ka'ap t'ëktukwintsë'kënëtëty ja Moloc.

Jeremias 32:35

Tëë jam näjyëtu'un yë Baal wyintsë'këntyakn tkojëtë ma Ben-hinom Joyjyotën. Jamts yë y'u'unk y'ëna'k të tyaktë kë'ëy xo'oxy ye'etyëjkpë to'oxytyëjkpë ets të tukwintsë'ëkëtë ja Moloc ets jëtu'un tyajpokytyuntë ja Judá ja'ayëty; tëë tuntë ja mëti'ipës ënäty ka'ap të ni'ënä'ämën ets mëti'ipës ënäty ka'ap të nmay të ntajyën.

2 Reyes 17:17

Ojts ja y'u'unk y'ëna'k tyajnitooynyëtë, tyajknëtë ets wyintsë'kën'atëty, ojts tjajtnëtë wi'ix winë tnajtsjawëtëtyën ets ojts tnija'awënyëtë wi'ix ja kë'ë tyajmëtya'aktëtyën, tuunëtë tkajpxnëtë ja ëxëëkpë, mëti'ipë ja Wintsën ojts tukyajjoot'anpëktën.

Levitico 18:21

Këtii nijëna'a yë m'u'unk xykyë'ëyakëty ma ja wiink tiosën, mëti'ipë xyëëwajtypyën Moloc, këtii yë mTios jëtu'un'äämpy xyajjotma'atëty. Ëjts jëtu'un Wintsën.

Ezequiel 16:20

Ojts näjyëtu'un ja n'u'unk'ajt n'ëna'k'ajtëm xytyukwintsë'kënë tääpë awinax ets tsu'tstë twëjtstë. Ka'ap yowë xytyim mëjpëjktä'äky ko kujeny të m'awinpijnë,

2 Crónicas 33:6

Tä tyaj'o'ky ja y'u'unk y'ëna'k ets nino'ky nixämy mëti'ipë tyukwintsë'këyën ja Ben-hinom; ojts tyajmëjnajxnë ja näpyatoy näpyanaxë, ja najtsja'awën, ja toonkajpk ets ja kaxpojkën. Tim tëkatsy ojts winë tuunë, aakjä'ä mëti'ipë ja Wintsën y'ëxëëk'ijxypyën.

2 Crónicas 28:3

ojts ja poom tyajjoky tyajwiixy jam ma ja joyjyot txëëwatyën Ben-hinom, ni'ikyë ja y'u'unk y'ëna'k ojts tnino'k tniixaamnë, tukwintsë'ëkë ja ëxëëkpë ku'oypyë, tuunë winë tä ja naax kajpnëtyën mëti'ipë ënäty ja Wintsën të t'ëxkexyën.

Deuteronomio 12:31

E miitsëty këtii jëtu'un winë xytyuntëty ma mWintsën Tiosëtyën, tä yë'ëjëty y'ëtë'ëtstën. Jä'ä ko yë'ëjëty aakjëtu'un winë tuntë tä yë Wintsën t'ëxëëk'ixyën. Yë'ëjëty ëxëëk y'ëtë'ëtstë y'ëna'antë ko yë tyiosëty tmëjjawëtë; yajknëtëp ja y'u'unk y'ëna'këty ko ja wyintsënëty ja wyintsë'kën tmo'oja'antë.

Deuteronomio 17:3

ets t'ëwtajtnëty ja wiink wintsën, ëkë twinkoxtënaaynyëty oytyiijëty, tä yë xëëw, po'ojën, ëkë mëtsa'ajën, aakyë'ë mëti'ipë yë Wintsën ka'ap nt'oyjyawën ets ka'apë të tni'ënä'ämën.

2 Reyes 23:20

Ojts tyaj'o'kta'ay ja teetytyëjkëty jam ma ja wintsë'këntyaknën ja mëti'ipë y'ëwtajtën ja awinax ka'apë Wyintsënëtyën. Ma jam y'o'ktën ja teetytyëjkëty nän jämyë tnino'ktaay ja waay pajk mëti'ipë ënäty të yajnitajtu'utën. Tä wyinpijnëy jatëkok jam Jerusalén.

