Jeremias 7:16 - Biblia Mixe de Quetzaltepec

¹⁶ Mijts, Jeremías, këtii xykyukajpxta'akëty ya'atë naax kajpn, këtiis xymyënu'kxta'akëty mëët ya'atë naax kajpn. Këtii nëkoo mnäjyotmaytyunyë jä'ä ko ka'apës nmëtoow'ita'any wi'ix m'ëna'anyën.

Biblia Dc en Mixe de Quetzaltepec

¹⁶ Mijts, Jeremías, këtii xykyukajpxta'akëty ya'atë naax kajpn, këtiis xymyënu'kxta'akëty mëët ya'atë naax kajpn. Këtii nëkoo mnäjyotmaytyunyë jä'ä ko ka'apës nmëtoow'ita'any wi'ix m'ëna'anyën.

Jeremias 7:16 ပူးပေါင်းရင်းမြစ်များ

2 Samuel 8:18

E ja Benaías, yë myaank yë Joiadá, yë'ë ijty jam winë y'ijxpy tyuunpy ma ja Queret ja'ayëtyën ets ja peleteëja'ayëtyën mëti'ipë ja David këwent'ajtëpën. Yë David yë y'ëna'k aak teety y'ijtë.

Éxodo 32:10

E tyam ëxmajtskës atu'uk. Yajxonës yë joot'an të xytyuktëkë mëët yë'ëjëty, ëjts jëtu'unës yam n'ëna'any ko ntimyajkutëkoyantëpës yam. E mëët mijts nyajkojäämpyës tu'uk yë naax kajpn mëjpë këjääpë.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Jeremias 11:14

E paaty mijts Jeremías n'ënëëmë, ka'ap tääpë kajpn xykyukajpxta'akëty ets këtiis nëkoo ëjts xymyëkajpxëty, tääpë kajpn ka'apës mputëkëja'any ko ënäty ëyo'on jotmay tmëët'atë.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Jeremias 15:6

Mijts tëëjës xy'ëxmatsy, mjëxkës je'eyë të xytyuk'akë'ëy. Ëjts Wintsën, ëjts ënaanp, paatykyëjxmës të n'ënu'kxënë, tëëjës yë nmä'kxtujkën kyëjxnë etsës mijts të nixajë'knë, të ntëytyuny ets tëë nyajkutëkoy.

Jeremias 18:20

¿Ti yë'ë jëtää yë ëxëëkpë mëët yajmëwinpity mëti'ipë oyënë? Yë'ëjëty tëë tajtë jut maas xyajnaaxtëkëja'antën.

Jeremias 4:28

Mon tuk ja naaxwiinyëtë y'awinpita'any ets ja tsajp jëtu'un yaj'ixa'any tä jeexyë o'kën tëko'oyën të y'ityën. Ëjts tëëjës njanikäjpxy, ni pën të kyajootwinpity; tëëjës ntuknipëjktaakë tiijës ntunäämpyën ets ka'ap tjëkyepy n'ixtëkëwa'akëtyës.

Jeremias 7:17

¿Ti këtii xy'ixyë wi'ix y'ëtë'ëtstën y'ëna'antën ma Judá kajpnën ets ma Jerusalén kajpnënë?

Miqueas 3:4

Nëjkxëp jëna'a xymyëkajpxtë yë Wintsën e yë'ë ka'ap nëjkx m'ëtsowëtë. Nëjkxëp nyäyu'utsyë ma ënäty xyjyamëkajpxtën jä'ä ko ënäty je'eyë të mtuuntëkoytyë.

Deuteronomio 9:14

Tyaa t'ixtëty nyajkutëkooytya'atëpës ënät yamëty ets tyim'atëkoytyëty yë xyëëwëty yaa naaxwiiny naaxkëjxy. E ma mijtsën nyajkojjäämpyës tu'uk yë mëj kajpn.

1 Juan 5:16

Ko pën ja myëku'uk t'ixëty ko tam pyokytyuny ets jä'ä ja poky mëti'ipë ka'ap yaj'ookyën, tuknija'amyätsëtë ja Tios ets ja Tios yajjuuky'atëtëty, ënät jëtu'un pën jä'ä ja poky mëti'ipë ka'ap yaj'ookyën. Jä'ä ko tää poky mëti'ipë yaj'o'kpën, ko pën tääpë jëtu'unpë poky tuny, ka'ap tjëkyepy ja Tios yajtuknija'amyätsëty.