Jeremias 19:2

Tääts mnëjkxëty jam Ben-hinom joyjyotm, ma yajpaatyën tu'uk ja tëjkëtyakn ma t'ixko'owtën ja tu'ts apu'u yë tu'ts pojtspëty. Jamts xynyikajpxëty ja aaw ayuk mëti'ipë ntukmëtowäämpyën.

Josue 15:8

Ya'atë tsëpa'an jam ijty nyäxy ma Ben-hinom joyjyotmën, e jam ëpa'tkë'ëmtsow jam nyäxy ma txëëwatyën Jebús, jä'ä ja kajpn mëti'ipë yajtijpën Jerusalén ets pyäjtë'ëky jam kopkëjxm mëti'ipë wintuuytsyow yajpatpën ma ja Hinom joyjyotën ets jam anëkëjxy'äämpy nyäxy ma ja Refaim joyjotmën,

Isaías 30:33

Tëëyëp yë Asiria ja'ayëty ets kyutujkpëtëjkëty ojts yajtuknipëjktaakëtë yë ëyoowtakn mëjpë ets këkpë, tu'uk ja o'ktakn ma nyitoytyëtyën mëët ja ja'axy kepy. Yë Wintsën wyimpiixëjäämpy yë jëënmëët ja azufre.

Isaías 57:5

je'eyë xy'ixta'atë kepypya'tk mëjëtypë tääts jam m'ëtë'ëtstë m'ëna'antë tëkatsy, jap muum wokjoty m'u'unk mmëxu'unkpë xykyujëpijpnaxtë, jap muum tsaajutjoty xy'atijëtë.

Jeremias 2:23

¿Wi'ix m'ëna'ana'any: Ëjts ka'apës tii poky nmëëtëty ets ka'apës wiink tios të npanëjkxyë? Mëmay mëtaj wi'ix ojts m'ëtë'ëtsy m'ëna'anyën jam joyjyotm; ja'amyäjtsta'a tiijaty të xytyunyën ko ojts mnäypyëjktä'äkyë tä jëyujk jëku'ux to'oxyën mëti'ipë xii yaa pëyë'knajx pëyë'ktëjkëpën;

Ezequiel 20:26

Ojts n'ëxmajtsnës ets nyäyaj'ëxëëktëkëtëty mëët ja wintsë'kën mëti'ipë myooytyëpën ja awinax ets yë'ëpaat ma ja y'u'unk y'ëna'këty kä'äxkopkpë tukwintsë'ëkëtë ja ka'apë tiosëtyën. Ya'atë paatyës jëtu'un ntuuny ets tsyë'ëkëtëty ets nijawëtëty ko ëjts Wintsën.

Ezequiel 20:31

Ko yë m'ayajk m'ako'onën ets m'u'unk m'ëna'këty jëënjoty xyajwinkë'ëwtë ets yë'ë xytyukwintsë'ëkëtë, je'eyëm miitsëty ëxëëk tu'u xypyanëjkxtë ko tääpë awinax yë'ë xymyëjpëjkta'aktë. ¿Ets ënät m'ëna'antë koos xynyimina'antë ets winë xyajtëwa'antë? Ëjts Wintsën, njuukyajtënës yam ntukajpxpejtyp, ko ka'apës nkupëka'any ets miitsëty tii winë xyajtëwtëtyës.

Miqueas 6:7

¿Tyukxoonta'akëp jëtää yë Wintsën koos ntukwintsë'ëkëty tu'uk mil yë tsajppax ayääkë ëkë may olivë onë? ¿Ëkë ko ntukwintsë'ëkëtyës yë nmaankës kä'äxkopk ets yë'ë ntukkunaxëtyës yë n'ëxëëk winma'anyës ets nnëë npokyësë?

Deuteronomio 18:10

Ma miitsëtyën ni pën yë y'u'unk tkakë'ëyakëty ets nyitoyëty ëkë wyintsë'kën'atëty. Ka'ap mëpaat pën tuunk'aty yë xëëwmääpyë tuunk, najtsja'awëk, ëkë kajpxpojkën.

Jeremias 32:34

Ni'ikyë të tjaamtään të tnaaxtääntë yë ntsajptëjkës mëti'ipës ojts ëjts nyajtuknikojën, ko jap të tpëjktaknëtë ja awinax.